westlover的個人專頁

位置觀塘地鐵站隔離嘅亞太中心嘅韓式餐廳Dodam chicken，地點方面好適合約埋朋友黎食。餐廳環境非常闊落，唔單止樓底高，而且枱與枱之間都有足夠嘅空間，啱啱約埋三五知己一齊相聚。餐前會有爽脆嘅蘿蔔粒，醃製嘅蘿蔔粒十分爽脆，而且酸味味，餐前食完好開胃。芝士年糕拉麵每次食韓國菜，都會點呢碟餸。為咗令佢唔會咁快凍，餐廳選擇用鐵板上，咁就可以一邊傾計，一邊食住暖笠笠嘅年糕。呢碟餸嘅材料十分之足料，入面有獅子狗卷，雞蛋，拉面，溶住嘅芝士，當然唔少得韓式魚糕，年糕等。而佢嘅汁都唔少，讓每樣食材入口嘅時候都可以均勻地沾滿咗辣醬。由於芝士會keep住有拉絲嘅效果，相當惹味。同時，亦可以因應喜好，選擇唔同辣度，唔係好食得太辣的話，揀小辣就啱哂，辣度適中可入口。配上煙韌嘅年糕，簡直絕配！蜂蜜牛油炸雞第二碟必定要試嘅當然就係韓式炸雞，我哋人唔多，於是就揀咗半份嘅炸雞。同好多其韓式餐廳一樣，食客係再以揀有骨或者無骨，我就中意有得拎住舊骨食，所以揀咗有骨嗰款。熱辣辣嘅炸雞，雞皮非常之跪卜卜，第一啖咬落口，已經會有濃厚嘅牛油味，咀嚼之際，甜甜嘅峰蜜味連埋啖啖肉汁滲出嚟，肉質嫩滑，一啲都唔乾，絕對值得推介。餐廳好細心咁會為食客準備手套同埋過桶，好等大家食有骨嘅雞後有位置放食淨嘅骨。…查看更多

紅燒牛肉麵套餐一上到枱已經聞到陣陣嘅紅燒牛肉湯味，牛肉一啲都唔韌，而且麵嘅份量啱啱好，仲有蘿蔔同埋白蘿蔔做配菜。入口有少少微辣，落到個胃非常之暖，冬天食真係唔錯！金萱檸檬愛玉茉莉綠茶跟套餐加10幾蚊加一杯台式飲品，愛玉彈牙，加上檸檬嘅酸味，非常開胃~台式麻辣半筋半肉手工拌麵呢個可以話係超級抵食，牛筋同埋牛肉都好大舊，索哂湯汁，非常滿足吖☺️跟餐仲有鴨血同豆卜，非常抵食。個伴麵夠麻又夠辣，同牛肉一齊食非常夾！脆脆奶茶同樣地，都加咗錢叫咗個特飲。入面有好有咬口嘅粒粒珍珠，同埋仲有3粒煙煙韌韌嘅芋圓，同奶茶一齊飲，真係無得輸！半份黃金鹽酥雞跟餐加20蚊左右就咁大碟鹽酥雞😋熱辣辣嘅鹽酥雞，咬落口，外皮脆，內裡雞肉嫩。而且調味又唔會太鹹，非常之香口。前菜沙律跟餐嘅前菜，份量唔多，但入面嘅士多啤梨，藍莓都好新鮮，爽口嘅沙律菜連埋芝麻醬，餐前食 相當開胃！紅油抄手呢碟紅油抄手，辣道啱啱好，抄手又有肉嘅鮮味，兩個人食唔會太飽，所以中意紅油抄手嘅都好推薦要試吖。路邊灘小食非常有街頭風果嘅小吃，入面有台灣腸，花枝丸，鹽酥雞，調味適中，樣樣入口都好有台灣嘅味道，彷彿去咗一轉台灣咁。巧克力曲奇蜜糖磗塊歐軟磚塊第一個Honey toast。份量非常多嘅甜品，總共有三塊厚切方包。伴碟嘅士多啤梨好鮮甜，配上朱古力醬同朱古力粉，極之邪惡，食唔停口😈而且餐廳仲好好心咁將麵包中心切到一粒粒，方便進食。黑朱古力杏仁可頌窩夫第二點係croffle, 即是croissant 同waffle 嘅組合。咬落有croissant 嘅奶油層次又有waffle 嘅脆口。鋪起面嘅杏仁塊中和咗朱古力嘅甜度。食完真係相當滿足吖。…查看更多

旺角好多商廈都開滿晒餐廳，有好多好有特色嘅餐廳，有機會展現倒鋪頭唔同嘅心思。今次黎嘅呢間餐廳，有好多位都俾到驚喜我，喺呢個咁平民嘅地方，從食物質素同埋侍應表現，都深深感受倒個用心！呢個set dinner看似好大路，但其實佢嘅食物配搭唔係周圍都搵倒。前菜係好睇得出一間餐廳有冇心做。呢度嘅餐湯同沙律都唔係求其整，沙律明顯有執過擺盤，而且有好好嘅調味。而餐湯唔係普通嘅紅白湯，而係牛肉湯，呢個味道非常有驚喜，湯唔多油亦唔係溝粉，但牛骨嘅香味非常濃厚！餐飲都好快上咗，分別係薄荷青檸梳打同埋迷迭香芒果菠蘿沙冰。兩杯嘅味道同甜度恰到好處，個迷迭香仲會用火槍燒著，所以香味好足夠！之後就係另外叫嘅蜆，侍應會喺你面前點著嘅酒，火仲燒到人頭咁高，相當震撼啊！侍應仲好貼心，會等大家相機ready先燒，服務超級好！呢個係today special（油封鴨肶），鴨肉好淋，好容易拉開，侍應仲好細心咁介紹碟上唔同嘅配料同醬汁，仲提醒要點埋芥末一齊食。喺呢個地方有咁細心嘅侍應真係好難得！最後上嘅係封門柳扁意粉，佢個蕃茄汁真係好好好好正！最後意粉食晒之後，我都清乾淨埋剩低嘅汁，好香好濃呀！呢度嘅食物同埋服務真係令人喜出望外，旺角餐廳有好多，但咁有愛嘅唔係咁易搵…查看更多

我知呢個商場一向有啲好正嘅餐廳，特別係因為呢度地方大，所以啲餐廳都好大🤪入到黎果然冇令人失望，職員安排咗我哋兩個人坐大大張枱，仲有好舒服嘅梳化！呢度一大特別喺有個半自助餐區域，入面都有唔少嘢食，甚至可以揀淨係食自助區嘅嘢食，唔嗌主菜，好適合唔同飲食需要嘅人。呢度啲沙律吧一啲都唔失禮，遠遠都見倒啲菜嘅顏色幾新鮮，都幾開胃嘅感覺，而且仲有唔少配料選擇，鍾意砌番個豪華版沙律都得呢度仲有我最愛嘅煙三文魚！成大兜俾我任攞，我都食咗好多轉！最令人驚喜喺，半自助餐竟然都有海鮮同埋刺身食！海鮮唔算超大隻，但肉質同味道都對得住個價錢。仲有呢個甜品站，好有童話嘅感覺😂冷盤嘅味道都幾新鮮，加上跟餐嘅冰茶酸酸地，好開胃主菜叫咗威靈頓牛柳，比我想像中好食，個醬汁夠味，酥皮好香，而且個牛柳真係岩岩好熟，唔會覺得韌呢個手造寬帶麵質地好得意，佢雖然好粗，但因為唔難咬斷，所以食落都幾方便。佢嘅蟹子幫手加多咗唔同層次嘅口感半自助餐最好嘅地方就喺，大食嘅人都一定食得飽，所以我再食多咗一轉，當然要拎埋我最愛嘅甜品！最後真係食到托住個肚走…查看更多

前舖有少少似酒吧，有高枱高櫈嘅位置。再入少少就係平時餐廳嘅位置，空間都算寬躺，牆壁會有啲畫。我哋今次叫咗一個二人餐，包括餐飲，而且啤酒都係唔需要加錢嘅，真係好扺吖！所以我哋就叫咗一支發燒友同埋夏威夷賓治。呢杯係夏威夷賓治，入邊有芒果熱情果等果汁，酸得黎略帶甜，食之前飲一杯非常之開胃。夏威夷刺身bowl呢一碗嘅材料有吞拿魚刺身，飛魚子，紫洋蔥，海帶。吞拿魚刺身，非常之新鮮，同埋每一嚿都好厚身，再加上醬汁連埋飯一齊食，非常之豐富好味道，再加上只洋蔥同埋海帶，每一啖都好爽口。加州風味bowl材料有三文魚刺身三文魚子，蛋絲，芝麻醬。呢碗飯一上碟就見到相當之多嘅蛋絲放喺飯面上邊，三文魚都係粒粒厚切嘅，望落去橙橙黃黃咁，非常奪目。呢種配搭加上飯會有一種好夏日清新嘅感覺。而呢兩個bowl嘅份量都非常之多，真係非常之抵食吖！串燒豬頸肉呢個係跟餐嘅一個串燒，豬頸肉咬落相當彈牙，同埋好多肉汁，份量雖然唔夠多，但都夠兩個人食，而且燒得都好有水準。燒雞扒呢個都係一個跟餐嘅串燒。賣相好似睇落普通，但係食落嘅時候有醃製嘅香味，而且肉質好嫩滑，而佢又會幫你切好晒，咬落嘅相當方便，要嚟送酒一流燒蘆筍跟餐嘅串燒除咗有肉類以外，亦會有蔬菜，等到個口唔好太油膩。而呢個蘆筍亦都唔會少得太乾身。串燒牛舌呢個係二人餐以外嘅串燒，份量都算多，牛舌燒得啱啱好，咬落有煙靭，加上調味粉食起上嚟非常之惹味。…查看更多

一入餐廳，周圍都好有香港特色嘅味道，有電車，有地鐵。餐枱都仲有好多創意，係一張好厚嘅麻雀枱，坐得非常舒適。仔細啲留意，發現麻雀係加入餐廳嘅元素。餐廳仲用咗自己設計嘅紙巾盒。冰鎮素咕嚕肉酸酸甜甜嘅咕嚕肉，以冰嚟到墊底，食落有冰火交融嘅感覺。雖然係素菜，咬咗第一口發現，粉同素玉嘅比例係一樣，調節得啱啱好。側邊嘅燈籠三色椒亦都帶出左素肉嘅味道。咪走雞佢嘅煲蓋係一隻非常可愛嘅雞頭。上碟嘅時候店員會用火槍點火，幫碟餸㗎加溫，場面非常震撼，有濃濃嘅米酒香味。餐廳仲好細心，雞入邊放咗雲耳金針等，令到雞肉更加有香味。而且舊雞一啲都唔韌，一夾起就有一絲絲雞肉嘅效果。Yelo咖喱大雜燴呢個係一碟好友香港街頭小食特色嘅餸菜。煲入邊有魚蛋，豬皮，土魷，豆卜，白蘿蔔。每樣餸到浸滿左咖喱同香料味。魚蛋細粒，有咬口又煙韌。白蘿蔔又煲得啱啱好入味。土魷夠滑又彈牙。食住嘢嘅時候，仲有火煲住嘅溫度，唔會凍哂。雪糕格仔餅同埋生果呢個配搭真係唔錯。估唔到格仔餅都會有西式窩夫高級的感覺，同埋好難得係大排檔都會有嘅甜品。為呢餐畫上一個完美嘅句號。呢個甜品上碟過程非常快，所以下次要嘅時候，要自己預番時間喇~…查看更多

朗豪坊嘅四樓有好多嘢食，喺旺角呢個咁多好嘢食嘅地方，要喺度立足真係一啲都唔容易！偏偏呢度就開咗一間好特別嘅風格嘅餐廳，就係賣四川菜嘅！呢度個裝修真係好唔似傳統食四川嘢嘅地方，因為好多都有種污糟同大油煙嘅感覺，但呢一度就有種少女風情，係好乾淨好優雅嘅！呢度嘅餐牌都好易睇 好多嘢食都有晒圖片，知道係乜嘢黎嘅最快黎到嘅係燒椒皮蛋，個名都幾得意，佢上面有超多嘅燒椒粒粒，非常之香口，令到成個口都充滿四川嘅味道因為唔係食得好辣，所以叫咗個清炒土豆絲，佢雖然係清炒，但個味道一嘅都唔輸蝕，有好香嘅味道！之後係十十海鮮炒飯，個飯炒得好香口又唔油，面頭嘅蔥絲完全係畫龍點睛，令成個飯加添咗唔少香氣！上面仲真係好多好海鮮，唔係俾hea貨！見倒好多鮑魚粒粒！呢個素春卷真係好岩我，平時多出街食，都冇乜機會食菜，呢個春卷夠多菜，又滿足倒食香口嘢嘅慾望！呢個真係好特別，估唔倒小籠包入面可以裝酸菜魚！食落真係滿滿嘅驚喜，因為好似濃縮咗一煲酸菜魚入去個小籠包度，係味覺嘅震撼！最後當然要叫番個甜品，呢個鳳梨奶黃窩餅十分之令人滿足，酸酸甜甜而且餡料好多，食完真係有種暖暖嘅感覺~…查看更多

第一次嚟呢間餐廳 環境唔錯 外牆都係玻璃 即使餐廳唔太大但一啲都唔局促同埋好多卡位 現場都有幾多一班朋友聚餐或者一家人食飯樽水嘅薄荷葉咁樣塞入去又幾精緻 陣味幾fresh嘢食選擇都幾多 除咗燒烤嘅海鮮肉類 一般西餐有嘅頭盤意粉燴飯之外仲有漢堡三文治薄餅揀 無諗過連亞洲風味嘅都有 真係有啲選擇困難症 頭盤咗叫蝦芒果牛油果沙律呢個配搭好清新 醬唔會太多太濃味 而且份量好足 蝦都大大隻 好食仲叫咗招牌芝士漢堡 中間嘅漢堡牛扒好睇到佢grill嘅功力 外面煎得有少少脆有啲焦香又唔乾 煙肉都煎得好啱啱好 脆邊但保有肉汁呢個薯條真係好加分 調味好正好香口牛肝菌燴飯 份量適中 口感不錯 佢落咗好多嘅cream所以食落都有好大嘅飽足感 如果可以再香牛肝菌味就更好了總括黎講呢度都真係一個幾好嘅位置，食完行去隔離海旁散散步再搭鐵走人 都幾有情調 又夠方便但又唔會太嘈雜 幾岩拍拖黎食…查看更多

呢間餐廳一直都係我喺元朗好想食嘅餐廳，佢哋仲去咗個大鋪位，行過見倒都覺得幾有架勢！我哋唔想諗，就叫咗侍應推介嘅二人套餐，見佢乜都有，唔使左諗右諗先黎上咗兩個餐湯，分別喺黑松露磨菇湯同埋洋蔥薯仔湯，每啖都飲得出好足料，打碎咗嘅料都微稠嘅湯融合埋一齊，每啖都喺細滑又濃烈嘅享受！前菜揀咗牛肉他他，估唔倒佢份量幾大之餘，個牛肉仲一啲都唔腥！完全唔覺得係食緊好生嘅牛肉，反而係有好香嘅鮮味同埋牛肉味，份量剛好夠配晒咁多塊多士，有喺食客嘅角度去諗然後就揀咗呢個蒜香大蜆意粉，佢啲蜆唔係講笑 係粒粒都咁大！而且每粒咬落去都會爆汁！每一啖放入口都覺得好驚艷💖之後就到主菜，肉眼扒配龍蝦尾。主菜真係一啲都唔細，而且塊扒真係話五成就五成！佢一上到枱已經聞到好香好香嘅焦香味，加上好分別嘅grill痕跡，真係非常之開胃！龍蝦尾仲要已經剝咗殼，好方便就食倒，真係好貼心呀！呢個配菜都十分之值得一讚！呢個薯餅唔似某啲連鎖餐廳食倒嘅hea貨，入面係真係creamy又少少流心，好邪惡嘅美味！食咁多好嘢，都真係要配番杯酒先夠過癮！Red Sangria好香嘅果味，紅酒味唔會好搶，整體係好開胃同埋清倒味蕾。Dirty Chocolate十分濃郁，係有種甜品嘅感覺~最後就嗌多個甜品作結，呢度咁大件只喺$48！簡直係難以置信！甜品好味又夠大份，真係滿足到一個點！呢度嘅服務都超值得一讚，唔止好細心幫手加水，仲會留意住進食嘅速度，hold起某啲菜式唔上住，真係好好好窩心好暖男！下次一定會再黎！…查看更多

嘩嘩嘩今日真係好開心，可以食倒呢間網上好多靚靚相嘅餐廳！呢度真係好旺場，連平日嘅夜晚都好爆，好彩我早到，就岩岩好唔洗等位都入得！呢度嘅嘢食都似係比較惹味，但又擺得好靚靚嘅感覺。首先叫左份奇尊粉蝦配香蒜蛋黃醬薯條，呢度嘅薯條每一條都係新鮮熱辣辣！之後就有一份手撕豬肉千層麵，佢面頭都蓋滿晒芝士，仲以為係白汁黎！證明佢真係好足料！酸椰菜仲好出奇地夾！呢個鵝肝牛肉漢堡就真係邪惡到不得了！感受倒佢每一層嘅配料，冇一樣喺求其整，每層都煎到好香好脆，勁滿足！甜品當然係必嗌嘅，而且都冇令人失望！佢地主打嘅甜品之一就係厚pancake，好重蛋味，質感好厚實，係個食完會好滿足嘅甜品！甜品一人一個係基本啦！所以仲叫咗個焦糖香蕉窩夫。呢度嘅窩夫完全係另一個層次嘅甜品，香脆到不得了，而且真係好靚好靚好靚（重要嘅事情講三次）。佢嘅焦糖香蕉仲係我食過嘅數一數二好味！呢度真係幾唔錯，沙田有呢間餐廳我覺得都幾正！…查看更多

元朗真係好多好嘢食，估唔到喺呢個商場嘅外圍會有一間咁舒服嘅餐廳。佢個裝修完全唔似其他食川菜嘅鋪頭，反而係走左一種時尚優雅嘅風格，岩晒想食四川嘢又想坐得舒服嘅人~呢度個裝修真係幾靚，但嘢食又唔會好貴，以商場餐廳黎講都覺得算幾抵食！首先叫左個廚師推介嘅水晶肴肉，食得出佢嘅肉都算幾新鮮，唔會覺得油膩，配嘅醬汁調味都剛剛好然後我地仲叫咗個牛肉乾鍋，小辣都已經好惹味，入面有唔少嘅配料，仲有個火爐保持住溫度，所以一路食一路都聞到好香嘅麻辣香味。入面最好食嘅配料薯條，因為索倒好多辣油，放入口層次感好豐富仲有就係今日嘅重頭戲 酸菜魚！呢個係例牌份量，魚肉都超級多，而且每塊都好厚肉，似一般出面食倒嘅1.5倍，所以都唔容易散開，食落口仲有種綿綿密密嘅感覺，真係好滿足！我哋仲叫咗個goose island嘅IPA， 呢個真係超好飲，有啖啖果香，好清新，配辣嘢係一流！食咗咁多辣嘢 當然要食番碗冰粉解解辣，呢碗冰粉絕對達到我嘅要求，夠大碗又夠凍冰冰，糖水份量剛剛好，係好圓滿嘅甜品…查看更多

荃灣呢座大廈有好多食店，唔少都係打邊爐嘅。呢間18樓雞煲就係喺呢度發緣，真係喺正18樓，仲喺其他區開分店，我諗一定有佢過人之處喇！呢度嘅上菜效率係十分之高，唔會浪費放題限時嘅一分一秒。坐低唔係好耐，就已經送上大大盤雞煲，睇個顏色就知道係正嘢！食落果然超級入味，好開胃！呢度都有唔少炸物，而且唔係好多地方都有得食，例如大力推介炸酥肉，食落唔油膩，加上炸蒜粒粒好吊味，味覺非常豐富食完雞煲就開始打邊爐環節，呢度嘅湯都好夠味，但我都係習慣倒多一碟鼓油呢度嘅火鍋料都好多選擇，同埋好欣賞佢俾你細細碟咁叫！咁樣就可以試晒好多樣配料，但都唔會食到飽死雞煲加咗湯都依然色澤滿滿，烚完嘅食物的確夠味欣賞呢度嘅嘢飲都唔吝嗇，有啲比一般汽水貴嘅選擇，我都飲咗唔少最後當然唔少得甜品！呢度好好嘅地方係有大大個雪糕corner俾你慢慢擠，擠倒靚嘅雪糕真係好有滿足感！…查看更多

呢間餐廳位於西洋菜南街，距離附近地鐵站只有大概5分鐘路程，相當方便。好耐嘅裝飾花咗唔少心思，天花掛咗好多唔同顏色嘅燈籠，成間餐廳都以木為裝飾，仲有好多鯉魚嘅標誌，令到成間舖頭好有日本嘅感覺，好友去咗日本嘅感覺☺️第一碟叫咗海鮮沙律。海鮮嘅種類都唔少，有三文魚粒，吞拿魚粒，飛魚子，油甘魚粒，仲有兩隻蝦。蔬菜新鮮而且甘甜，仲會有配一個沙律醬，非常清新開胃☺️之後叫咗個照燒魷魚筒。份量非常足夠，而且魷魚燒得又唔會好老，好韌，相當有口感。由於面仲會諗想燒汁，識落非常可口。☺️呢啲係一個自家製照燒章魚小丸子。一碟有八粒章魚燒，店舖應該係模仿緊東京風嘅章魚燒，表皮係炸嘅，咬落好脆口，上面放滿左木魚塊同埋加上左頭後嘅醬汁，十分配合☺️打開一半嘅章魚燒入邊有一粒章魚，仲有唔同嘅配料，十分抵食☺️最後叫咗一碟雜錦天婦羅。呢啲天婦羅都有好多材料分別有三隻蝦，茄子塊，南瓜塊，番薯塊。點少少白蘿蔔蓉再點埋醬汁一齊放入口，十分美味☺️食完咁多嘢，飲番一杯清清嘅日本茶，消滯都唔錯☺️…查看更多

一入餐廳，就感覺到濃厚嘅日本味道，可以話止一止旅行癮吖。枱與枱嘅距離尚算大，坐落都幾舒服。 雖然入秋一段時間，但室外溫度仲好似夏天咁熱辣辣，幸好餐廳有提供冷食嘅選擇。所以我哋都叫咗兩碟涼食，降一降溫。冷製雞白湯擔擔面 材料有肉粒，生洋蔥，生蔥配上辣油。麵條浸在泠湯下，相當有口感，而且湯汁唔係好濃，同麵 都好夾！呢碟唐揚雞望落有少少深色，但唔係炸得太老。咬落唔會有油膩嘅感覺，而且都冇話炸到好乾身。肉汁鎖住響雞肉，配埋上他他醬，食落酸酸的 好開胃鐵板炭火華味鳥 呢碟嘅炭火唔知係咪嚟自黑忟忟嘅汁呢~ 賣相黑忟忟但入口又唔錯喎~ 餸底用咗雞腎，好有咬口。雞肉好嫩口，仲有單骨雞翼。餐廳落咗大量洋蔥一齊炒，成碟都好香！芥末長芋照燒華味鳥雞扒白色嘅嘅係芥末醬汁，雞扒煎到脆脆的，連埋醬汁食 都幾好！水炊鍋 見到餐牌絕對唔吝嗇，俾嘅係雞髀肉，同雞翼，雞肉丸 仲有雞肝。同鍋都會上一整碟蔬菜，有豆腐花，京蔥，蘿蔔，金菇菜，唐菜🫢。吸收咗清湯，味道一流。湯底清清嘅，啲落左接近10幾分鐘就可以食。咬落雞肉仲係嫩嫩嘅，連湯一齊飲，一啲都唔會膩。…查看更多

Menu上牛肉嘅部分都有好多唔同嘅選擇，有圖顯示番唔同部位牛肉嘅名稱，因應住個人起好，揀自己喜好嘅位置。餐廳主打穀飼牛，牛肉油脂含量多，均勻嘅油花分布，令牛肉質感食起上嚟更加鮮美軟嫩。當然唔少得sauce 同side dish 嘅選擇。除咗扒類，仲有前菜，main，同甜品揀啦。選擇多到，真係樣樣都想試下。餐飲都分咗酒精同非酒精類飲品，如果一班朋友食飯，配合落單嘅肉類，揀番紅白酒，摸摸杯底，傾下計都唔錯！我哋分別叫咗2杯mocktails，左邊係punch，右邊係lychee lemonade。兩杯都好重果香味，好清新嘅味道！前菜係一個蟹肉沙律。餐廳一啲都唔吝嗇。滿滿嘅蟹肉，分別混合咗紅蟹同麵包蟹。上面舖左好多細細粒嘅魚子，相當配合！牛肉類，我哋揀咗個相對多脂肪嘅牛小排。由於用咗慢煮，食起上嚟，口感的確唔錯，而且烹調得啱啱好，唔會太熟，一切落去，見到肉汁慢慢流出黎。伴碟仲有少許菌類同薯蓉，食落好滿足。我哋揀咗個阿根廷香草醬，但覺得本身如果唔點醬，牛肉嘅肉汁味都好夠。呢個醬可以話係俾食客試吓唔同嘅嘅味道，不過都夾牛肉嘅！Side dish, 我地揀咗松露薯條。餐廳上碟嘅唔係薯條，而係wedge，點上香濃嘅松露醬，入口之後更加滿足☺️Main方面 揀咗長臂蝦海膽醬櫻花蝦意大利飯。首先，餐廳冇將蝦烹調至全熟，咁樣保留咗蝦嘅新鮮果，咬落肉質比較建銀。其次就係意大利飯嘅醬，粒粒飯都俾醬包住，一入口，濃濃嘅海膽味同蝦味即刻滲出黎，食完每一啖都吸引你再食多一啖！…查看更多