kaykaty的個人專頁

呢度啲好評我唔去評論真與假，口味各有不同。總之就係味千級數嘅港式日本餐廳，其實一開波話同層三間餐廳都係同一老闆已覺伏。入去食個快lunch，單點柚子雞翼夠膽死係雞翼加啲柚子蜜落去😂午餐叫牛飯同豚肉飯都係落重醬汁，咸到一個點之餘，全部都係現成醬汁。就連可樂都係機沖唔係罐裝，真係浪費左我一個午餐quota。間餐廳環境正常整潔，員工態度都正常（午市兩點後入，現場唔夠五檯客）但真心味道難食過我自己煮，去吉野家買個大盛牛飯都無咁嬲，仲平幾十蚊。…查看更多

其實都經常幫襯，尤其係15種野菜定食，但真係好想問下啲侍應同收銀點解態度差到咁？問問題一定係晦氣答，然後仲要一副「唔知點解仲要問」嘅回應方式，從來無聽過佢講多謝。好懷疑究竟係咪日本人開？點解請呢啲人做樓面？我食過鰂魚涌果間都唔係咁，但天后呢間啲人係無轉過，個面口亦都無改過。好貼錢買難受嘅感覺囉。…查看更多

成地都係食物碎，又多野飛飛下，啲員工咁得閒好心就掃下地拖下地，成間舖污糟到一個點，就算野食好味都不想久留，請改善。叫左個茶餐撈公仔麵同雞尾包，雞尾包好食，個包幾大又鬆軟，茶餐正常無特別。…查看更多

所有食物既配搭都好錯，好港式，完全食唔到食材既味道，所以我唔知新唔新鮮。乜野都勁落醬，乜味都係俾啲醬蓋過左。另外環境麻麻，油煙太勁，坐bar檯邊都吸到我狂咳。杯水又難飲，加粒青檸搞到苦苦澀澀咁，不如俾杯茶我啦好嗎？個鴨胸沙律勁hea，係一早整好左果隻，好似連鎖店跟餐果種沙律咁。然後個海膽杯$398，完全唔值，海膽唔新鮮，份量勁少而且又係一早整定係雪櫃拎出黎果隻。海膽醬芝士龍蝦超唔掂，啲醬搞到完全食唔到龍蝦味，而且個醬好難食，加勁多超市芝士粒，仲衰過我封酒樓食芝士焗龍蝦個帆立貝，火候控制唔到，外面好熟內裡又仲生，唔知想點，仲要加松露醬係上面最後個牛係比較正常不過好貴，而且又落左唔知咩醬，好得人驚，點解乜都要落醬埋單二人$1300，貴夾難食，以後都唔會去。…查看更多

呢杯野乜都無淨係冰同糖水，完全無左smoothie既意思，根本就係沙冰，一啲都唔幼滑，勁多碎冰，凍到頭痛。另外menu少左好多選擇, coffee方面都係同平時差唔多, 但朋友叫的coffee 略嫌唔夠熱.....-___-…查看更多

裝潢後水準直線下降，不知道闕轉了手還闕什麼原因。星期天到這裡吃午餐，點了西班牙牛肉小鍋飯，凍橙茶和跟餐的湯和沙律。湯是忌廉玉米，但跟本沒有玉米，喝了兩口便知道是沖粉的「忌廉湯」，和普通茶餐廳的例西湯一樣味道，不熱也沒有口感，令人失望。然後西班牙飯，用知鐵鍋裝著，樣子不錯，跟他人上載的圖片沒差，但一吃下去就知道，又是另一個instant pack的化身。牛肉只是和杯麵那種假牛肉一樣的口感，連大小也一樣，我相信如果是全人手處理的話很難可以切得那麼小，而且正常人也不會這樣做因為實在小的吃不出任何牛肉味。飯的口感是有點細小的脆脆在飯粒當中，吃過意大利飯/西班牙飯的便知道不可能是這樣，我常吃759的那些instant pack risotto, 一吃便知道是一樣的口感。味道方面，除了表面的蛋和芝士外，本來整個飯就只有一種很濃的味，不是什麼味，是只有咸味，吃到中段就感到很重的MSG，那種咸味不是用鹽或調味所造成的，而是非常重手的MSG, 當然，因為是instant pack,  很難沒有MSG 吧？最後是賣相，很大程度相信是從另一個鍋煮好後放進鐵鍋，因為完全沒有飯焦而且那個鍋是不熱的。凍橙茶，就是橙粉加凍茶，一喝便喝得出的味道。朋友和隔離枱吃的，有燒春雞糙米飯，雜扒配薯條等，基本些就肉眼所見已經知道大多數是現成翻熱的。如果是茶餐廳的價錢我覺得還可以，但要是用西餐廳的價錢就完全不值一提。…查看更多