根本可愛's Profile

知道旺角分店6點後有半價，所以準時6點到達入座。到埗後已經有不少食客入座，我們被安排坐最尾的2人位。一行到位置，枱上佈滿污漬，黏黏的，還有幾隻蚊/蒼蠅圍著水壺水杯在飛。 場面極度震撼，所以我們立即要求調位，但換來只有店員的冷淡與不耐煩的回應。 店員還要向另一個店員說：「佢地話要換位喎~!!」，態度極不友善，好像是我們故意刁難他們一樣。最後安排了我們坐近收銀處的位置，水壺同樣滿佈污漬，所以我根本不會去飲。若不是朋友堅持想試，我是會直接走 限時90分鐘，我們安頓好便立即點餐先來兩杯飲品奶昔成杯拎上手好輕，似有還無，好似成杯都係泡咁輕味道酸，飲不出藍莓和草莓的味道，非常難飲紅豆冰比奶昔好好多，但好淡，紅豆無乜，但至少可以入口飲品來完就到壽司先來一個芒果三文魚賣相幾靚，入口不俗之後分別叫了火灸三文魚和汁燒三文魚腩火灸三文魚好乾好鞋，好難食三文魚腩不肥美，食落同火灸三文魚冇分別，都係乾，只係比火灸三文魚濕少少重點：魚腩同非魚腩厚度、肥美程度一樣，入口根本食唔出分別之後就來了一堆三文魚和帆立貝(?)(忘記了)一般貨色，冇驚喜，但唔會想再食下次蟹籽較亂，賣相唔好，醬汁少，而且整體比例不均，敗筆！爭鮮的花之戀絕對比它半價後更便宜更好吃手卷一黎到已經即刻食，但紫菜已經腍晒，而且份量好細飯只有少少，搞到我一落豉油就由下方流返晒出來，唔值辣汁三文魚OK，辣味剛好，雖然紫菜都係腍晒三文魚三食，黑胡椒、蔥、辣汁黑胡椒味道好怪，一啲都唔香，入口感覺奇怪其餘兩個都OK海老三食覺得今餐最抵食既係原條鰻魚壽司，一個價錢有2件但鰻魚有D乾，同真係好好好好好多細骨但相比起同場其他款式，已經算係上品枱上介紹可以下載手機app，登記後會送三文魚但場內冇wifi，用數據下載後卻不能載入回家後用wifi登入，andriod機成功載入但找不到所示送三文魚的優惠apple機更完全不能使用程式所用的碟及杯感覺同廉價放題差唔多同樣價錢可去出去葵芳夢工房食放題雖然兩間都係服務態度差，但至少夢工房的食物是可入口…Read More

原來bb雞同雞腿扒既肉都係一樣，只係bb雞份量較多同無軟骨（老闆話我知既）大同小既bb雞份量一樣，只係買大既雞件就大塊d，小既就細件dbb雞同雞腿扒肉都係好嫩滑，但係有1舊唔太熟，可以見到紅色既肉:(而且其中一舊bb雞竟然仲有雞毛完全倒胃口但出事既都係bb雞，雞腿扒就無發生過任何事。但如果想食bb雞，就要早d買，事關都幾多人買bb雞，10點後想睇戲食都無哂啦…Read More

係學校做project做到夜深，旁邊工廠區食肆已關門，飢餓難頂下，就去pc買野食醫肚。其實8點呢個鐘數已經乜都賣晒，麵包架除了包裝曲奇同蛋糕，凍櫃除了批同少量甜點外，全部賣晒。想食朱古力甜甜圈，但已經無，唯有試下呢個 黑椒磨菇雞肉批，加杯熱朱古力啦。個批好乾，雞肉餡料少，而且雞肉無味，無醬汁，淡茂茂，食唔出蘑菇味，而且黑椒只係得個樣，食唔到，只有個批皮既牛油味，批上既芝麻一切就散開勝在pc員工主動幫你加熱（原先係凍櫃），翻熱後較易入口。不過一個批加一杯tall size飲品，真係可以當晚餐，飽晒:)…Read More

已經試過幾次，但每次都忘記影相，太肚餓啦！第一次係試韓國炒年糕，因為係第一次食，年糕煙韌，辣醬夠味，有小許泡菜，但無魚片，真係純粹炒年糕，但因為係第一次食，所以覺得ok。第二次再買炒年糕，係中午1點半左右，上次買係下午6點幾差唔多7點。味道已經有不同。年糕偏硬，係未煮透果隻硬，辣醬唔香，食落唔辣兼無味，而且醬料稀到似水，色淡，食左小小已經食唔到落去而韓式壽司則ok，但佢地係預先包裝好，用透明膠盒裝，有客人要就直接係架上拎出黎，5秒都唔洗而餡料有紅、酸蘿蔔、腸仔、菠菜、雞蛋、羊羹咁就一定唔係傳統韓國紫菜包飯啦:(飯較黏同爛，因為預先製作好，所以不要期待會有爽脆紫菜。但價錢唔大眾化…Read More

同朋友晚飯後意猶未盡，於是專登搭車黎呢間Holly Brown試食雪糕。其實呢間既其他分店已經開左好耐，只係見其相，不試其味。經友人口中得知愉景新城有分店，終於下定決心黎試一下。首先店內環境衛生乾淨，淡黃色的燈光，同商場既白燈好大對比，而且牆上掛滿不同口味雪糕的圖片，非常吸引:)，美中不足係座位間非常狹窄，枱與枱之間幾乎無空間，每次都要各顧客起身讓其他顧客入座，非常不便。透明玻璃櫃既雪糕櫃，仲比我試晒所有味，最後揀左最受歡迎的藍色星球因為人多，我拎單後仲有成8個係我前面，於是坐下來休息一下，等到差唔多時間，就出去望下我既藍色星球完成未出到去已經把雪糕同配料炒好，職員正在撒早餐星星粟米片，但一撒落去，好多都跌返晒落凍板上，真正黏在雪糕上的只有小許雪糕球真係幾大下（我要左最大size）但因為我揀既雲尼拿味雪糕，味道不錯，但不是普通雲尼拿味，有小小似小朋友食開既果種奶粉味因為佢地會set好好多個杯杯同放好窩夫餅備用，拎到手個窩夫餅已經腍左，但都有小小脆，一般貨色，可以接受但因為加左色素，所以先有藍色既雪糕，食完我成個咀唇同舌頭都染晒深藍色，勁似中毒咁，下次食要帶水去其實食左1/3左右，已經感到好流，食唔落位置坐得舒服，同朋友就咁就坐左2個半鐘:)…Read More

事隔年半再度光顧午市放題，食品款式多左，員工人手多左，做野都快手左:)價錢都係加左小小，仍然係合理價錢。但年半前係飲品要另收費，依加已經轉為全包，除非你要加錢任食Dryers雪糕。首先係飲品方面，首推 忌廉紅豆冰忌廉軟滑，甜而不膩，食幾多都唔流口，紅豆極多，成杯都滿到瀉出來。如果想飲熱既，可以自己出去水吧斟，但只有咖啡奶茶阿華田之類。食物款式除了舊有，還額外多了好幾款，例如泡菜、冷拌麵等，可惜軟殻蟹手卷已經取消了:(泡菜不要期望係正宗，非常酸，又不是韓國的辣，似係辣椒油浸大白菜難食！必食係 花之戀、火炙三文魚壽司，依然係同上次一樣 飯唔會太大件，同上面件三文魚一樣size 有時會再細d，燒得剛剛好，外熱內冷，口感一流。手卷送到黎，紫菜已經腍晒，但送餐速度已經係好快，可能係本身已經有現成手卷等order:(另外，炸蝦反卷已經唔似上次食的好，炸漿厚，不脆，而芝士三文魚卷則難以入口，味道難以形容仲有沙律、小食、手卷、反卷、拉麵 等等好多話就話限時，其實無乜人等位既話，係可以坐到時段結束因為同朋友食完傾計傾到清場，經理仲問我地要唔要烏冬，整多左個其實都座無虛席架:)…Read More

中午食飯同朋友試下呢間，估唔到正午入到去竟然無乜人一入到去侍應就安排枱比我地，其實唔洗安排，因為真係好空。坐低左settle好之後，我地就研究餐牌，因為我地都係第一次黎食，揀餐時間都耐d，但d waiter就企定定係隔離望住我地，等我地點餐，個感覺真係好唔舒服，而且講左一陣先點，waiter行開左一陣又行返黎企住朋友最終點左墨汁意粉，而我就揀左千層麵。先來蒜蓉包，唔熱又唔暖，凍晒，食落唔脆，又韌，好難食朋友食的一般，無乜可講。我點左既千層麵，我係第一次食，賣相100分，外熱內暖，但麵條超濕，好似食緊糊仔咁爛，完全唔覺自己係食緊麵，而且麵條本無味道，沾咖哩汁食都掩蓋唔到，完全係麵還麵，汁還汁但芝士夠大塊，食落似車打芝士。野飲就係我地食左一半先送到黎，我叫既係好立克，但淡味如水絕對不會再光顧午市，浪費我的時間與金錢，換來這個不愉快經驗…Read More

朋友介紹來試當下午茶，好新奇，企住既堂食都係第一次試，而且一路食仲可以一路望住員工點製作食物。第一次試炒麵，單點$20份量不多，似三絲炒，有紅薑絲，但麵質較粗身，不軟不硬又無味絕對無下次。第二次試燒餅，好飽肚係一大塊椰菜餅，上面有一塊薄豬肉片，燒餅面頭煎得香脆，配以淋面既燒汁同沙律醬食，好味但煎同醬只有面頭，入面無味，椰菜餅似無醃過/無調味，唔係太入到口，要沾醬一齊食先入到口，但味道麻麻，始終無面頭咁香脆可口。而唯一既豬肉片好難食，煎得又乾又硬，完全食唔出味佢比既醬好少，所以要叫多醬，如果唔係食入面果陣已經無醬，入唔到口圖片比大家參考醬既份量：堂食紅碟係一般醬份量，外賣白碟係多醬。…Read More

聽就聽過皇室係幾咁大幾咁華麗，但入到去既坐位都不外如是，沒有皇室既氣派。叫左炸蝦拉麵加餃子，真係即叫即整，無預先整定放係度standby，仲有冰凍西瓜做飯後果。炸蝦個炸粉唔係太厚，可以感受到蝦肉的味道，而且仲有4條之多拉麵軟硬適中，但仍然keep住麵餅既形狀，相信係未有足夠時間預備而倉卒整出黎餃子係豬肉餃，唔會太乾，配有喼汁，但喼汁個碗裂左，食食下先知，流晒落隻碟度，炸蝦同餃子吸收晒:(第二次去食餃子已經無提供喼汁…Read More

突然經過好想試下，於是馬上去買返份炸魚薯條。雞粒得4粒，覺得唔抵所以無試。薯條係粗身，而且無麥記咁鹹咁多鹽，點他他醬食真係正到無朋友。炸魚個皮好薄，肉有魚味同滑嫩，咬落去啖啖肉，唯一缺點係多油。自從試過1次後，每次入park必食！但衛生環境欠佳，後面d枱凳滿佈盤子同垃圾無人清理，而且風扇風勁大，吹晒d垃圾落地:(，我每次都係食完自行清理，但絕大部分人食完都唔會自己執好扔掉，加上無安排人手清潔，期待改善…Read More

玩完迷離莊園，已經下午4點幾，又未食午餐，於是近近地去左呢度。入面裝修好用心，地方夠大，座位算寬敞，唔知係咪地方比較遠，無乜人，所以買餐都好快，位又夠。朋友叫了印尼炒飯套餐，炒飯弄成雪糕筒形狀，配上一大塊印尼蝦片，吃下去時還是脆的套餐還配有雞鎚、雞串。我要了一個吉列豬扒蛋包飯，配有雞鎚。不過蛋包飯係拎餐果陣，見到佢地由雪櫃度拎出黎，再夾塊豬扒同淋咖哩汁上去，食飯仲feel到凍冰冰豬扒脆身香口，唔錯。每個餐都有芽菜等小菜，不過味道算一般。服務方面較失望，可能因為客人少，地方大，服務員好小行過黎我所在的區（餐廳分有好多區），我果邊好多食完既餐盤堆放係桌上無人理，有2個服務員行過但扮見唔到無執，有待改善…Read More

近排朋友們FB ig 的洗版式介紹佢，而報章都有介紹，忍唔住走左去試。其實佢d分店/差唔多名既競爭對手我係唔知，只係想試而揀一間方便就腳（MK）起初我去睇menu時係無人排隊，可能熱潮已過，但當我同朋友企係出面睇緊果陣。突然多左7人排隊。。。。。而我觀察多數都係買雪糕筒款，但我唔會人云亦云，第一次試就試最簡單先。我影左幾張相，雪糕已經溶得好犀利，而且面頭既蜂蜜都流晒落杯底，所以岩岩開始食果陣奶味勁重，但食到底已經係要飲雪糕奶咁，而且因為蜂蜜係晒底，所以甜到真係接受唔到。主角係塊蜂巢，貴都係因為佢。但真係好韌，我係佢地門口開始𡁻，直到我上到兆萬5樓都係呑唔到，最後吐了，友人吃完雪糕後直接扔掉。蜂巢沒味，如果真的想吃蜂巢既話，就去吧，蜂蜜雪糕呢個價真係唔抵。題外話：一踏入店內，一股酸臭味撲鼻而來，似汗味，還是蜂巢的味？…Read More

我地呢日放假，閒日呢個時間上到去無咩人，好空好靜我地係食呢個下午茶入到去等左都ok耐,落左order先比水我地:(一黎即刻叫野食先,超肚餓花之戀真係好足料建議食下午茶唔好加飲品同甜品,因為不得黎都夠鐘4點打後,侍應工作開始慢落黎,舉紙無人理你,想加水無人理你…Read More

今日去完書展，同幾個fd一齊黎食，對上一次黎係年幾前，諗住黎食番次。我係飛係67號，係出面等左半個鐘有多岩岩拎左飛係跳到57號，突然飛番去38,跟住48,跟住45咁我個fd都知咩事，但係都去左問下佢地個接待點知一句「人地人少咪佢地先囉，出面等啦」勁唔nice既tone終於到我地，入到去張枱係濕晒，地下痴立立，冇人去mark乾淨，惟有自己做啦杯就冇晒，又要問先比杯同埋加番d杯上去:(一黎到即點三文魚，因為有唔少經驗，一黎叫定三文魚就差唔多食食下一碟蟹子壽司跌左落黎，叫左勁耐都冇人黎汁，勁炆而且d蓋污糟到死,粘滿醬朦查查仲繼續用,唔會洗下咁原來迴轉帶上面d三文魚係魚腩黎，仲厚過落order果d炸帶子冇晒, 等勁耐都冇甜品, 有班戟皮既沙律卷d人就四圍去拎壽司等左好耐先轉到有:1.班戟皮既沙律卷2.半兜都係水既豆腐花推介既壽司:1. 三文魚2. 腐皮我個fd食左5碟, 食完出到即刻嘔跟住上到車又嘔, 落左車又嘔左2次d食物真係唔乾淨 dislike 永遠唔會再黎呢度食! …Read More

行完葵芳之後打算搭車番屋企經過呢間野又見冇乜人就入去買番D野番屋企做晚餐因為我前面果位先生同老板娘好熟,傾左好耐計,我就係後面企左好耐先到我首先映入眼簾既係$20 一盒魚生飯望個樣唔錯, 但食落去真係想噴飯, 三文魚d魚骨多到.......d青瓜酸的 ; 飯又無醋味 ; 乾巴巴但係三文魚壽司就係幾好味的.肉都幾厚,有鮮味'我買左1盒飯+7件壽司($3@1) +芬達$5= 46,但係收多左我10蚊...$56我上左車諗諗下條數唔對路先發覺不過三文魚壽司的確唔錯, $10就當計埋入去果度啦只有咁諗我心先會舒服D…Read More