Gomuimakeup的個人專頁

星期日七點幾路過，見到唔駛等位就試吓一幻拉麵，點知中伏！一坐低有個中年女職員問都無問就好冇禮貌地拎走我杯天仁茗茶，放喺擺水杯嘅位叫我走嘅時候拎返我都知自己帶咗外來飲品，所以我冇出聲兩個人叫咗一碗原味蝦湯粗麵一碗適量豚骨蝦湯幼麵基本拉麵 88蚊 加一後97蚊每碗拉麵得一塊好肥嘅叉燒同埋半隻蛋粗麵好硬未煮透，揀幼麵會好食啲食物一般，味道偏咸張枱唔太乾淨，食野戈時見到有幾隻蟻冷氣唔夠，只提供室溫水，食食下出哂汗一食完放低筷子就有店員收走隻碗、然後送上單據，速度可以媲美澳洲牛奶公司因為好熱，我都唔想留係餐廳度點知走戈時發現我杯天仁茗茶唔見左明明之前放左係擺水杯嘅位問返之前收走個位中年女職員，佢答我可能其他同事執走左之後另一個後生男職員係廚房入面拎返我杯奶茶出黎我問佢係咪喺垃圾桶度執出嚟，佢呆左唔識答中年女職員就死口話唔係扔左，係驚撈亂客人嘅飲品，所以放咗入廚房佢扔左又執返出黎俾我係咩意思？啲職員態度好西，未試過有一間日本餐廳有咁差嘅服務，今次真係貼錢受氣，以後都唔會再黎！…查看更多

首首.韓式小館陳設同一般的韓國餐廳唔同，裝潢設計高雅，間隔闊落，俾人舒適放鬆的感覺餐廳位置在利東街中央，一共有兩層，用餐時可以欣賞利東街的大型裝飾。星期日晚去到無需等候就可入座，熱茶泡菜亦立即奉上人參雞湯$228冬天當然要食暖胃既人參雞湯，雞湯非常清唔會覺得油，但有濃濃香味，原隻雞呈上，雞隻雖小，但份量十足，雞肚內有人蔘、糯米、紅棗、栗子肉、藥材等，雞肉軟腍，輕輕一夾就散開酒燜豬腩肉$148豬腩肉睇落比我想像肥好多，舊舊都有兩層肥膏入口好彈牙，好似食緊豬皮啫喱濃香芝麻葉包裹著肥而不膩既豬腩肉，加埋韭菜、紫洋蔥、香口蒜片油香十足 絕對令我愛上呢舊豬腩肉可惜芝麻葉同蒜片份量比豬腩肉略小，未能舊舊都包住食傳統五色石鍋飯$1285種配菜已經很足夠 拌飯最重要其實是拌飯辣醬石鍋夠熱 香口有飯焦首首.韓式小館份量比較多兩個人叫三個餸都食唔哂做會員有炸雞送呀，記得要用埋新會員優惠呀!…查看更多

高妹又四出搵食，今次去到將軍澳廣場本身見到桂花小幸有台式飲品賣就買左杯芝士奶蓋桂花烏龍茶飲落芝士味唔會好咸，桂花烏龍有成個茶包係入面，桂花味好香，同芝士好夾！買左野飲就慢慢等位食台灣野當然要試牛肉麵同唔同既小食啦桂花小幸餐單好百搭，好似叫車仔面咁自己揀湯底、麵、餸仲可以加6蚊配蛋同菜識食一定食$68三盛 有齊牛脻牛丸牛腩今次就試左清燉同紅燒牛肉兩款湯底高妹比較鐘意紅燒牛肉湯底多啲香口啲食落小小辣另外仲叫左豬手同桂花雞翼原來係炸雞翼再自己點桂花蜜甜甜地夠脆好好味可能就快收鋪又見我地兩個人食送多左隻雞翼俾我地 夠哂細心豬手份量好多$58黎講算抵食不過可以再霖啲食完靜靜地飲下野 享受下台灣慢活 一齊黎扮文青啦…查看更多

黎親深水埗都會黎探下吱吱新香園高妹好鐘意食豬手而新香園既化骨棉掌豬手就係我排行榜既第一名豬手好入味，霖到唔洗用力咬就會自動解體有時耐無食 我會思思掛住佢架豬手最重要係夠霖又無毛！新香園作為豬手專家當然無問題啦南乳味唔算太濃 但有咸香入口唔會痴立立一碗得三舊有啲唔夠喉$23蚊性價比爆哂燈另外叫左杯紅豆冰豆夠霖帶煉奶香可惜冰底太碎要食埋啲冰如果轉用粗飲管就會更好啦如果用碗麵同紅豆冰比較當然係豬手麵抵食啦！…查看更多

高妹去左葵興邨附近化妝，街坊推介我地試下外婆酸辣粉！店內大部分人都食緊超值套餐我地都入鄉隨俗啦Facebook checkin share仲有得送汽水面底都有好多款個人推介外婆酸辣粉！因為第一次食，高妹叫左小辣唔好見到咁紅就驚其實呢個小辣只係微微辣，小小麻，唔飲野都食到下次可以叫中辣花生係精髓！又香又脆酸辣粉夠粗，即叫即煮唔會一夾就散肉碎好入味口水雞係枱枱都有叫高妹當然又要試下啦小小麻唔太辣雞肉好滑跟餐要試下呢味啦～碗面好大碗，搞到兩個人食唔哂呢碟青瓜海蜇想留傳統味道就要幫襯下非集團食肆啦溫馨提示 小店做街坊生意收9點，想食既朋友要留意…查看更多