LLGG的个人专页

都唔知幾耐無寫過食評，但今次真係想寫下囉。9/22星期日晚餐7點左右，3分1入座率，招呼服務正常。晚飯做緊片皮鴨加海鮮孖寶，價錢$3xx-$5xx，睇你想配咩。我就揀咗片皮鴨配酥炸生蠔，大家無睇錯，啲鴨既分量唔多，賣相真係差，不過呢個價錢都算收貨。屋企人話味道正常。炸生蠔粉唔算厚，脆既，不過好油，唔識講味道係腥定海水味，我唔識分。蓮藕餅係最先上枱，起初仲以為係炸蠔，原來佢個藕餅係上粉炸，同我想像既唔一樣，味道正常，多油囉。百花釀竹笙$188/6件，本來有啲期望，但蝦膠唔新鮮，腥，上面鋪塊竹笙就算，啲蝦膠唔係直接釀入竹笙裡面，我誤會了。梅菜蒸菜芯睇落最正常，無死掛，但啲菜芯好明顯先淥好再去蒸，淋到無牙都食到，唔爽口，梅菜又無味。另加白飯3碗，5個人埋單$1020。原本諗住支持吓啲懷舊酒樓，點知啲味道仲差過連鎖集團，我錯了，無下次。…查看更多

今次試Moreish & Malt 灣仔，面積不太大，table seat同 bar seat各佔一半。當晚無預約walk-in，table seat已有booking，唯有坐bar seat。(對腳短既我有d辛苦)menu選擇唔太多，叫做樣樣有d，伴酒小食既墨西哥片，雞翼等，主食有漢堡包，豬/牛扒，意粉等，甜品有豆腐芝士餅，奶凍等。兩個人叫咗水牛雞翼 (大份有10隻)，焗春雞加一份配菜，生啤一杯，份量都ok，埋單近$600。-雞翼，味道有d辣，夠大隻，一人食5隻有d漏。-焗春雞，外層用面包糠一齊焗，口感幾特別，肉質嫩滑，好味。無點到太多野食但都已經好飽，味道都好好，要特別讚下佢地既服務。-中途有table seat既客人埋單，主動幫我地轉枱。-主動同我地換骨碟，好細心。有時候d細微位睇落無乜特別，但其實好多時只要做多少少客人就會覺得暖心。多謝kumar同tony兩位的貼心服務，有機會會再去。…查看更多

大集團出品都唔會好差既, 今次唔講野食, 入返正題 - 講服務.星期日12點幾去到唔駛等有位. 第一張點心紙入咗7樣野, 速度就好似食西餐咁 - 一樣一樣上, 過咗9個字食咗4樣, 之後同侍應催咗幾次都無人理, 終於有人應但無講係咪漏單, 又話其中一樣點心係無既, 即刻火都嚟, 座咗成粒鐘先講, 入單check單唔知既, 佢話唔係佢入單喎, 遇著咁你可以點??未食飽又叫多4樣, 又過咗9個字又係食一碟嚟一碟, 最後又有一樣野下落不明, 呢個時候...取消同埋單law, 仲等咩!!埋完單聽到隔離個食客同個經理投訴侍應態度問題, 我地又講埋一份, 佢咪頭up up law, 晒氣.…查看更多

突然想食放題, 點知搵咗兩間都full晒, 嚟到呢間終於有位.6:45入座, 可以食到8:45, 8:15 last order, $208/位食物都係d大路野, 無咩特別, 我自己鍾意食串燒但選擇唔多, 味道都ok既, 但5駛返兜.要讚既係侍應態度幾好, 執碟夠快手, 印象中無漏單, 係剌身要等耐d. 唔好係女洗手間廁格太少, 成個場咁大得果2間...…查看更多

好耐無寫食評, 攪到個account發晒毛.入返正題先~每逢想食返餐好好地又唔太貴既自助餐都會諗起佢-西餐廳.以前貪佢有8款H字頭雪糕任(畢) (有d味係專門店至有架), 但後來可能衛生問題轉咗細杯裝 (得4款味), 已經唔太開心. (我自己最鍾意食佢既甜品, 多選擇又仔仔杯, 最愛係芒果拿破崙, 超掂)佢個lunch buffet都真係幾多野食既, 質素都唔錯, 最近呢幾次去仲有即開生蠔, 以前係無架. (雖然我唔食, 但見經常大排長龍)但啱啱上個星期去完, 發覺佢既質素開始下降…d沙律菜得返最平既西生菜同紫椰菜, 以前第一輪會有d貴少少既沙律菜但而家無咗, 另外以前整pancake果度會有兜什莓 (內有比較貴價既raspberry), 而家得返d士多啤梨, 真係好失望, 我同honey都覺得可以搵過第二間lu.…查看更多

平時食開樓上住家菜既,不過見好耐無食拉麵就試一試啦,點知...就係咁...衰咗...安排咗坐張2人枱,其實張枱唔算細但就擺咗好多野囉,有menu stand,2張座枱廣告,有個小盤裝醬油,7味粉之類,仲要擺多盒盒裝紙巾喎,有紙巾供應係好,不過唔駛咁大盒囉.入返正題,我地叫咗:牛油拉麵(清湯底)+4隻餃子(1人餐)牛油拉麵-個碗就大但份量唔多,麵質ok,唔淋,無鹼水味,配料有粟米,筍,海帶,蔥,2片叉燒,味道正常,無驚喜亦唔覺得有咩特別.炸海鮮餅咖哩飯(跟沙律+麵豉湯)honey嗌咗呢樣簡直係一個錯誤既決定,一上枱就見d咖哩汁好稀...飯多少汁少料.試吓味先,d飯比較硬又唔太熱,咖哩汁仲差,稀之外無嚟咖哩味,件炸海鮮餅我就無試到,但對於呢碟野真係...難為了honey喇.呢間野上菜時間同服務我覺得唔得囉.honey個咖哩飯食咗大半我碗拉麵至嚟,到碗拉麵又係食咗大半d餃子至嚟...完全唔知佢地點出菜.不過我地都好過隔離枱既,話說佢地遲過我地嚟,但佢地碗拉麵居然嚟早過我,不過我地無出聲又等咗陣, 到正想出聲果陣碗拉麵就嚟咗. 想講既係, 隔離枱同一時間落咗個吉列拼盤,到佢地食完碗拉麵個拼盤都未嚟,結果又要嗺吓先有.服務方面-唔見佢地好忙但要叫至識斟茶,佢地本身個杯又細(飲2啖就飲晒果隻),個侍應姐姐又好叻咁斟到好滿,郁一郁張枱就會瀉出嚟,都唔知佢有無諗過...我完全唔覺得呢間野好味囉,呢餐食咗差不多$18x,寧願去time square food court好過.…查看更多

格局, 價錢同隔嚟街港式茶餐廳差不多, 呢度勝在有電視睇.(之前嚟過, dinner d野食同服務都幾好, 但試過lunch就唔得, d野好喊...)講返琴晚果餐先~差不多8點, 都幾多人吓, 上到去見無人帶位, 咪自己搵位坐啦.佢地好明顯人手不足囉, 成個埸得1個白衫經理同2個黑衫侍應哥哥, 要乜都係等...白衫經理同我地落order~要咗 西冷set 同 瑞士汁牛河係等候期間, 居然上錯咗3次野, 都唔知佢地點跟order既...上 西冷set 果陣, 因為係用鐵板上, 淋汁果陣, 侍應哥哥有比張餐巾擋1擋d汁, 呢點幾有heart.到 瑞士汁牛河, 侍應哥哥1攞埋嚟, 已經知唔妥, 果碟好明顯係 干炒牛河 囉.我: 呢碟係咩??侍應哥哥: 干炒牛河我: 我要既係 瑞士汁牛河 喎佢睇返單, 之後攞返碟野話同我跟跟喎.唔夠1分鐘, 個白衫經理攞返同1碟野比我白衫經理: 呢碟係 瑞士汁牛河(心諗, 唔係花, 干炒牛河當瑞士汁牛河??)我: 瑞士汁牛河 唔係有汁同好深色既咩?(咁啱斜對面張枱食緊瑞士汁雞亦, 我咪指比佢睇囉)白衫經理: 炒干咗係咁架喎, 1係攞入去再叫廚房加返d汁兜1兜喇最後整返出嚟只係1碟多咗老抽色既干炒牛河囉...佢堅持話果碟係 瑞士汁牛河 我都無佢辦法, 可能呢個係佢地既特色掛...總之, 我以後都唔會再嚟囉.…查看更多

19/12 dinner 4個人同事話呢間野抵食,我地1於嚟試吓先~佢地分唔時段有唔同收費,我地揀咗6-9.約6:30去到,入到去已經7成滿,d枱都排得幾迫...(有d位擺得有d夾硬)睇吓order紙先~有sashimi,sushi,串燒,烏冬,雞亦,天婦羅等等,仲有汽水(罐裝),芒果紅茶,連kirin都係任飲,正呀~(雖然我地唔好beer)我地主攻sashimii同串燒,d sashimi都切得幾厚,朋友都話好味,夠新鮮.d串燒味道都幾好,有少少燶咗d但可以接受.另外仲試咗蝦天婦羅(個皮太厚,無鮮味但唔油),芝麻雞亦(好香好脆),面豉湯(朋友話好味),燒秋刀魚,鯖魚,炒野菜(味道ok)等等,沖既野飲唔太甜,幾好.落單上菜d效率都幾快,無乜漏單情況,就算有,同d staff講聲,佢好快同你跟返,呢個抵讚~(因為有好多任食地方都經常亂晒籠)走既時候數吓我地食咗幾多串串燒喇(佢枱面有個小木桶裝竹籤架),結果係......5x支呀,仲有其他小食喎,係咪好驚呢?haha~以$178(另+1,30mins前last order)嚟講,佢响食物水準/質數/服務方面都令我覺得好滿意,有機會一定會再嚟~…查看更多

18/12 dinner睇免費日報見有coupon(散叫滿$300平$100),見好耐無食ribs,1於同honey去食.當日book枱,順便request埋卡位.約7點到,得幾枱客,再問1問,原來今日先開張,大部份人都係攞住coupon嚟食(樓下附近都有得派), 侍應姐姐為我地安排咗張望街景既卡位.睇吓menu,我地order咗~(侍應哥哥睇見你張coupon,會提吓要夠$300(未+1)先可以用)凱撒沙律(細)-我本身唔食沙律醬,侍應哥哥佢好好人話可以同我地走醬or另上都得,好nice.招牌ribs(regular)-d ribs分half,regular,full,分別係6,9,12條骨.佢本身可以跟唔同配菜.咁我地揀咗焗薯,侍應哥哥又話d sour cream可以另上,so friendly.仲有洋蔥圈同焗蘋果伴雪糕.order完之後,有半條小法包送.味道普通,都係dan ryan既包吸引多d.講吓味道先~凱撒沙律-d菜好新鮮招牌ribs-d骨唔太大條,肉夠淋,調味都好好,但多d汁我覺得會好d.洋蔥圈-1睇就知勁熱氣,但食落又無想像中咁油,仲忍0唔住越食越多tim.焗蘋果伴雪糕-賣相幾靚,但真係好好甜...伴雪糕食就好d,可以中和返d甜味.上菜既時候,個侍應會好有禮貌攞埋嚟(唔係就咁放底就算),食ribs既時候會細心遞上濕紙巾,問佢攞茄汁會幫我開埋個蓋,叫+水既時候,佢見到你舉手,會快步走過嚟+,真係好有效率.到我地食完主菜食甜品果陣,佢會先我地清枱之餘,仲會再抹乾淨張枱先上甜品,我覺得呢樣做得好好.去洗手間既時候都有驚喜,起身問洗手間响邊喇,果個似manager既人帶我行咗幾步,然後指比我知洗手間既位置,果1刻真係有d意外,其實呢度地方唔算太大,而洗手間就响life口旁邊,佢只要同我講位置就得,唔駛特登帶我行果幾步囉,真係再1次+分.到最尾果陣,果個似manger既人又會問吓你d野食點?啱唔啱食?之前有無嚟過咁~佢見我地食唔晒個甜品都有問我地,我地咪話真係太甜囉,佢話佢地會慢慢因應香港人口味作出改善,多謝我地既意見.呢1餐我地食得滿足之餘仲過得好開心,佢地既服務/態度真係好好(特別係d細心位,我同honey都覺得呢份感覺已經久違咗好耐),希望佢地會keep住好服務好禮貌,而唔係短時間啦~…查看更多

當1個人食lunch既時候,就不其然想嚟呢度...愛~佢個湯底酸酸味味,真係好好味(可隨意+唔+辣),米線唔太淋,配料都算多(芽菜,9菜,咸酸菜),份量ok,配埋豆漿$33(3餸),中環區好ok架喇~恨~佢呢度lunch真係勁勁勁勁迫人,張圓枱1邊泊埋牆,其餘要坐5個人,食野大d動作都唔得,如果唔好彩坐著走廊位,唔'挺胸收腹'食都幾難...…查看更多

13/12 dinner 8大1小個個都話無所謂,睇吓食評,就試咗呢間~我第1次嚟,1坐底,原來係長枱...傾計同食野都唔係好方便...(佢呢度有幾張大圓枱架,不過可能over 10個人又或者要request至有)1坐底空氣都ok既但之後越坐越熱,有d位仲比頂頭d射燈射住...order咗~小籠包 ($9隻都幾貴,皮薄唔2穿,味道ok)生煎包 (mama地,都係小南國好食好多)原條松子魚 (1上枱勁大陣甜酸味,好'供'鼻.味道-我覺得酸咗d同無乜松子)黑醋骨 (普通)龍井蝦仁 (除咗多咗d茶葉之外,同清炒蝦仁無咩分別)芝麻肉鬆大餅 (無肉鬆會好d)淆肉 (同平時食開既唔同,佢切薄片,上面放咗d酸姜絲,我唔鐘意)雞絲粉皮,蠔汁炒什菇,蘿蔔絲海浙,清炒西蘭花,雲吞,上湯津白,味道正常,另外仲有蒸/炸銀絲卷各1.野食都上得好快,味道都ok既(1份$$1份貨ma),服務都幾好,叫+水都好快,最後我地帶咗個cake嚟,都好快同我地收晒野同比過d叉碟咁,好快手.(佢快得嚟唔係趕客果隻囉)呢餐埋單$1120,大班人坐吓傾吓食吓都算抵食既.…查看更多

12/12 dinner buffet 1行12人安排咗坐入面中間位置,原本長枱傾計已經唔方便,咁啱隔離果張同我地1樣又1行1x人,環境真係.....嘈上+嘈.先講野食,真係估唔到under$200/位有咁多選擇~熱葷-都係d基本野 蒸魚,燒味,炒菜,炒飯,意粉,炸春卷,沙爹等,另外咖哩有白飯配之外,仲有蒜蓉包.(其中有1,2樣都會轉吓,無咁悶)soup-1中1西salad-沙律菜,紅腰豆,粟米粒,菠蘿等.sushi-都係d太卷同+洲卷多,出咗1,2次3文魚sashimi但好快比人攞晒...冷盤-蝦,青口,龍蝦仔,螺,仲有d火腿,日式凍豆腐,有1杯杯既蝦沙律(好受歡迎),出咗2,3次芒果沙律但又係好快比人攞晒...甜品-朱古力噴泉,雪糕(有2款但唔知咩牌子),有d細細件既cake同生果.有燒牛肉同羊扒,另外仲有車仔麵檔(但配料唔多).有熱既lemon tea同中式糖水(2款)任飲.總括嚟講d味道都好好,仲用埋openrice既20%coupon,真係好抵,一定會返兜~(如果4個人,不妨request window seat同soda位,我諗會仲正)…查看更多

11/12 dinner路過見menu d價錢都ok就入去試試啦.小食平均$1x,檬/河平均$3x,飲品$1x. (set就3x)我地order咗~set-熟牛河+凍咸檸7 (味道都ok既...)散叫-茄汁牛腩跟蒜蓉包 (有幾片小蒜蓉包(唔記得3or5片), 茄汁牛腩味道都ok既...)個熟牛河食完,個茄汁牛腩跟蒜蓉包都未嚟,上菜速度有待改善...無下次既重點係: d野食份量好少,根本無可能食得飽...結果出門口食多串牛雜頂肚.味道同服務我覺得都ok既,但比$3x食唔飽既,我諗我唔會再考慮囉.…查看更多

30/11 lunch 1行4人諗住叫d朋友霸定位喇,但原來要齊人先准入,1去到都明既,因為果度地方真係唔大,1眼望晒...order咗~3個豬肉烏冬+天婦羅飯, 1個牛肉旦烏冬(d烏冬幾'煙un'但又唔叫得好好味囉,係就係好過1般舖頭既,湯底無乜特別,d肉唔多又碎濕濕,no good. 反而個天婦羅飯幾好,夠脆口)食完唔覺得呢間野有乜特別囉...…查看更多

24/11 dinner 6個人好耐無嚟lu, 記得都幾貴吓, 不過主角鐘意ma, 咪嚟囉~先嚟前菜 (6碟), 份量好少, 種類唔多, 有d失望.order咗~石頭鍋飯 (好多配料)海鮮煎餅 (味道有似d薄'餐')豆腐海鮮鍋 (1睇就知係辣野, 但用嚟送飯1流)沙律 (個汁係蘿蔔蓉嚟, 酸酸地幾好味, 有d似日式沙律汁)炒粉絲 (d料唔太多)bbq既有~燒牛骨 (連骨), 雞肉, 豬肉 (醃得好味)最後送咗碗凍凍地既薏仁茶.以上既野全部都好味道, 份量唔算太大, 每碟各人都分到d既.環境都幾好, 有電視睇, 而服務就普普通通.hsbc visa有10%off, 埋單$1004, 又無想像中咁貴喎.佢呢度sunday lunch有buffet食 (好似1百頭1個人), 有機會都想試吓.…查看更多