HKFoodie_1688的個人專頁

叫左一碗番茄湯底過橋米線兩個人分享，好滿足！首先講講個番茄湯底先，姐姐送餐上黎夠曬滾，通常我會飲一啖湯先，味道鮮甜濃郁，超級開胃。湯底順滑易入口，唔會話太稠或者太稀，啱啱好！d麵索曬d汁，一流。另外因為我地兩個人食，叫多左個大土匪雞奕同細蒜泥白肉。首先大土匪雞奕我唸應該係每個譚仔控至愛，每次食譚仔點都一定會叫一碟！蒜泥白肉好重蒜味，啱曬鍾意重口味既你。而家譚仔米線送餐速度都有進步，7-8分鐘就已經送到，有驚喜！…查看更多

今日同女朋友慶祝生日，提早book左呢間餐廳一入到餐廳真係忍唔住哇一聲，落地大玻璃，180維多利亞港景實在太震撼。可以一邊欣賞靚景，一邊享受美食。-餐包（free）餐廳提供免費麵包，有天然麥香味，點上olive oil，口感好夾🥰Tubero （large）Pizza同出面pizza唔同，餅底係薄脆皮，食落比較輕盈。上面鋪滿一層黑松露同芝士，超香超好味😋澳洲肉眼牛扒伴紅酒汁（300g）叫左medium，唔會有血水，牛味好香濃，超級juicy…查看更多

朋友介紹我話元朗有間正宗東北菜必試，今日去開元朗一於即刻試試佢！入到去餐廳播住d香港懷舊歌，都幾有feel！😂叫左個期待已久既北京片皮鴨（半份）$168，比想像中份量要多。鴨肉好嫰滑，鴨皮都燒得好香脆。用快薄薄地既皮包埋青瓜同蔥同醬汁，味道只能用三個字形容，無得頂！🥰🥰另外仲叫左一碟螞蟻上樹$76，同平時東北菜叫開既鐵板水晶分有d相似，辣辣地既粉絲，唔會好油，值得推介。整體感覺呢間餐廳都唔錯，唔洗返大陸都可以食到正宗東北菜黎講，好滿足了！☺️☺️…查看更多