MrsEat's Profile

今日唔知咩日子 呢間野排哂長龍，諗住食個快嘅嗱嗱林返工，點知一等等成大半個鐘。啲員工十問九唔應，又唔答係咪走左單，又唔幫手check , 又唔幫手cancel 張單，當啲客透明甘，不知所謂。見到出面排緊隊嘅都躁到不得了 原來全部等緊外賣，有啲等左成粒鐘，我食完佢地都仲等緊。仲要啲人自己走去出餐度催外賣，係爭在無自己包埋。一間大型連鎖茶餐廳都做到甘，簡直唔放消費者在眼內，睇返之前啲comments 原來服務一直都係甘衰，堂食外賣員工態度0分，無下次。…Read More

是日午餐，試食朋友口中的平民版espuma。響呢間裝潢精緻的咖啡餐廳，佢一個人包攬左帶位、落單、傳菜、收銀同埋執枱。午市係佢嘅主場。落完單就即刻有野比我地飲住先，望住隔離幾枱嘅男士苦惱緊點樣用刀叉牙籤去食隻波士頓龍蝦，甘就過左十六分鐘。我指一指餐桌，他示意ok，然後一個轉身就比左張單我去比錢。「Errr,我地啲野未黎喎⋯⋯」佢輕拍自己的腦袋，講左句唔好意思就箭步走去攞我地期待已久的 平民版espuma 主食 - 炸魚漢堡薯條先黎試左下個薯條先！唉，炸到硬哂，唔係熱熱地我仲以為係嗰啲零食薯條。都仲有賣相不錯嘅炸魚包，炸魚有啲肉地嘅，個包都烘得香脆，不過包入面嘅醬汁香草味(唔識分係邊隻香草)幾濃下，可惜略有喧賓奪主之勢。到真正埋單嘅時候，外面突然落起暴雨，佢望住急急腳離開嘅客人們，總於露出一個 單人匹🐎 忙完成個午市嘅勝利的笑容。離開後，我記得嘅只有佢 以及張軟綿綿嘅凳，都坐得幾舒服嘅。…Read More

舖頭入面有侍應唔多，其中一位應該係新人，老闆娘每次望過黎佢都有啲緊張，重覆左兩次先記得我地係叫牛腩飯同埋牛腩麵。每枱浄係坐兩三個客人，大家都好有默契甘唔出聲，浄係耷低食野，樓面都好靜，靜到我地都唔係好敢傾計，驚打破呢度難得一致嘅沉默。牛腩清湯係少咸嘅，但用黎送飯就岩岩好，個人特別喜歡清湯入面嘅蘿蔔，好入味。牛腩就偏瘦，鐘意肥啲嘅可以叫牛坑腩飯。蕃茄牛腩麵嘅蕃茄足料，麵都👌🏻比較驚喜嘅係個腩汁菜芯，腩汁濃郁，菜呢響深水埗區黎講算係高質。總體黎講不過不失,晚飯揾唔到位又想静下嘅可以黎呢度一試。…Read More

37度高温去到甜品店梗係要點啲凍冰冰嘅黎降下温啦。今次試左個仙草紫薯冰，刨冰上面放左仙草芋圓紅豆同埋珍珠，比較嘅特別係個紫薯蓉波波，淡淡的紫薯味唔會太漏，撈埋底下啲冰一齊食真係好有滿足感。個人認為呢間嘅仙草比較出色，芋圓就無乜芋頭/蕃薯味，不過勝在大大份，選擇又多，同一班朋友坐底快快脆食過飯後甜品係唔錯嘅～…Read More

未食過甘難食嘅咖哩雞脾飯。間餐廳開正人流最旺嘅位置，地鐵出黎上條扶手電梯就到喇，但係晚飯時間竟然唔使排隊，入面仲大把位，都覺得伏伏地，但係個friend又話個炒蛋係其他地方食唔到嘅，先話入去試下。先上黎一個叉燒炒蛋番茄烏冬，叉燒呢得4塊，烏冬又淋又無味，個friend浄係食左件炒蛋就話要轉場。我心諗一分價錢一分貨，我叫左個＄78蚊嘅黑咖哩唐揚雞脾飯，應該都食得落口掛，點知個咖哩偏咸，雞脾炸到外皮硬過紙皮，入面啲肉又鞋又韌，要用陰力先切得開。成個餐除左個炒蛋同白飯叫做正正常常，其他野真係好唔掂。…Read More