sevenklng的個人專頁

北菇滑雞煲仔飯一打開煲蓋，熱騰騰嘅蒸氣撲面而來，夾雜住北菇嘅濃郁香氣同雞肉嘅鮮甜味，真係令人食指大動！啲飯粒粒分明，吸收晒豉油同餸料嘅精華，金黃色嘅飯焦香脆可口，簡直係靈魂所在！滑雞件件嫩滑多汁，完全唔會「嚡口」，一啲都唔韌，咬落去仲有少少彈牙嘅感覺。北菇肥厚飽滿，索晒啲汁，口感軟滑，味道濃郁。豉油調味恰到好處，鹹甜適中，完美咁襯托出雞肉同北菇嘅鮮味。呢煲北菇滑雞煲仔飯，真係暖胃又窩心，每一啖都係享受。由飯粒到雞肉，由北菇到豉油，每一個細節都充滿誠意，絕對係冬天必食之選！食完成個人暖笠笠，好滿足！…查看更多

1）特製八代赤海老沾麵 + 叉燒、木耳、糖心蛋2）終極特濃魚介沾麵（落單時要額外同店員講）+ 叉燒、木耳、糖心蛋兩者都係湯底濃厚，適合重口味者😂食食下覺得湯底唔夠既話可以免費添加！仲會幫你整熱返👍🏽店裡面有貼住完整享用沾麵既程序，係食完成個麵之後請店員幫忙加湯底！即刻變左平時高級西餐廳飲到既龍蝦湯同埋魚湯😋我同朋友食完之後都非常飽同滿足！…查看更多

聽過好多朋友講呢間pizza店啲pizza大塊又好食，今日行街經過終於可以買黎一試！揀左最大路既Margarita pizza，真係大過塊面😂，芝士、蕃茄同其他配料分量都適中，鍾意佢餅底夠薄，香草尤其多，入口仲要熱辣辣，好正👍🏽…查看更多

朋友介紹黎左呢間70年歷史既茶餐廳，我地去既係新鋪，但裝修係有點古舊feel出餐速度超快，叫完等左唔夠兩三分鐘就有野食！自選常餐湯麵：沙嗲牛+炒蛋 米粉沙嗲汁份量都多，味道正常，炒蛋唔會炒得太熟，仲有少少蛋汁，不過如果分開上就更好。西多士：已經幫我地切件，好細心！滿滿既牛油同練奶😍入口即溶！仲要唔貴，只係$24！推介👍🏽下次想試埋沙嗲牛治！…查看更多

平時食開佢既糖水同野飲，聽講佢既小食都出色，所以今次就黎試下。蜆肉碗仔翅：差唔多啖啖都有蜆肉，幾抵食！糖水雄狗仔粉： 食到有我最愛既蒜蓉，再淋上杞子，同平時出面買開既狗仔粉有唔同，幾特別！…查看更多

香茜牛肉腸粉：去食點心必叫既一定係腸粉！呢個牛肉腸好滑身，仲唔需要另外問店員攞辣椒油佢已經同腸粉一齊自動送上，好貼心👍🏼鮮竹糯米卷：好少酒樓或者飲茶會有呢個點心，而呢度竟然有 就即管叫埋黎試試佢，裡面非常足料！皮蛋瘦肉粥：非常大碗，有兩三個飯碗咁大！米煮得好淋，成碗野唔會好水汪汪咁，好大口感。…查看更多

今日約左幾個fd喺美食沙漠馬鞍山食晚餐，喺佢地屋企附近求其搵左間新開左半年左既餐廳。大家都唔太肚餓，所以全部都叫米線或者湯麵😂豬軟骨喇沙湯麵：豬軟骨係另上的，有5舊左右，都幾大份！香濃喇沙湯好夠味，如果椰香再多啲就好😋個麵唔會太淋，啱啱好。藥饍雞湯米線：雞唔會太老，個湯有埋杞子、蟲草花等等配料，飲落都有藥饍味，但就味精多左少少。其實呢度仲有好多唔同湯系列既米線/麵、唔同款既飯、炒菜等等。我地食食下見到隔離枱叫左手撕雞撈麵，望落都幾大份！有成塊面咁大！下次會試呢個 哈哈…查看更多

今日踩單車去左題顯徑呢間喺村屋既cafe，喺正馬路隔離，唔難搵。近期有股開心果熱潮，所以見到餐牌有開心果既野食，就點左個 開心果醬烤蜂蜜肉鬆大雞扒配窩夫及薯條。切開雞扒會見到啲肉汁流出黎，開心果醬都幾多！食落有少少花生醬味🤣 如果個開心果醬再流質多少少就好。餐湯係蕃茄湯，不過不失。自家製山椒墨魚汁蟹肉扁意粉配黃金蟹子：呢個墨魚汁就恰到好處！唔會太稀唔會太傑，而且每啖都食到蟹肉同蟹子。跟餐加錢加左杯Dirty，層層分明，好味👍🏽…查看更多

豬腳彎肉骨茶：食馬來西亞野必叫既肉骨茶！鍾意佢有獨特既藥材味。今次呢款仲可以揀唔同部位既肉，不過我地唔識啲部位既名，所以求其揀左呢款🤣原來係編多肥肉。而且無且無限舉手添招牌沙煲老鼠粉（走蔥）：老鼠粉好似廣東人食既銀針粉，配料豐富，同加太陽蛋撈埋一齊👍🏽👍🏽果然係招牌推介！椰漿飯配咖喱雞肉：咖哩份量都幾多，仲有配少少魚乾仔同仲係脆既蝦片，好香口！美綠恐龍：非常多粉、非常濃味…查看更多

呢間餐廳位置喺街市入面，原本以為只有雞煲食，但原來都有唔少飯同埋米線選擇！我揀左麻醬酸辣米線（$25） +雞肉+冬菇+豬軟骨（$7+7+9）（自由揀配米線定係白飯）湯底係濃厚既麻味，非常吸引！豬軟骨有三大舊、冬菇好入味、雞肉如果可以多少少就完美…查看更多

Crusti Pizza Set : Pizza + 薯條 + 沙律 + 飲品Pizza有12款可以揀！我今次揀左西班牙帕爾馬火腿Pizza：佢即叫即整，係好薄身既薄餅，唔係出面啲好似重點食麵粉既厚身薄餅，呢款薄得黎係令人重點食到各種配料既味道薯條有得揀由薯仔同蔬菜整成既幼薯仔條或者粗甜薯條，我揀左前者，香脆可口！見到枱上面有個牌仔寫住，做任務仲有一個免費曲奇送！…查看更多

生牛肉湯河（西檸同辣椒另上）：上枱時啲牛肉仲有少少紅色未完全熟哂，浸一浸食就啱啱好！湯底唔咸唔淡、適中，唔會越食越口渴，唔同出面好多已經係味精湯。略嫌芽菜同荽茜比例唔夠多…查看更多

日式天貝野菜飯（期間限定）：海帶、紫椰菜、蕃茄 再加切粒左既穀物棒同飯，抵食之選😂好飽泰式香辣炸蝦冬陰意大利粉：配有蕃茄仔、茄子炸蝦係用粉葛等素菜整既食落似炸春卷 好脆口Milkshake 🤤一杯係香蕉+火龍果+燕麥奶另一杯係奇異果+蘋果+羽衣甘藍+燕麥奶兩杯都好fresh，飲得出係真材實料，仲要冇加糖，健康之選！Grilled Veggie Avocado Hummus Bowl(Focaccia, cauliflower, tofu, cherry tomato, sun-dried tomato)烤野菜牛油果中東鷹嘴豆泥碗：鷹嘴豆泥配麵包好夾，配菜豆腐好彈牙，椰菜花都非常出色，成個菜好多層次口感👍🏽呢個菜最有驚喜！…查看更多

滑蛋鹹牛肉三文治：真係有成吋厚！加上三文治上下兩塊包內外都有烘底，令蛋汁同肉汁唔會咁易搞到塊麵包淋哂鮮蝦雲吞麵（轉米粉）都有五粒雲吞，仲有兩條菜，呢碗就正常發揮，未夠出色同埋店內係舊式茶餐廳格局，所以坐位有點迫…查看更多

每次經過都見到排長龍既雞蛋仔小店，今次落雨天之下終於冇咁多人，10個以內。等左一陣，老闆見頭幾個客人全部叫格仔餅，會大聲問問後面有冇人係叫雞蛋仔，所以幸運地，我由開始排隊到拎到雞蛋仔只係用左15分鐘左右👌🏽叫左粒粒香芋雞蛋仔，雖然唔算好香芋頭味，但每一粒雞蛋仔都有芋頭肉😍，食落唔會太甜，不錯！…查看更多