huiwaifoodie的個人專頁

沙田不嬲有唔少好嘢食，今次試吓呢間以黑和毛牛做主打嘅牛太。佢哋嘅黑毛和牛真係好好味。啲肉嫩滑，油脂豐富。仲有唔同嘅部位可以揀擇，啲肉眼芯、座布團、牛肚等等部位都好好味，配合餐廳指定醬汁，食到停唔到口。佢哋有個自助區，啲選擇亦都唔少。有沙律、水果、日式甜品等，不過如果選擇再多啲就好啦。另外，店舖環境好有日式風格，裝修都好靚，座位闊落坐得好舒服。加上放題時間120分鐘，真係好夠時間，可以慢慢食，唔洗怕時間唔夠。總括而言，呢度啲和牛真係對得住個價錢, 值得再嚟。不過下次可以試吓食個平啲嘅餐。…查看更多

一行人7位食放題，第一次試上環呢間浦和地點好易搵，上環地鐵站A1出口一出轉左，唔使10秒就到，幾好因為提早訂位，所以餐廳畀咗間VIP房我哋，類似日本和式嘅間格，要除鞋先入得，可以關門，好有私隱，講嘢大聲啲都唔怕影響到其他人我哋食無限時極上放題，由6PM直落食到11PM，坐足5個鐘，冇限時真係幾爽食物放面，都幾多選擇，我哋嗌$498/位極上放題，入座就按人頭送一盤海鮮刺身，有生蠔、海膽、鮑魚同其刺身等，全部都好新鮮，不過就只有第一輪有送，之後冇得再叫不過之後食物都唔錯，佢哋除咗刺身、壽司外，仲可以食日式火鍋，啲牛肉同豬肉都幾好味，唔會因為放題將貨就價炸物，例如炸雞翼都好香口，每隻都炸得卜卜脆最重要係個餐包酒類任飲，同行朋友添咗四，五次清酒，真係乜都抵返不過有一點可以改善，可能人手唔太夠，上菜會比較慢，呢點要注意返不過以呢個價錢可以食到水準唔錯嘅食物，任飲酒類，仲可以任坐唔嬲，真係超值…查看更多

一直以來屯市都好少有燒肉店，上個月見開咗呢間燒肉谷，即刻約朋友來試吓！呢間燒肉係劃一100分鐘放題，食越貴嘅肉就越貴，我哋揀咗人氣C餐，已經有一百種食物任揀，午市每位仲減$40一上枱唔使點嘢，店員就先上頭盤肉畀我哋，食到邊舊覺得好食就再encore。呢間舖有隻漬過嘅封門柳，出面都幾少有，食落好有牛味又唔肥，幾好！其他牛肉擺碟由濃至淡， 可以揀你想食嘅次序慢慢燒！其他食物都中上水準，有海鮮、雞肉、豬肉同埋其他日式料理，屯門友可以嚟試試！…查看更多

有日喺k11行街，發現開咗間新派特色中菜，見佢裝修幾特別，所以決定入去試試。打開餐牌，發現雖然係中菜，但又加咗西菜煮法，成件事好有趣。店員好熱心講解菜式特點，最後決定點幾招牌菜。北海道帶子桂花汁伴三文魚籽：作為前菜係清新嘅，帶子好鮮甜，加埋桂花汁多咗陣清香。酸菜加拿大鱈魚：未見過酸菜魚係浸喺泡泡入面上菜，原來係份子料理煮法。食落酸味啱啱好，又唔會太辣，仲有魚係粒粒形狀，加上筍、秋葵粒，好似食緊高級法國料理感覺。甜菜頭澳洲和牛炒飯：個飯炒得幾乾身香口，加咗紅菜頭就冇咁油膩，唔錯唔錯。整體來講用餐體驗都唔錯，店員都好熱心解答問題。希望個餐牌有更多選擇，下次就可以試多幾款菜式啦…查看更多