rainbow chan 1030的個人專頁

好耐無食，行過見唔多人，有空位，便叫咗個夏威夷漢堡，薯蓉同熱咖啡夏威夷漢堡，食落幾足料，有煙肉、 菠蘿生、生菜、漢堡等，味道唔錯，幾好食薯蓉食落都唔錯，口感偏厚實，唔同KFC偏淋身同多汁熱咖啡就一般整體來講，食物唔錯，價錢OK，服務同環境OK…查看更多

身邊嘅同事和朋友都話，麥當勞新出嘅WOW！醬，好味，等我都買來試吓買18件麥樂雞，有齊4款期間限定嘅滋味醬，包括 WOW!醬、蜜糖芥末醬、香草檸檬醬和蒜辣蛋黃醬WOW！醬，即係我朋友所講嘅芫茜醬，食落味道濃郁，唔係只有單一嘅芫茜味，好似有啲皮蛋味咁，好食嘅蒜辣蛋黃醬，對我來講，食落太辣啦，只食到辣味蜜糖芥末醬、食落味道都唔錯，但唔特別香草檸檬醬，食落有啲酸味，幾開胃，但同樣唔特別其實整體醬料沒問題，味道都唔錯，可惜麥當勞雞食落偏淋，好似未焗夠…查看更多

樓下大本型開咗間火玲瓏川菜餐廳，咁耐都未試過，便去試吓分別叫咗以下野食楊州炒飯食落味道正常，份量都足魚香茄子食落香辣野味，味道唔錯，送飯一流，可惜偏油鮑魚雞煲雞肉食落香辣軟腍，醬汁好濃郁，份量都足，鮑魚食落偏韌，有點難咬，味道唔錯松子桂花魚一上枱，覺得賣相有點怪，原來魚尾唔見了，食落魚塊香脆，但偏硬，而且醬汁偏酸，味道唔差嘅招牌冷盤(四喜烤歡 、話梅醉雞、鎮江肴肉、蒜拍青瓜)四喜烤歡，食落味道正常話梅醉雞，食落好冰凍，好似未解凍咁，食唔到話梅味，普通凍雞鎮江肴肉，食落味道正常蒜拍青瓜，食落爽脆，滿滿蒜香味，幾好食整體來講：食物味道普通，唔算難食，未去到想再食果種，環境似國內嘅裝修，但都坐得舒適，服務還可以，價錢可接受…查看更多

去希慎行街，經過KiKi麵，見有人排隊買野飲，原來每日3點后有1+1優惠，有7款野飲揀，我同妹妹分別叫咗芋圓四季春鮮奶綠 飲落味道唔差，不過茶味偏淡，濃啲會好飲啲，而芋圓唔係煙煙靭靭嘅口感，食落偏軟淋個種百香果愛四季春飲落茶味夠，入面有百香果籽，飲到果香味，愛玉係軟嫩滑溜嘅口感，幾好飲，但因為無得揀甜度，所以我覺得甜咗啲整體來講，對味道要求唔係特別高，大大杯，買一送一，其實幾抵飲，天氣熱，行過，解嘅渴，都唔錯嘅…查看更多

口痕，見鴻福堂有燒賣，芫荽魚肉燒賣和麻辣木耳豬肉燒賣，做10蚊8粒，便買咗麻辣木耳豬肉燒賣試吓燒賣，食落麻辣麻辣，好野味，味道唔錯，但食唔出有木耳，附送嘅杞子鼓油，同普通甜鼓油幾唔多…查看更多

好耐無食KFC，見星期日都有下午茶餐，買咗個外賣返屋企食，叫咗T3，有香骨雞3件，馬玲薯蓉(普通)，經典葡撻，飲品加咗5蚊，要豆漿，另加購咗巴辣雞粒一打開盒，感覺細份咗，食落香骨雞，好鹹，唔好食😖，而巴辣雞粒，食落雖然唔柴口，但外面偏硬，味道還可以，兩者都係多粉漿，只有薯蓉同葡撻，食落味道正常👌豆漿，飲落偏甜，但味道還好整體來講，香骨雞唔好食，其他食物味道一般，全部合共$43.5，感覺麻麻地亦唔抵食…查看更多

係北角做野，見平時午飯時間都多人食，咁啱又唔駛等位，便入去試吓侍應比code，自己手機下單，叫咗個鮮茄豬扒蛋米粉配雞翼食落湯偏酸，米粉軟硬適中，豬扒唔錯，有煎過吓，調較嘅味道唔錯，而且唔會柴口， 雞翼唔好食，白烚咁，無咩味凍咖啡，飲落一般，偏淡無味整體來講，服務同環境都可以，人多嘅時候，一枱搭4個陌生人，味道同份量尚可，感覺就是味道普通普通，可食飽肚嘅一餐，可能要叫招牌菜，才好食掛🤔…查看更多

海悠由係觀塘返工嘅朋友推介及帶路，手機自助下單，我地分別叫咗清蒸瀨尿蝦 瀨尿蝦大大隻，食落肉質緊實，鮮甜，美味，好食😋炸子雞 (半隻)食落雞皮係脆嘅，肉唔柴口，但唔算熱辣辣果種，只係暖暖地，味道唔錯開心果脆脆蝦球 聞落好香開心果味，食落蝦夠爽，有啲開心果碎，開心果醬甜甜地，味道幾好，幾特別乳鴿叫咗2種口味，食落分別唔太大，肉質唔柴口，味道唔差芝心咕嚕肉 食落外脆內軟，個醬汁好似有山渣味，又好似有士多啤梨味，總之係惹味同開胃，好味整體來講，環境係街市，大排檔，地方都算乾淨衞生，可接受啦，好在冷氣夠，不過地方唔大，枱與枱之間較迫，店員服務幾好，落單快手，食物味道好，價錢可接受，份量亦足👍!…查看更多

經過附近，見幾多人等外賣，見外賣比堂食平啲，就買來試吓，叫咗無骨海南雞飯，要菜飯，有例湯送食落啲雞唔算好滑，正常，無驚喜，有一堆大豆芽墊底，食落有些麻油味，味道幾好，而菜飯，有些菜碎，食落都有麻油味，但唔差嘅例湯，飲落清甜，好味，飲完無口渴整體來講，食物味道正常，價錢可接受，份量足，服務唔錯，但唔係傳統海南雞飯嘅味道同做法，當普通食餐雞飯都唔錯嘅…查看更多

午飯時間經過，見門口餐牌寫啲餐幾吸引，便入去試吓，分別叫咗豬軟骨七小時煮定食，睇下落份量足，配菜有沙律菜，食落豬軟骨炆得超腍，豬軟骨好有膠質，入口即溶，沙律菜可以解膩，個汁用來撈飯好野味，好食定食嘅碗湯，飲落無嘜味，似飲水咁豬軟骨丼諗住睇吓同豬軟骨七小時煮定食有咩唔同，但其實味道同配菜都一樣，食唔出有咩分別，只係無咗碗湯整體來講，食物味道唔差，價錢可接受，枱與枱之間較迫，但服務真係差，食食吓，頭頂部冷氣機滴水，已跟店員講，店員只係把枱拉開少少，就走開咗😧，明明有其他空枱，都無諗過幫我地換，唔知係咪因為覺得我地都食咗一半，還是真係唔想做……但問題都沒解決，唉！費事食餐飯同人嘈，唯有自己快速啲食完走人算😓…查看更多

係旺角行街，行到攰，就去咗朗豪坊嘅滿記甜品食糖水，4點幾，唔洗排隊直入我地分別叫咗鮮奶麻糬 (原味)食落麻糬軟綿綿，好香奶味，配搭芝麻椰絲好香口，好似食緊糖不甩開心滿滿 一來到，睇落配料好豐富，有芋圓、脆脆同開心果碎，食落好香開心果味，口感豐富，唔太甜，好食焗芋茸西米布甸布甸表面焗到金黃，少少焦化，食落芋頭軟滑，搭配西米，一粒粒嘅口感，幾夾，但甜咗少許，味道唔錯杏仁蛋白杏仁茶一來，就聞到好香嘅杏仁味，食落好幼細，甜到剛好，好食整體來講，環境係開放式，坐得唔自在，服務亦一般，一放低匙羹，立刻走來收野，但係未食完啊，雖然味道唔錯，但用外賣兜裝，份量少咗，價錢亦唔平，Follow 佢社交平台有野送，感覺抵返啲…查看更多

中午去食米線陣，叫咗大汗豬扒米線同凍檸茶，待應安排入坐，自己用QR CODE手機下單擔擔湯底食落幾濃郁，有少許肉燥、花生碎，辣度偏辣，但味道唔差，可惜米線偏淋同碎，而且份量少😓而大汗豬扒得一塊仔，炸得算香脆，味道唔差，但肉質偏硬，有點“柴口“凍檸茶，飲落好淡茶味，無咩味整體來講，環境可以，食物味道唔差，價錢可以接受，但份量唔足，而且無咩服務，自己下單，自己拎單行出去比錢，連一杯清水亦無提供🤔…查看更多

油塘新開嘅山牛Yakiniku Yamagyu，一行近就聞到香噴噴嘅炭燒肉味，因為堂食無位，便買外賣返屋企，叫咗炭火燒牛小排燒肉丼，“中”份量，$40，外賣加$2，共$42打開個外賣，好似日本便當咁，包裝得唔錯，有張封條寫翻熱步驟食落炭火燒牛小排，表面有啲焦香，但唔係乾身，再配埋個醬汁，好惹味，好似去咗燒烤店食烤肉咁，好食。而且肉的份量都算多，配搭辣蘿蔔，辣辣爽脆，一併食，可以解油膩，還有少許青菜，食落唔會咁單調，飯係日本飯，食落黏黏軟軟，幾好食👍不過可能係烤肉放咗係面，食到底，啲飯有點油膩🙈整體來講，服務同環境還好，味道好👍，價錢唔貴，係有啲油膩，如果飯同肉分開放，可能會好啲…查看更多

呢間餐廳平時都幾多人排隊，仲要今日係星期日，係門口排左30‐40分鐘先有位🙈叫咗個脆脆麵脆雞腿肉饅頭漢堡是拉差蛋黃醬，要咗薯條，而飲品就叫咗普通裝美式咖啡 (凍)，另加了小食叫咗焦糖單骨雞翼 脆脆麵脆雞腿肉饅頭漢堡是拉差蛋黃醬食落炸雞香脆可口，肉質嫩滑，唔油膩，好食😋，但個饅頭漢堡，沒什麼特別，普通麵包1個，薯條剛炸好，份量都足，食落係熱嘅，可惜唔脆口，麻麻地，伴碟嘅沙律菜，食落清新，幾好食美式咖啡，飲落都唔錯，自己加糖漿，加奶焦糖單骨雞翼，寫話有8件，其實係1隻雞翼分開2件，雖然好食，但唔抵食整體來講，服務還好，不過沒主動給水，環境舒適，食物味道幾好，但薯條就麻麻，唔脆嘅，而且價錢我覺得偏貴，要自己QR code落單，個餐$128，小食$62，未計加一，食過午餐都2百幾蚊，仲要限時食🙈，唔太抵…查看更多

好耐無食沙嗲王了，記得初出來做野果陣，都成日去食今日經過便入去食吓，餐廳幾闊落， 我2個人，都安排卡位，坐得好舒適分別叫咗白咖喱香茅豬扒飯(跟餐飲)，沙嗲牛肩胛粉絲(跟餐飲)，再加錢配蒜蓉牛油雞翼白咖喱香茅豬扒飯食落一如以往味道，豬扒有3塊，都幾大塊同厚肉，肉質腍滑，好易咬開，用白咖啡喱汁撈白飯，雖然好邪惡，但好野味，同好食沙嗲牛肩胛粉絲(轉幼麵)沙嗲湯底非常濃郁，幼麵浸住沙嗲汁，每啖都食到沙嗲味，牛肉係簿簿、軟軟果種，雖然唔食好食到牛味，但食落都差蒜蓉牛油雞翼有2隻，食落雞翼熱辣辣，外脆內嫩，牛油味同蒜蓉味都唔濃，但味道都唔錯跟餐飲品叫咗熱檸水同熱奶茶，飲落普普通通啦整體來講，環境舒適，服務唔錯，價錢可接受，食物份量足，雖然味道唔係激好食，但起碼有一定嘅水準，同有回憶嘅味道…查看更多