chingswong的個人專頁

未到晚餐時間，叫咗個明太子櫻花蝦八爪魚意粉，意粉嚟到一粒明太子都見唔到，咁就問吓個侍應係咪落漏咗，然後個侍應話佢哋係明太子醬，所以見唔到明太子係好正常，問佢哋拎返個餐牌睇多次，明明寫住明太子櫻花蝦八爪魚意粉，然後同個侍應講個侍應聽都唔聽就不停咁樣「你等等唔好同我講，你等等唔好同我講」不停咁重複，態度係點自己估。之後叫個經理嚟，個經理堅持佢哋係明太子醬，咁我話個餐牌唔係寫住明太子醬喎，然後個四眼仔就不置可否，其實只要肯講一句「唔好意思我哋餐牌寫得唔清楚令到你誤會咗」就解決到嘅事情，無個做到，唔知係唔識？定係就係唔care。呢間店舖嘅員工處理方法好有問題，態度亦好有問題，黎返OpenRice睇先知道佢哋咁多劣評，俾錢買難受。嬲到要去海關投訴俾你。…查看更多

住附近，經過好多次，今次一條友就諗住試下呢間，掃QR code落單但係個app又無相睇，餐牌又無相睇，叫咗個午餐，甜酸醬豬扒腸飯，心諗應該唔會伏得去邊，但係黎到，啲飯嘅份量係好夠嘅，但難食⋯⋯啲豬排勁乾，啲飯又勁乾，乾到好似放咗係雪櫃一晚咁樣，乾到唔知點食，成餐飯食得好辛苦，係唔係啲師傅因為要整炒飯所以就將所有飯都煮到咁乾身？但係唔係個個都叫炒飯食嘛，唉早知食番譚仔，豬排都算，煮飯落多啲水係咪真係咁難？…查看更多

又要客人去自己拎餐，食完又要自己拎返啲嘢出去先俾你走，就算你唔記得拎佢都會即刻叫返你返去拎翻先肯俾你走，啲員工坐喺度冇嘢做都唔肯自己去執，啲嘢食又唔係平。轉左餐牌又冇講，叫咗兩個意粉勁難食，以前好食嗰個餐牌就轉走咗，之後啲員工煮自己嘅員工餐就香到喺位都聞到。員工態度又好似唔係好想做咁以前喺度食過大蝦蕃茄意粉幾好食，第二次嚟就話個意粉機壞咗冇意粉供應，今次特登打電話嚟問吓有冇意粉，點知又轉餐牌，重越轉越難食，極度失望，都唔知個廚房諗乜，地方又偏僻，以前都會特登黎，今次之後唔會再幫襯。…查看更多

實物同相差太遠了吧青瓜絲去左邊？個刺生飯又係，同menu2回事黎特別好味咩？唔覺得一般，唔值呢個價，不會再食8折左都成888兩個人重要漏單，啲職員都唔知做乜，唔好黎食…查看更多