saisai lam的個人專頁

朋友大B哥牛一，喺fb見到奏火鍋D食物好似幾對路，所以拉大隊試，話晒初來步到，所以大家㸃嘅食物都好保守，豬皮、豬粉腸、豬紅嘅低價食物，結果係雖然都係豬粉腸，但呢度D就特別軟腍，大家都知，一般豬粉腸烚好耐都好靭，但呢度就好有水準，所以大家信心返晒嚟，第二round㸃咗好多新嘢，豬腳筋、黑松露帶子餃，黑毛豬等，首先係個松露帶子餃，味道好正，食完齒䶝留香，聽講係呢間鋪獨創，第二度食唔到，我們encore了三次，係六個人叫咗三碟仲有個豬腳筋，肉質好煙靭，但D筋又好爽喎不得不說嘅仲有個窩底，蘿蔔坑腩窩，真材實料，牛腩多又炆得靚，蘿蔔甜而多汁，大滿足…查看更多

第一次嚟呢間叫奏的鐵板燒料理，印象甚為不錯，而且仲有人唱埋歌，重點是食物真係好有心機，材料食得出係貴價貨，尤其係海鮮，新鮮到好似仲有少少海水味我最鍾意就係個阿拉斯加長腳蟹，有四種食法，我哋揀咗凍食，真係非常鮮甜，乜醬都唔使㸃食原味就最正服務態度都唔錯，整體感覺好正，應該會再幫襯一間食店除咗食物、環境同服務態度，其實氣氛都好重要，最初喺唔知情嘅情況下（去到先知）有兩個人揸住結他嚟我們身邊唱歌，其實都有點奇怪，但佢哋都好識做，睇到我哋個樣OO地，好識相咁同我哋保持距離，我哋先無咁尷尬，團完一首歌，仲問我哋點唔㸃歌，可能係已經適應咗，所以我哋就要咗首Eason ，都ok好聽，感覺幾得意…查看更多