Tasty ZK的個人專頁

朋友明知我唔飲酒都帶左我去酒吧~仲話唔飲酒都去得~咁我又睇下點呢間係旺角既the live house係地庫,成日經過都唔會留意到!朋友叫左啤酒,而我就飲下D無酒精既Mocktail算啦~叫左杯Lazy in the afternoon,粉紅粉紅咁,真係唔係好襯我呢D大男人~但係味道就唔錯! 送(無酒精的)酒小食叫左個炸牛肝菌同埋炸薯條牛肝菌送酒一流,外脆內軟!仲有汁~正!!炸薯條就一定要趁熱,如果唔係面D芝士會結,同埋薯條會淋~ 星期六日晚都依然有特價優惠,對於唔飲酒既人,happy hour又多個落腳點!…查看更多

首先要稱讚服務員的貼心服務態度，當天勁大雨，我們一入門，他們就收起我地的遮，入好遮套先還番俾我地。之後，不論落單定加水，都好有效率。如果任食就$228，加$10就任飲，由於我地有special order，所以就貴d。依一樣就係不一樣的地方另外，只限灣仔分店先有的黑松露系列菜和星級甜品，每位可7選1款黑松露系列菜和3款星級甜品，所以我覺得幾特別^^Special order: 帆立貝，鱆紅魚薄切，和牛西冷，好好味，d和牛好有入口即溶feel而鱆紅魚薄切無咩地方有，所以超掛住任食就樣樣都ok，蕃茄海鮮湯超乎想像好味，我開頭唸佢會落勁多茄汁扮蕃茄味，但完全無，真係用蕃茄煲出黎gd。焗蠔一樣有驚喜，個蠔仲有d鮮味，唔係熟到爛，值得推薦!!刺身方面都新鲜，但三文魚就唔得甜美，略為遜色。而推介嘅羊鞍，我自己嫌太熟，芝士年糕食一舊都飽。甜品我地叫心太軟，但唯獨我個件就焗過頭><我覺得以放題質素黎講係超ok，我唔太好放題都唸住帶其他朋友食=]不過任飲有好少選擇，一個要，全部齊齊加，除非飲啤酒先抵。…查看更多

這間咖哩新開無耐，之前見勁多人排隊，所以遲遲未試，好彩今次好快有位。menu 好簡單，種類唔多，湯前菜雪糕得兩三款，大家加$20就可以試其中兩樣，抵唔抵就見仁見智，我就唔覺得特別勒。不過咖哩係值得大家一試有4款咖哩，我地3人叫了三款:豚肉咖哩、雞肉咖哩和激辛豚肉咖哩我地發覺3雞肉咖哩比豚肉濃，以MENU相黎睇，牛肉咖哩係黑色，我地估牛肉咖哩係最濃，下次我地會去再試至於激辛就真係辣，我就接受到，朋友就唔得(我食譚仔就食開小辣，大家可以參考下個辣度)每款咖哩以外，可以加$配餸，加$10有菠菜，得兩啖，$25有3隻炸蠔，我就覺得抵食過菠菜另外要讚下服務生，不停幫我地加水，我地仲坐到閂鋪…查看更多

朋友話依間嘅麵包超正，於是專程去試，果然不負眾望!!去到差唔多5點，佢地6點close，無咩人所以可以隨便坐。我地叫左博洛尼亞多士同埋玉桂蘋果。博洛尼亞多士有牛油同自家製嘅果醬兩款配搭，兩樣都夾多士又鬆軟又脆，熱熱地好香好好味。本身多士都有d甜味，淨食都得。男朋友覺得唔夠候，仲想追加多士至於玉桂蘋果，就無咁正。因為雪糕關係，令到個多士唔脆，"林林"地，但味道都ok!!雖然只係叫左兩件多士，但都覺得好飽，可能麵包有酥皮成分掛店舖內有包裝多士，自製果醬等賣，$36有4件多士，堂食一件要$28，買走抵好多。一路食一路都有人問店員拎麵包，應該之前訂落，好似都幾受歡迎!!由於我地之後要去六四晚會，所以無買到由於6點就close，下次去都唔知要幾時嚕~~…查看更多

一行兩人，第一次幫襯，自然招牌醉雞及豬排各叫了一份豬排即叫即煎，十分鬆軟~不過，重點始終在醉雞，夠晒入味，又夠嫩滑，酒味又夠香；湯底亦比豬排的好。仲第一次食醉雞腎，回味無窮！不得不提的是，爽爽的辣椒油夠晒惹味，不怕辣的不妨一試。另外，對豬排的肥瘦及雞的位置有要求，可在落單先講埋。…查看更多

朋友生日，一行9人，由於無得book位，只好一早排隊，點知一等就等左個半鐘唯一好處係可以留電話，差唔多就有電話提你當大家餓到傻嘅時候，終於有位，大家滿心歡喜唸住衝入去，店員同我地講只可以食一個鐘，問我地有無問題梗係有問題啦，但無辦法，等左咁耐，只係大家都唔忿氣，等個半鐘食就得一個鐘:(至於食物，大家都係白丸赤丸，加雞翼同豆腐。大家都一至認同赤丸好味d，較濃味，但不見得會想再食雞翼同豆腐就無咩特別，不過不失如果以拉麵作主打，豚王始終略勝一籌…查看更多