AndyChan2126的個人專頁

行過呢間雲吞舖都好多次，今次終於入嚟試吓，坐低淨係嗌咗個雲吞。雲吞係確實好大粒嘅，一碗淨雲吞有六粒，雲吞裏面蝦同埋豬肉嘅比例，睇落係70%豬肉30%。比起其他舖頭多數都係蝦80%豬肉20%唔一様。我個人就比較鍾意蝦多啲。但係個雲吞有啲鹹，個湯又唔似其他嗰啲舖頭嘅湯，其他舖頭都係大地魚湯。地方普普通通，員工都係刻苦耐勞，冇乜表情。主要係$50一碗啊，係真係唔值，如果佢收$40一碗呢，咁都算啦！因為$50一碗係貴過沾仔記，同麥奀記係打平。…查看更多

中式甜品1. 茅台拿鐵布丁 4/5 麻麻哋，普普通通2. 新會陳皮蓮子紅豆沙 5/5煲得好靚，紅豆夠綿，蓮子鬆化Chinese dessert 1. Muotai Latte Pudding Just ok! Not too much alcohol, so I did not get drunk! 2. Red bean soup with lotus seedsVery delicious, red beans and lotus seeds are soft! Interior Decoration is like 1920-30 Shanghai style…查看更多

波記喺呢區都應該有40年，我細細個讀書就有嚟呢度食，不過以前好似冇咁多人，咁依家啲價錢梗係貴咗好多啦。講返啲嘢食先啦，其實係一般燒臘檔，不過地方都好乾淨好企理，今日入到嚟呢我就點咗個最出名嘅燒鵝髀瀨粉，咁確實係幾好食嘅，個皮係好脆，又夠肉地，我諗同區都算好食啦，所以點解咁多人嚟。其他啲叉燒，燒肉都應該好好食，等我下次試吓先！！通常佢就貴人哋$5到啦。撞正食飯時間啊，真係要排隊嘅，不過都好快，搭枱就預咗㗎啦！…查看更多

My friend brought us to this place, and serving authentic Cantonese cuisine. 有蝦仁炒蛋，蔥油雞，小炒王，黃金炒飯，豉椒炒蜆，炸豆腐…我朋友嚟得多，所以比較容易攞一個包房，包房坐得好舒服，我哋六個人好輕鬆咁傾吓偈。啲嘢真心都好食。我最鍾意個炒蜆同埋小炒王同埋個炒飯。我知道好多人都鍾意叫佢最出名嘅炒蟹。不過我哋都比較嫌麻煩，我哋唔想去整污糟隻手，所以呢就冇嗌！價錢都一般啦，$300一個人，喺銅鑼灣坐得舒舒服，食一餐係咁上下！…查看更多

估唔到呢間隱藏咗喺商業大廈嘅泰國菜係咁出名，我見到有好多好評，所以過嚟試吓。未到咁電梯四字。冇咩裝修，不過唔緊要，嘢食係最重要！平時嘅我都好少食生蝦，因為我怕會令到肚仔唔舒服！不過今次朋友想推薦所以就試吓啦！估唔到真係好好食，食完亦都唔會肚痛。推介你呢個👍另外點咗個好出名嘅火焰雞，大概燒咗20秒，燒完之後我見冇人攞走，我仲以為要自己拆骨嚟食！原來唔係，侍應會攞返入廚房斬件再上！真心好好食！呢度服務態度亦都好Nice。…查看更多

今次嚟到沙田呢間西餐連鎖店，我睇晚餐嘅Menu其實都幾抵食，所以就入去試吓啦！晚餐套餐嘅配搭有好多種，有二人三人四人五人嘅套餐！裝修幾舒服座位幾闊落，而且侍應嘅禮貌亦都好好，有講中文嘅亦都有講英文嘅！食物似啲大公司出品，主菜都係幾樣比較普通款式，三文魚呀，duck confit，紅酒燉牛面頰，牛扒同龍蝦我哋點咗duck confit同紅酒燉牛面頰，味道都係做得唔錯嘅。前菜份量都幾足夠！甜品就比較簡單！食返件法國crepes😊所以成餐嘅份量都幾好，都好足夠飽！…查看更多

嚟到北角呢一間好有人氣嘅韓國餐廳，裝修就果然係幾靚啦，坐得又舒服，咁我哋點咗兩樣嘢，第一樣係LA 牛骨排，第二樣呢就係八爪魚鮑魚拌飯。我諗你都知韓國菜雖然價錢好似貴啲，但係份量都幾大。首先前菜有五小碟，都幾好食，不過我哋冇試問佢有冇得refill。鮑魚八爪魚拌飯Waitress會幫你撈埋，剪碎佢味道都唔錯，LA 牛骨排呢肉質都好嫩！呢個係套餐，所以裏面仲有玉子燒同埋個湯。兩個人啱啱好食晒。呢間舖頭好大，如果你有興趣嚟呢比較Fashion啲嘅韓國舖頭呢間會啱你！…查看更多

燒烤堂真係好多人去，夜晚如果唔訂位，你真係唔使旨意有位！我哋訂咗六個人去，我諗佢好似有限制兩個鐘頭內食完。我哋食到9:00，啲人仲喺外面排隊，真係離晒譜。我諗因為地點好吧喺諾士佛台。而且啲嘢又幾好食。俾咗好多嘢有雞肉棒，有蟶子，有雞軟骨，有燒萵筍，仲有燒羊牌，串燒雞皮。最勁係呢個串燒雞皮，嘩正到不得了。呢個係一定要encore嘅！整體嚟講啲嘢食好食，而且氣氛亦都好好！最適合一班friend聚一聚😊😊…查看更多

我上網搵到呢一間越南餐廳，佢嘅地點位置好方便，喺正軒尼詩道近修頓球場嗰間滙豐銀行隔離。我係夜晚去嘅，所以呢好多鬼佬喺度食緊嘢，我諗佢哋都係住喺呢度附近近嘅酒店，因為呢度附近都有三四間酒店，啲鬼佬呢就鍾意食越南嘢，咁佢哋有冇其他中國嘢可以揀，所以呢度應該係佢哋最近最方便。講吓食物嘅質素，我一個人叫咗個半生熟牛肉粉，都幾正。我鍾意佢嘅湯夠濃，而且佢落蔥喺度，洋蔥味道好好！放埋芽菜，非常好咬口我諗我下次要來食多幾個菜試吓！中午lunch有一啲八折優惠嘅，不過你要問吓老闆娘邊啲先有折！…查看更多

今日想食潮州打冷，所以去咗深水埗呢一間，見到OpenRice裏面個評價好好！味道好，價錢亦都相宜！啲餸菜好大碟！我叫咗蠔仔粥，芥蘭炒牛肉，同埋川椒雞。我最鍾意川椒雞係真係用薄荷葉，因為好多舖頭都唔用薄荷葉！蠔仔粥勁多蠔，味道又正，炒芥蘭嘅火喉炒得好好。今日唔使等好耐位，大約十分鐘，到8點搭3就冇人等。雖然地方就窄啲，但係呢侍應嘅態度非常之好，仲俾張櫈仔你擺嘢，今日未試吓佢個鵝片同普寧豆腐，下次會試吓。…查看更多

呢間係一間好地道嘅廣東菜，係一間好隱蔽嘅巷，但係好就好在佢可以嘈，你可以坐喺外面大大聲講嘢，好似大排檔，但係又唔係大排檔咁多人。講返啲嘢食，我覺得佢啲煲仔真係幾好食，啫啫雞煲足料又夠味，雜菜煲，亦都夠晒足料，有好多唔同種類嘅菜，牛仔骨亦都好好食，而牛仔骨裏面又放咗啲豆角一齊炒，好少有舖頭會咁樣做，所以我覺得好特別，頭先講嘅啫啫雞煲，佢都放咗啲青椒落去炒，所以我覺得佢都幾用心。呢間舖頭好多明星相，老闆娘話開咗20年，我真係好少行過走入去。不過我下次會嚟食啲特別啲嘅餸，雖然佢係貴啲，不過我諗都值得試一下！…查看更多

呢個係米芝蓮推介嘅甜品店，所以我專登行去深水埗試吓佢。佢哋都好晏先開門，要下晝三點之後。咁我哋今次有五個人去，所以可以點好多唔同嘅嘢。喺嗰度返工嘅後生女都好好禮貌又好好笑容。由於我哋四點幾去，所以係冇乜人，咁我哋點咗幾樣經典嘅嘢。第一陳皮紅豆沙，食落幾滑，亦都好有陳皮味！第二馬蹄露清心丸，而家清心丸唔係好多地方食到，難得呢度都幾好食！清心丸有啲𡁻頭第三樣波霸芋圓配雪糕，凍冰冰係我個friend先食得到，我就冇乜興趣！第四樣木瓜雪耳燉桃膠，滋潤嘅，味道正常啦，同好多糖水舖都差唔多。…查看更多

好耐未食過印度嘅buffet啦，今日搵咗灣仔呢一間試吓，個buffet包埋嘢飲，亦都包你又唔叫Naan。 我覺得食印度嘢最好呢就係飲返杯Mango lassi。 呢度個MangoLassi 我覺得偏甜咗。 講返啲buffet嘅菜啦，有雞有羊有齋，都幾齊全。咩價錢食到咁多唔同嘅嘢都算係幾好呀，因為其實喺香港食印度嘢都唔算話特別平，你出去點一個印度菜，其實都成$100一份。咁今日以咁嘅價錢，食到咁多種類都算係咁㗎啦！ 味道都還可以啦！咁地方又好乾淨。地點喺2樓，所以你入咗棟商業大廈然後坐電梯上去！…查看更多

呢間餐廳係喺商場少有嘅坐得舒服嘅餐廳。因為印象中好多餐廳都係唔好坐，啲枱枱凳凳擺得又夠密。呢間相對呢就合理好多，而且坐得舒服！老闆都應該幾識考慮客人嘅感受！同埋佢好似係用一啲有自閉症嘅員工俾個機會佢哋喺社會做吓嘢，我覺得幾有意義！可以支持吓！講返啲嘢食，菜式嘅選擇唔算太多，咁我哋點咗兩個意粉，兩個意粉呢都幾好食，一個係紅汁一個係白汁。佢D汁打得好濃好香，意粉嘅韌度亦都啱啱好。之後仲叫咗個400次手打蜂蜜咖啡，好似之前興過一排而家又唔興啦。咁好難得喺呢度搵到，所以試吓，蜂蜜味真係好強喎！呢個配搭真係幾好飲！…查看更多

呢間新開嘅舖頭開咗喺K11嘅商場外面，上個禮拜日去嘅時候，兩點先入去，所以唔使點等位，裏面有地下同埋一樓，但係一樓呢就冇開。地下裏面嘅裝修設計睇得出都花咗好多心思，有好多唔同嘅地方，有一人坐，有三人坐，有四人坐，甚至一group人坐都可以。唔同嘅角落有唔同嘅佈置。咁啲嘢食都幾驚喜，因為比我想像中大份，特別係嗰個豬膊頭肉，幾抵食㗎！不過喊咗少少！個燒雞都好好食！咖啡都幾好飲，仲有佢有啲唔同嘅果汁，好似幾好飲啦，不過呢份量就少啲！因為都成$50一杯！總體呢間都算OK可以再嚟！…查看更多