sam852852的個人專頁

除左放假只要翻工日日都來，因為金翠是價廉物美，價錢停留於我讀書年代！三十二蚊有一個午餐依家去邊度搵！餐湯羅宋湯十分足料，帶有少少酸辣，偏甜！今日食河粉，豉汁好有味，肉又好多好霖，最特別係河粉，非出面用的炒河又粗又厚，係用湯河炒，幼d滑d，好入味！能令我日日如是都來，除左食物質數高，最重要係呢度有人情味，呢度老闆員工打成一片，對d客人有講有笑，對熟客口味清楚，未出口己記得要咩，多飯少飯也可，令人有一家人的感覺，平時午餐好多人排隊架夜晚好少食，眼見有人話服務態度差，我又唔係好想信啦，不過知道呢度係會急d，無非都係薄利多消做多d生意，收咁平價錢自會明白人地需要，係呢度食野聽最多一定係笑聲，自覺服務態度一流，不過明白同行如敵國，實有呢d野，見他們全家人落力工作，作為香港人一定會支持呢d小店，希望多d呢種店出現啦！加油努力…查看更多

上次係呢間大排檔鐵板大豬手, 椒鹽雞軟骨, 粉絲雞煲 等幾樣菜都唔錯, 特別係鐵板大豬手, 份量好大而且肉質亦都好鮮甜, 其他菜式都好有大檔風味, 令我下一次亦都好想黎多次。雖然環境未必好好, 但講到抵食程度, 我一定比五顆星, 三人四菜加飯, 加飲都100元內找數, 又好食, 真係好抵…查看更多

本人相當鐘意會雲吞麵，元朗好到底，灣仔永華、佐敦麥文記、上環麥奀、紅磡大光燈、深水埗劉森記，我全部食均。於是又去朝聖。點知，超級失望，講真佢哋個麵真係好爽口彈牙，幾有水凖，但係個湯底就完全唔掂，啲師父多都我食完之後要飲2支水先解都渴。 我對味精好敏感，所以真係冇下次！…查看更多

上次喺隔離臺灣館食完野，走時見到寫住六十八蚊起有扒食，仲要免加一，今次返黎再食過。門囗唔算多人，得四五個，等左一陣就有位，入到去一坐低就叫左湯，先至發覺，要加一和無六十八蚊嘅扒，都算數喇。叫咗一個牛柳同蘇格蘭，要左一個白湯一個紅湯，白湯無雞嘅😔，紅湯一味得個鹹字扒來啦，蘇格蘭咬落去俾梳打粉拿到冇曬牛味，又發起左，牛柳仲誇張，已經唔可以叫牛扒，可以叫山竹牛扒咯。叫我兩杯餐飲，有冇攪錯咁細杯，你估繫兒童餐咩。氹左我一次入黎都唔會有下一次。…查看更多

行過呢條街都繫變左太子新食街啊，雖然天氣熱，但突然想食雞煲，見呢間都有唔少人，咪試下咯。叫左一只雞，中辣，來到時候都覺得好小，好似唔夠一只雞，食落去唔香，好喊，加上有陣雞嘅酥味，接受唔到。仲有其他串燒食嘅，好貴又細串，仲要唔熱的，失望。…查看更多

星期日訓到下午先起身，已過午餐時間，咪走落街食個下午茶餐先😜見呢間有幾多選擇就入去叫左個炸雞比同西多士飲紅豆冰，雞比炸得太乾又唔夠味，西多士太油啦又炸得唔夠身，紅豆冰紅豆好硬，食唔到，最後等晚餐食餐好架…查看更多

平時行過都見有人幫襯，今晚收早，行過就加餸返屋企啦。普通燒味就唔想食啦，見到有乳鴿，要咗兩只炸的，翻到屋企先發覺，好細只，又炸得太燶，太乾身又偏鹹。嚇次都繫食叉燒算啦。…查看更多

因為米珠蓮而來，門面不太起眼，去到就有位，叫左個餃子和拔絲地瓜，湯底平平無奇，餃子皮太厚，餡料味道都還ｏｋ。但都未有米芝蓮級數呀，個地瓜痴埋一舊，太甜喇，又炸得唔夠身。整體感覺嘛嘛。…查看更多