Eateatsleep的個人專頁

本身諗住呢間店咁多好評應該都好好食下，就同朋友走入去試試…中午時間叫左主打既黑豚豬扒pan丼，等左15分鐘左右終於黎到。但服務生放低餐既時候倒瀉好多蛋汁都算，仲要扮冇野走咗去..都算啦..咁諗住期待下塊豬扒。豬扒講真係大份既，不過食落去個味道記唔覺得好有特別既記憶點。豬扒仲有d雪味，又冇切開d筋位，咬到筋位既時候都幾痛苦下。跟餐有小食同麵豉湯，我反而覺得個小食仲好味d。但本身以為會好味既時候，依家就反而有d失望。…查看更多

餐廳裝修非常精緻，木系裝修。座位排列唔會好密集好適合三兩知己聚會。餐廳都算新開，第一次去試食。叫左一份煙三文魚牛油果沙律同茄汁虎蝦扁意粉。份量唔算話好大份，如果男仔食可能會覺得少左d，可能要order 飯類會好d。但女仔食就岩岩好。好推薦佢地既沙律，真係好好味。沙律係已經每塊沙律菜都沾滿胡麻醬，唔係就咁倒d汁落去就算，都幾有心機。意粉就似龍蝦汁味，多過似茄汁味。如果中意濃味d既朋友都好岩食。但個人認為如果茄味重d會更好食完主食仲叫左個咖啡味軟雪糕食。好大一杯！仲要好濃既咖啡味！真心推薦！…查看更多

平日的中午一點左右去食，有好多人幫襯。排左兩三張檯都算快入到去。茶位一人五蚊都算平，所以冇咩期望又沒有失望。飲茶都仲要用膠杯膠碗，呢個係幾奇怪下。但食物就最令人失望:(叫左籠牛肉，但喼汁係好似醋咁既味。蝦餃燒賣正常發揮冇特別..流沙包比左個皇冠以為好味啦，但係都唔流心但要比較細件。最好食係腸粉，腸粉皮係幾好既..但整體口味比較咸，份量細。香港近年出左好多呢種點心專門店，呢間係我比較少數覺得唔好食既一間。個人覺得就比較失望。都應該唔會再冇去幫襯…查看更多