CandyLam1403的個人專頁

價錢係茶餐廳兩倍，食物質素不及茶餐廳。漏單，一個香蕉薄餅等左50分鐘，催單兩次都無出，最後取消🙈 ，鹹檸七就比一罐鹹檸味梳打😂。座位好逼好窄，一間餐廳兩個侍應要做埋收銀，根本忙唔過來。試過無下次！…查看更多

糖醋松子魚太酸，食多兩啖，食到個胃都酸埋，小籠包，青瓜，粉皮味道一般，份量就真係好細份，唯一覺得可以就係擔擔麵。價格就一定唔係實惠，畢竟是尖沙咀。但一定無下次！…查看更多

大家千萬唔好中伏！！難得第一次起西貢坐低食海鮮，成500蚊一餐。居然覺得自己食左垃圾。坐低先同你講無蝦，無蟹，無元寶。想食嘅都無。都算，椒鹽鮮魷無鍋氣，淋曬。鮑魚好似完全無清洗，好恐怖。豉汁炒蜆啲汁好鹹，味道古怪，好多蜆有沙，仲臭。新年流流，都想講粗口。…查看更多

好難得過去大本型，見尼間餐廳好似幾吸引，大大餐牌寫住午市放題 不設加1。當我們行入去，店員就話 85蚊一個，而且要加1。原先想都入左去，咁照試下。惡夢👿開始，服務差，衛生差，食物少得可憐。幾乎無人service，更無人話你知可以取食物的邊D區域，幾樣泡菜隨便裸露，食物就只有炒飯，湯，菜，炸薯條雞翅之類。甜品就。價錢唔計啦，食物質素真係怕怕！…查看更多

平身第一次寫食評,因為尼個羅宋湯實在難以入口,苦滐,焦窿味,擺一口入嘴之後,令人畏懼。另外熱奶茶都麻麻,實在忍唔住要評論一下。不過意粉味道還是可以的。本人就不會在試第二次啦~！…查看更多