少年食神的個人專頁

同女友, 伯母同埋姨甥仔一齊嚟食幾道餸的味道都很好, 印象之中, 個津白煮魚腐好好味, 佢係一個可以當湯飲的餸, 湯底好鮮甜, 魚腐好好味, 特別適合老人家同小朋友食, 味道溫和而魚腐本身又易消化士多啤梨骨都唔錯, 個汁甜味比酸味多, 而排骨的肉口感都好好, 一點都沒有靭的感覺食物的水準不錯, 但其實最想讚係佢地既服務, 因為姨甥仔係一個兩歲的小朋友, 之前可能玩得太癲, 食到一半居然把食物一次過嘔哂出嚟 嚇到女友手忙腳亂, 但呢度d阿姐好 nice, 連忙預備了好多濕毛巾幫我地清理現場, 仲為我地轉另一張枱坐, 仲好好態度, 安慰埋小朋友...我都覺得有點感動, 雖然價錢係貴少少, 但無論食物同服務都係好優質的…查看更多

MAMMA MIA ~ 雪糕店個名就叫做好好食喇, 不過雪糕就麻麻地我買左一杯芳荔枝雪糕食, 所謂的荔枝, 味道有少少酸, 酸得嚟又唔好味, 一球雪糕要廿八蚊, 無果肉, 無雪糕味, 又唔滑, 只可以講, 完全唔掂下次都係落地庫食爬爬加盧好...…查看更多

這一餐專程為了清清腸胃, 所以以粥來填肚吃的是一碗牛肉粥加一碟芥蘭! 粥底不錯, 稀稀的白粥有米香, 火喉都很夠, 入口香滑! 牛肉件數甚多, 簡單的用生粉醃過, 一點都不會靭芥蘭沒有蠔油的點綴, 改為用豉油, 味道不會太重, 正合今天想清淡一點的原意, 但原來細心一點看, 係因為如要蠔油, 須要另付一元...店舖已經比較舊, 地方的衛生欠佳, 坐位都較迫, 要食要接受不夠理想的進食環境…查看更多

見這店上了榜, 引起了我去試試這間魚形燒餅的興趣買了一件意大利風味的燒餅回家吃, 不過很失望, 因為原以為係脆卜卜的燒餅, 咬落卻是軟淋淋的, 很奇怪, 溫度依然是暖的, 不過覺得件燒餅有點水蒸氣似的, 一點都不好吃..餡料有芝士腸, 粟米粒, 洋蔥, 不過, 一咬到淋哂的餅皮, 便沒有興趣食落去, 是不是因為外賣係唔好食, 一定要即整即食? 不敢肯定, 只係肯定, 買番屋企食, 一定會唔好食…查看更多

經過朗豪坊的地庫買了100g的朱古力曲奇食, 味道唔錯每塊曲奇大約有個五蚊大餅咁大個, 100g有差不多十三四塊, 作為口垃圾都幾夠食了! 味道很不錯, 曲奇最緊要的好味元素 ( 牛油味) 可以從amos 的曲奇之中找到, 而且仲好香添另外朱古力有輕微的苦, 不是只有牛奶味的甜, 對味道來說是不錯價錢雖然唔平, 但有質素, 絕對可以一試…查看更多

同個朋友去尖咀搵食, 去到金馬倫道的定食 doraya 晚膳天氣炎熱, 行落地庫的樓梯沒有冷氣, 嚇死 以為店內都沒有空調, 好彩入到去係有冷氣的!餐牌的食物都幾多選擇, 我就食醬汁牛肉飯定食, 朋友要了三文魚子海膽飯定食, 另外再加了天婦羅! 我的牛肉飯味道只係ok, 不過唔算好好食, 飯粒比較黏, 但沒有飯的香味, 牛肉味道比較甜, 雖然日式食法會係甜, 但係我覺得味道比較單調反而天婦羅唔錯, 件蕃薯好甜, 炸粉唔厚, 又唔油膩, 我地大家都同意係不錯的…查看更多

細佬坐飛機兩點半到, 但我兩點半到機場佢都未出嚟, 於是貢左去burger king買小小野食上牙痕買左包洋蔥圈, 原來幾好食, 洋蔥圈細細個, 好脫身, 仲有好正o既洋蔥味, 洋蔥係切碎之後同炸粉撈埋炸, 好處係唔會濕dat dat, 所以個洋蔥圈夠脆, 因為都幾好食, 所以同大家推介…查看更多

今朝唔使返工, 同阿媽去馥苑飲茶去點心味道唔差, 不過價錢就貴左d, 好似個xo醬蘿蔔糕一碟要差不多四十蚊連加一, 而小點都要十二蚊, 中上等的價錢xo醬蘿蔔糕只係一般, 同稻香的無得比, 馥苑的一點都不香口, 而且蘿蔔糕件件都散收收, 食左半碟而已之前見好多食評讚, 我就不敢恭維, 唯一覺得同意, 係服務都算幾好, 如果不怕食物平凡, 只係環境都可以一來的…查看更多

旺角又有傻佬擲強水, 好嚇人, 希望快d捉到個衰人諗番起都一額汗, 因為六點幾經過嗰個位, 仲經過八爪魚丸店買左盒四個裝八爪魚丸食, 八爪魚丸係原味的, 其實係預先燒好左, 唔係即叫即燒, 不過到我手時候仲好熱, 都係燒好無幾耐!味道係唔錯的, 八爪魚丸入面有什菜絲, 仲有大粒八爪魚肉, 個甜味的燒汁, 加埋沙律醬汁食, 十分之野味, 唯一唔好食的, 係紫菜絲, 無味兼淋gi gi, 落左仲衰過無落, 可能近排濕氣重啦總括嚟講, 個八爪魚丸係一個不錯的小食…查看更多

家姐放工返嚟, 隻手揸住許留山的外賣, 即刻黐嚟食個芒果糯米磁... 係唔好食嘅, 軟淋淋, 芒果又唔好食.. 不過聽家姐講呢個係特價品, 好似唔知買咩加幾蚊就換到xo醬蘿蔔糕就好正, 夠辣, 夠香, 夠咸, 夠味, 食完一件又一件, 因為個蘿蔔糕, 所以要俾個笑面佢…查看更多

晚上比較遲食飯, 十點幾經過太安樓, 見有條人龍排隊買炒麵, 好奇之下跟大隊買盒試試, 反正都未食飯廚師大哥兩隻手都無停過, 一盒又一盒的用木棍炒亞炒, 每盒都炒了差不多五分鐘, 個平底鑊仲間唔中炒到着哂火, 真係精彩味道ok偏好啦, 烏冬炒到上哂色, 配料雖然係好簡單的材料如火腿, 紅腸, 但係食起上嚟幾野味, 不過除了炒的功架之外, 其實覺得唔算好特別! 所以都唔係一定要去買嚟食…查看更多

阿頭昇職, 實在可喜可賀, 午飯專登拉隊去豪苑食晏中午十二點半, 酒樓出奇地只得四枱客, 莫非因為位置唔就腳, 還是食物真係難食? 只見我地的菜色味道都唔錯, 好似個蒸帶子豆腐, 豉汁做得幾好味, 帶子肉仲好鮮甜, 材料又新鮮, 點解好似無人食咁?又例如個芥蘭炒魚腐, 都好有水準, 芥蘭落左燒酒去炒, 上碟時有熱氣冒出, 有鑊氣架, 味道仲唔錯! 點心都可以呢, 棉花雞件雞肉唔係雪雞, 材料都選用靚貨嚟做!唔知點解, 無咩人嚟食, 之前未嚟過, 但以後都會再嚟食…查看更多

去到土瓜灣找尋美食, 隅爾經過此店便試試首先係鹵水掌翼, 掌翼都有鹵水的味道, 但奇怪係味道出奇地淡, 只係一般春菜都係出奇地缺乏味道, 食到嚟呢度, 開始懷疑自己條脷, 難道係口淡?跟住係菜保雞蛋, 雞蛋大大塊, 但好似唔係好多菜保味道只係一般, 儘管裝修唔錯, 加上新開, 服務什好! 但, 都唔會專登嚟食..…查看更多

宵夜要買碗粥食, 我提議大家如果就腳, 去地茂館買啦, 個粥底好味架!好似尋晚都買左碗鯪魚球粥食, 粥底煲到稀爛, 但係味道非常好, 有米香, 加左花生粒, 薑絲, 蔥粒, 十分地道的廣東粥味! 鯪魚球五大粒, 打開個蓋, 熱哄哄的米氣撲向我的鼻, 好快成碗粥已經俾我食哂除左粥, 撈麵佢都幾耍家架, 可以試試個炸醬撈, 一定唔會失望呢…查看更多

早排都見apple green 經常出現在 openrice 的龍虎榜, 但最近失蹤了 不過唔緊要, 始終, 我都有興趣去試餐廳係現在式的西餐廳的格局, 裝修簡潔, 坐得舒服, 座位之間唔迫夾, 氣氛不錯我的主菜係網燒肉眼扒, 牛扒比較薄身, 用燒烤的製法缺點係乾身, 優點係味道比較香, 牛肉唔會靭, 用餐刀一切就開, 味道幾好, 塊菠蘿味道幾甜, 之前以為係伴碟一件, 差點浪費了最特別係可以餐加一碟中式的炒菜, 十分之中式的, 炒菜心, 真有你的! …查看更多