AliceYuen5222的個人專頁

自從有左都好耐冇來食，今日行開呢邊，突然好想食有質素既火鍋🥘就諗起勝手啦！經理好細心見到我大肚，都唔洗講就俾左杯水我，抵贊。老公叫左個行政套餐，我點左個火鍋套餐！行政套餐跟2個串燒，我點左牛舌同免治雞捧。牛舌一直都係我至愛，同出面唔同，佢唔係薄切切，而係有厚度架！原本免治雞捧係跟生雞蛋，經理又好醒目咁問我，生雞蛋喎，你食唔食得？然後幫我轉左個有汁，都一樣咁好食！一上野食就好肚餓，以至於食食下先記得影相！一如往常，環境安靜，服務質素好，食物有質素，係呢區收呢個價其實真係唔貴，舒舒服服聽住音樂咁享受一個滿足既午餐，就係一個大肚婆現在既要求啦！…查看更多

琴日一行8人去食團購既'長腳皇帝蟹海鮮九大簋'，伏到不得了。餸等左一個鐘先來一個，之後再等再一個，8點食到11點先走，唔講以為食緊中式法國餐！野食唔係唔好食， 不過份量太少，長腳蟹仲要最後先來，第一次來既仲要係凍加梅架！嘈左先換返隻正常點既來。侍應絕大部分係part time,問咩都唔清楚，上完餸就走。叫佢叫經理，佢叫返你自己出去搵！野飲明明寫有好多選擇，其實都唔係，啤酒寫有4款，得返 blue ice. 茶都要嘈一嘈先有人加水！空間非常擠逼，枱與枱之間連行個人都唔得，櫈貼枱來枱張櫈。8個人book左半席， 再叫左5個餸，出門口果下都係食唔飽...…查看更多