Camillelyc的個人專頁

第一次食尼間日本菜，叫左寿司拼盤和鐵板燒，首先鐵板燒的牛肉无味，蒜片好軟，鵝肝無味，鵝肝个包超級韌。到寿司拼盤，个吞拿魚腩有D變左色，一食落去已經變左味。吾會有下一次。…查看更多

出開尖沙咀，同老公諗住食返餐好少少哄下自己，點知食完不但哂錢，仲一肚氣。叫咗個$1,280「青森」二人餐，點知餐廳搵咗個廚藝差嘅師傅去煮，食完都唔開心。頭盤我哋個餐係食新鮮龍蝦，同枱坐隔離的2位客人(我哋互不認識的)叫咗兩個「桃」一人餐，每人半隻冰鮮龍蝦。個廚4份龍蝦一齊煮，新鮮龍蝦嘅蝦膏同冰鮮龍蝦放埋同一個調味兜度煮，然後4個人share(龍蝦湯都係)，其實已經有D無奈，不過見咁少事就算。之後我哋食廘兒島霜降和牛厚燒，牛要5成熟，點知個師傅煮到3成熟都無，仲要無味，千幾蚊就係食D咁嘅嘢，好鬼嬲。同佢哋講返，一句唔好意思就算，真係俾錢買難受！(Ps: 個師傅將D油脂連少少肉切咗出來做炒飯，都係4人share)。之後整炒飯，廚師話可以整個卡通樣，我就搵咗張好簡單嘅秋田犬卡通俾佢整，個師傅砌咗好耐先砌到，仲要D飯散到周圍都係，好唔美觀(可能我要求高啦)，最後我哋連相都無入去影。整完個公仔，個師傅問我哋係咪生日，我哋前後每人答咗佢2次唔咪，點知佢照寫生日快樂係側邊，可能佢聽唔到啦，於是我哋就同佢講唔咪生日，唔洗寫。個師傅把口就不停係度blablabla，話：「問完你哋，你哋又無反應，呆咗咁，我咪照整囉，我都聽唔到你哋講咩……blablabla」真係O咗咀，佢把口收下係咪會死🤷‍♀️🤦聽唔到都唔洗駁咁多句。成餐飯，食完唔開心又受氣，仲要咁貴，好哂錢！俾返D責任心，請返D好D嘅廚師啊唔該！😖…查看更多

侍應返工遊魂，叫極都唔應，幾經辛苦落咗單，上食物好慢，半個鐘都未到。加嘢飲落單，個侍應係隔離抹台，叫佢幫手落單，望咗眼之後扮睇唔到，再叫多次仲好無禮拜咁Fing隻手，話等陣，咁都未算，上飲倒濕我哋個袋，仲要黑口黑面咁抹。食完餐飯成肚氣，埋單果陣，發現張單同一杯飲品落咗9杯，我哋得3個人，Total成10杯嘢飲，無嘢嘛，連埋張單都咁。…查看更多