daisychanhk的個人專頁

咁多年深水埗街坊，由綠林食到新豐，綠林自從啲仔女接手之後味道變了我已經唔食，自此以後食中式糖水都係食新豐，蓮子一如以往咁好食，糖水又足料，會繼續支持！😋😋😋…查看更多

有幾日黎大角咀做嘢，夜晚同老公喺附近搵嘢食，無意中搵到呢間韓式料理，膽粗粗入去試咗，結果係出乎意料咁好味！尤其係炆牛肋骨，炆得好林好入味，蘿蔔亦好好食，實在令人回味！大醬海鮮豆腐湯亦都好好味，好多海鮮同豆腐，豆腐好滑，攞嚟送飯實在唔錯！👍🏻👍🏻辣炒羊肉好惹味，不過對我地來講就有啲辣得滯，整體來講成餐飯都好滿足！老公仲嫌唔夠飯要再添😆兩個人食都係$200，實在係好抵食！我覺得仲好食過我喺韓國食嘅餐廳😎下次會再嚟！…查看更多

12號當晚同友人一齊去左呢度食，叫左蝦膏炒飯，泰式炒粉絲，鮮蝦卷，椰青同青檸梳打。第二日同友人相繼出現肚屙，嘔吐，頭暈同發燒，我們屙足7日，高燒幾日不退，睇左2次醫生！差啲要入院！搞到勁辛苦！勁想告呢間餐廳！麻煩搞好自己餐廳的衛生！唔好再害人！…查看更多

上星期六咁啱同老公去咗美孚諗住食嘢，我原先嘅目的係諗住試吓隔離鋪嘅車輪餅小姐，點知見到隔離間鋪嘅車仔麵好受歡迎排好長龍，同老公兜左一圈美孚之後最後決定都係去返呢間車仔麵試吓。我叫左蘿蔔，牛脷，雞翼，老公就叫咗蘿蔔牛筋牛腩，驚喜嘅係每樣餸都好好食，好入味！以$35三個餸來講性價比真係唔錯！鋪頭應該係一家人經營的，見到佢哋齊心協力嘅感覺令我諗起細個幫我阿媽鋪頭手嘅回憶。鋪頭雖然細細，但食物絕對加分！我下次嚟美孚都會嚟呢度食😋😋😋…查看更多