or#Tm66417886的個人專頁

呢幾日天氣寒冷，撞啱屋苑做糖水團送上門，即刻order個熱嘅椰皇桃膠燉蛋白、薑汁蕃薯糖水、芒果布甸同一支新鮮椰皇水。因為外賣關係，店主pack得好安全，每個都獨立再包保鮮紙石確保唔會漏。椰皇桃膠燉蛋白勁多桃膠，蛋白仲好滑，入面仲有小丸子同西米，椰汁都就黎滿瀉，食完成個人都覺得好滋潤，薑汁蕃薯糖水好多舊蕃薯，個薑汁味好出，好辣口，食完暖笠笠！至於芒果布甸又係好正，除左布甸內有芒果粒外，仲放左勁多大大粒芒果肉喺外面，椰皇水就唔駛講，清甜👍🏻…查看更多

每次路過見門口排長龍，咁啱今日經過唔駛排隊，又諗唔到食乜就決定一試！Order左一個all day breakfast 同 黑松露卡邦尼意粉。all day breakfast 略厭細份，而且唔夠熱，滑蛋唔滑，焦糖香蕉好香焦糖味，beacon 好硬，窩夫配楓糖同cream係ok的，不過本身唔夠熱，食到窩夫嗰陣已經變凍冰冰了，同埋食完依舊有空虛感。另一個黑松露卡邦尼意粉其實同其他西餐廳出品差唔多，份量亦偏少，配檸檬菜蜜，菜蜜重手左，好甜。…查看更多

撞啱先生生日，晚市6點後無堂食，就諗住午餐食好啲，第一次黎呢間食semi buffet，環境唔錯，不過食物款式唔多，可以選擇唔加main course, 不過因為我地有小朋友，就order左一份pasta。Salad bar不過不失，甜品就普普通通，海鮮都refill得幾密，蝦隻隻都好大隻，而且感覺新鮮，食落亦無雪藏味，另外仲有燒雞同燒牛肉。但服務麻麻，小朋友唔小心倒瀉水，bang一聲都無服務員黎望下發生咩事，後尾路過見顧客自己用餐巾索水都無任何反應，無諗過一間高級餐廳職員會咁唔細心。…查看更多

準時12時開門，選擇了羊架做3-course lunch set的main dish，侍應隨即把香噴噴的麵包放到我們面前，然後推著trolley 來為我們逐一解說18款頭盤，其實每款都很吸引，有不同種類的海鮮、沙律和Parma ham以供我們選擇。我們慢慢地吃過頭盤（其實已飽了一半），主菜來了，羊架超嫰亦沒有酥味，配搭了芝士忌廉千層薯片，雖然感覺很漏，但忍不住全部送到肚子去😋最後，再一次推著trolley來介紹甜品，甜品款式不多，每人可選一至兩款和兩至三款水果，最欣賞是栗子撻😋…查看更多

襯天氣轉涼，最啱打邊爐！呢度係一人一鍋，唔食辣嘅有和牛雪見湯，想食辣嘅可以揀葯膳湯😋我地order左澳洲和牛、特選雞腿肉、美國SRF和牛、豚五花腩、新瀉雞胸肉同新瀉雞爽肉，主菜未到我地就先出去睇下其他野食，呢度蔬菜都幾新鮮，種類亦好多，連葛粉都有👍🏻仲有一支支mini鴻福堂喺雪櫃自取，衛生得黎又唔怕飲得太多同一款口味。美國SRF和牛比澳洲和牛香濃，牛脂肪分佈得好均勻，入口充滿濃濃嘅牛味，豚五花切得勁薄，放入鍋幾秒就已經食得，入口肉質軟嫩有彈性，雞腿肉都超晒班，即使煮耐左都依然嫩滑！除左呢啲之外，唔少得食埋甜品，呢度有雲哩拿同朱古力兩款雪糕選擇，仲有好多唔同toppings, 亦可以自製窩夫配埋一齊食🤤咁多選擇，1.5小時真係太少喇～…查看更多

今年因為疫情關係無得去旅行，去唔到日本沖繩感受陽光與海灘，唯有去shabu shabu 一下以慰相思之苦。今期大將推出左沖繩期間限定火鍋套餐，可以品嚐到山原島阿古豬同石垣和牛，今次我就先試沖繩縣石垣和牛放題套餐😋呢度係一人一鍋，湯底亦有好多選擇，而我地就分別揀左松葉蟹味噌湯同蕃茄海老濃湯，另外仲有松葉蟹腳一份添！牛未到我地就先出去睇下其他野食，呢度種類都幾豐富，蔬菜都幾新鮮，連葛粉都有👍🏻仲有一支支mini鴻福堂喺雪櫃自取，衛生得黎又唔怕飲得太多同一款口味，後話：南瓜真係超讚，好香糯😋返埋位無幾耐就見到有個機械人，原來佢係黎送餐😲第一轉除左有牛外，仲有豚五花同雞腿肉。急不及待先試個石垣牛，啲牛脂肪分佈得好均勻，入口充滿濃濃嘅牛味，豚五花切得勁薄，放入鍋幾秒就已經食得，入口肉質軟嫩有彈性，雞腿肉即使煮耐左都依然嫩滑！送嘅蟹腳一樣滋味，可能無得encore🤷🏻‍♀️除左呢啲之外，唔少得食埋甜品，呢度有抹茶同朱古力兩款雪糕選擇，仲有好多唔同toppings, 亦可以自製窩夫配埋一齊食🤤咁多選擇，1.5小時真係太少喇～…查看更多

本來想帶狗狗去西九，可惜落雨唔停，就轉戰南豐紗廠，見狗友推介，就一試呢間dog friendly 嘅餐廳。Tea special 好抵，包兩杯自選飲品，menu 入面嘅9成飲品都揀得！我就揀左fleur, 飲品就superfruit同orange juice (因為同行有小朋友）Fleur超吸睛，雜莓生果好新鮮！除左有基本嘅藍莓、紅桑子同黑桑子外，仲有奇異莓同無花果🤤配上食用花同棉密嘅cream, 構圖靚到不得了！不過鬆餅感覺似蛋糕，底部仲有少少藍莓，加埋多種堅果口感一流，點少少cream一齊食更美味👍🏻至於飲品superfruit一樣吸睛，球狀冰入面有朵花，放喺fleur隔離視覺享受一流，飲品配以洛神花茶，酸酸地好舒服。…查看更多

第一次去foodeli，發現有得食韓燒，見唔算多人等一陣就有位，坐低未搵食乜已經有職員放蛋漿同上沙律&前菜（泡菜同海帶可以再添），我地揀左伊比利亞豬梅花肉套餐 ⭐伊比利亞豬梅花肉 ⭐食堂黑毛豬五花肉(醬油) ⭐食堂牛小排(醬油及鹽燒) ⭐和牛胸腹肉⭐大八爪魚鬚 ⭐薯仔排骨湯⭐自選飲品2罐可惜無和牛胸腹肉轉左黑毛和牛牛五花。落完order就食住前菜先，我地無留意menu但食得出蕃茄有梅子味，海帶酸酸辣辣幾好，泡菜就唔駛多講啦，大蔥沙律初時以為係普通芝麻醬沙律，點知食落少少辣好特別👍🏻肉未送到先黎排骨薯仔湯，一睇已經知好足料，兩個人每人可以有碗半份量，排骨紋炆到好軟林入味，個湯有埋少少溶化嘅薯仔味道有啲似羅宋湯，薯仔湯未飲晒主菜已經送到，因為啲肉放埋一碟，如果有名牌知邊種打邊種就更好😉首先試黑毛豬五花肉，燒到剛剛好再一開三咁食，肉質好嫩加少少肥肉同皮邊好彈牙，完全唔駛再調味😋豬梅花肉亦好鮮嫩豬味亦好濃，但不得不讚牛小排，我地燒到中間仲有少少粉紅色，放入口鮮嫩到不得了，牛味頂呱呱，令到黑毛和牛牛五花有啲失色😂和牛牛味一樣咁濃，只係無想像中以為會入口即溶嘅感覺，至於大八爪魚鬚又係一絕，燒到咁上下我地剪開一粒粒，粒粒都好彈牙，無好似食橡筋咁，如果可以多一條就好喇🤤 飲品就普通韓國罐裝飲品啦！我地呢餐只添左一次泡菜蛋已經好飽🙊食完我地個身都唔見有燒烤味，抽氣系統不俗👍🏻…查看更多

疫情關係買外賣安心過喺food court 食，見到$49 lunch set好抵咁，4件壽司可以自選更改，仲有罐飲品跟埋，職員見到小朋友仲好有愛心，請小朋友食糖添！外賣拎到上樓後發現包裝非常精美，烏冬仲特登加多個膠袋喺外面唔怕倒瀉，份量仲唔少添！而炸蝦用嘅炸粉明顯同一般壽司店唔同，加上外面嘅麵包糠非常香脆。…查看更多

話說疫情關係就諗住外賣點心，點知門口職員畫完點心紙就叫我入去俾錢，但又無職員引領我收銀處，企左一陣先有職員理我講我知（當時得幾枱客），到拎外賣，門口職員指一指老遠張枱話我知袋外賣喺嗰度，我就自己行入去拎，拎完走人連招呼都懶得打。至於外賣質素呢..個樣係ok架，但樣樣都偏咸，即使依家有85折都唔駛旨意我再俾錢佢賺！…查看更多

撞啱今日去新蒲崗做野，見彩虹道有間凍肉舖就諗住入去八下，點知係連接住一間新開嘅cafe，Cafe有小清新嘅感覺，原木色加米白色嘅佈置，天花仲有小稻草，清幽嘅環境令人忍唔住要坐低休息一下，好好享受一個午餐。首先我地有慢煮雞胸肉沙律，沙律菜好新鮮，食落口聲音清脆，而且好少餐廳會配以櫻桃蘿蔔😋，雞胸每件都好厚，但完全唔「鞋」仲好夠味道👍🏻👍🏻主菜我地叫左伊比利亞豬肩肉伴野菜沙律、蕃茄蔬菜汁、鼠尾草炸薯條同原條鰻魚滑蛋飯，雖然豬肩肉醬汁唔多，但好夠味，不過豬肩肉略微overcook嫩返啲會更好，豬味亦好夠，蔬菜汁有少少似西梅汁嘅味道，配以沙律都唔錯，另外，鰻魚飯上嘅滑蛋蛋味濃且滑，配合啖啖鰻魚飯簡直一流👍🏻至於甜品亦非常美味，本來我唔太鍾意食千層蛋糕，怕太creamy，估唔到呢個crepe cake又唔會呢種感覺，cream嘅甜度剛剛好，加埋朱古力醬一齊食令味道更好，不過如果旁邊舊cream改做雪糕就perfect! 飲品我地揀左棉花糖朱古力同蜂巢咖啡，朱古力味好濃好濃👍🏻👍🏻，雖然有棉花糖喺面都唔會過甜，至於蜂巢咖啡，個人就鍾意咖啡味重返啲，少啲奶會更啱口味。…查看更多

午飯時間總要排隊，最近疫情關係好多寫字樓WFH，今日經過見買外賣有85折，加$5飲品可加大，就試左豬軟骨拉麵。雖然沙嗲湯無乜特別，但豬軟骨好大舊又入味，最重點係杯珍珠奶茶，茶味濃又滑，珍珠亦好煙韌。…查看更多

呢間車仔麵平時lunch time 會排長龍，呢排疫情嚴重好多寫字樓都work from home所以唔駛點排，之前試過食6餸太多食唔晒（6餸仲要送菜），所以買4餸就剛剛好，4餸連飲品$36（外賣就$38）。嗰度起碼有二十款餸菜選擇，我最鍾意揀牛肚蘿蔔加辣汁，蘿蔔好清甜，辣汁好惹味。…查看更多

經過D2 place在網上發現Kool評語不錯，便入內試試。Order了這款煙三文魚蜆肉意粉，估唔到咁足料，以為只會有數粒蜆肉但原來係全隻蜆，平時我唔鍾意食蕃茄仔，試左半粒發現好鮮甜，連埋sauce一齊好好食好好味，而且非常足料，煙三文魚同蜆嘅數量差唔多，白汁亦唔會太奶味。…查看更多