Kareymak的個人專頁

約咗兩位好姊妹聚舊，好耐無見，又想暢談飲返杯。朋友建議去食串燒啤啤佢🤩諗到食串燒一定係去太子好燒式，由於我哋分別住喺港九新，太子中心地帶就最方便啦😌一如以往，佢嘅海鮮係無敵嘅，燒帶子丶燒蟶子、燒馬友真係一絕⋯⋯👏🏻👏🏻👏🏻我比較貼地，至愛佢哋嘅燒雞全翼😍😍😍燒到皮脆但入面嘅肉係勁juicy🥹姊妹R至愛燒菠蘿同牛舌，牛舌竟然鮮嫩無比🫢後加泰式蝦餅同燒茄子，蝦餅大件又好食😋燒茄子又係勁多蒜蓉，重口味啱晒我哋🤣🤣🤣依家喺ig 出story仲送隻日本清酒，一路食住串燒，一路啤一啤佢，真係超級暢快🤩…查看更多

通常星期日我哋都會出街食飯，今日阿女話想食burger，我哋嚟到科學園嘅Harbourview Grill，貪佢夠近我哋屋企，夠chill環境又好💕當然食物質素都係重點，本身佢哋嘅burger係堅好味，牛肉夠Juicy,仲好夠份量。薯條係即整即炸，又香又脆。我尤其係鍾意芒果大蝦凱撒沙律，芒果又fresh又夠甜，大蝦又新鮮又大隻！ 然後我哋叫咗個意大利芝士pizza，即焗即整嘅Pizza，勁多芝士，啱晒我口味！阿女指定要order卡邦尼意粉，意粉好彈牙，汁好creamy! 再來兩杯芒果同雲尼拿smoothies, perfect❤️…查看更多

約咗兩位靚靚舊同事去食印度菜，位於尖沙咀北京道嘅Gaylord Indian Restaurant 簡直係印度菜嘅佼佼者！每一次想食印度菜就會諗起佢！💗蟹肉印度夾餅每一啖都有滿滿嘅蟹肉 好鮮甜好開胃 配埋軟餅皮嘅夾餅 好有口感😜💗雜錦燒烤拼盤我哋想試晒雞肉牛肉同豬肉，所以我哋叫咗個雜錦燒烤拼盤，辣辣哋真係好惹味！💗 菠菜蓉芝士每一粒嘅芝士都幾大粒 好有咬口🧀 份量好多 兩個人食嘅話會有啲多 所以可以等有多啲人一齊食飯先再試下😜💗炭燒菠蘿菠蘿燒到外面甘甜內裡juicy，並且帶著濃郁而獨特嘅香料味道，又甜又辣，勁正👍💗松露芝士烤餅口感軟熟而Q彈嘅烤餅，配上香濃松露及芝士，必食之選！我嘅至愛❤️💗Mango Lassi超級滑嘅mango lassi，芒果夠新鮮，加少少香料，好rich❣️爵樂印度餐廳📍尖沙咀北京道12A號太子集團中心5樓…查看更多

紅磡 O’Thai Restaurant尋晚同婆婆囡囡嚟咗呢間泰國🇹🇭餐廳食晚餐，呢度有室內又有室外位置。室外環境好Chill好有氣氛，室內有冷氣，座位寬敞舒適😍「香煎比目魚配綠咖喱」：比目魚肉質細滑鮮甜😍綠咖喱不太辣，好啱我口味🤩「泰式蒜蓉包」：香脆可口，配搭咖喱汁好好食👍🏻「泰式蟹肉炒飯」：由於女女唔食得辣，所以我哋走辣，但依舊好食😍多蟹肉🦀，炒飯炒得粒粒分明☺️「泰式炸蝦餅配甜梅子醬」：外脆內嫩，炸蝦餅非常彈牙，唔會太油膩。「芒果糯米飯」：泰國既經典甜品，糯米軟糯甜香，仲有超多鮮甜芒果🥭佢哋嘅Fresh fruit juice都係即叫即榨，新鮮熱辣🤩椰青唔洗講，更加係又大又甜🥥餐廳有歌聽，氣氛好好😌有時間真係可以黎呢度試吓正宗泰菜，let’s relax😌…查看更多

今日係開心星期五，係每星期一度食好西嘅日子。帝都酒店栢麗廳嘅自助餐一向係我哋喜愛之選😍皆因好少酒店嘅自助餐同時有生蠔丶鵝肝丶長腳蟹丶和牛丶龍蝦🦞⋯⋯今日可以話係座無虛席，真係爆滿，唔係講笑😆生蠔🦪條人龍要排隊，但開蠔師父絕對快手同專業，生蠔勁新鮮。我食左一打😂真係值回票價⋯⋯呀囡勁愛酥皮蘑菇湯，剛剛焗起熱辣辣，勁正❤️熟食之中，我覺得個豉汁蒸白鱔真係好有heart，點解會有我至鍾意嘅白鱔食咁好嘅🥹爸爸ko 左兩隻龍蝦🦞同埋長腳蟹，海鮮類係新鮮嘅👍🏻👍🏻👍🏻甜品種類繁多，一應俱全⋯⋯Movenpick雪糕🍧仲有紅白酒cocktail 任飲🤗…查看更多

今日突然之間好想食燒肉，近近地喺屋企附近揾好嘢食諗諗吓好耐無食過校長燒肉了，又係時候要去探一探店了😉坐低一陣我就出去攞嘢食，一如既往，佢哋嘅食物選擇實在太多，燒肉都有好多款，仲要係新鮮😄除咗燒肉之外，仲有好多日本魚生刺身同壽司！另外熟食區亦都有唔少嘅食物選擇，每一款味道都唔錯！佢仲有好多好多甜品同飲品任君選擇。最經典係飲得番兒時熱辣辣嘅維他奶❤️燒肉店來講佢都算係好多元化，下次唔知食乜好？唔使諗啦！一定係校長燒肉啦！…查看更多

大年初九，個女又要開學。我都要同個媽媽閨蜜嘆返個法國餐當開年飯。近近地大埔市中心而又高質嘅法國餐廳真係絕無僅有。所以我哋又去左老地方LAMOUR。入到去靚仔經理好識做俾左張靚枱我哋密密斟，每人叫左個4courses 嘅lunch set。今次個starter我揀左鵝肝撻，本人最喜愛食鵝肝，但係用鵝肝嚟做撻嘅starter真係第一次，個酥皮鬆脆得來仲熱辣辣，咬落去充滿着啖啖鵝肝，直衝我味蕾!每一次嚟都會order佢哋嘅龍蝦湯，除咗湯個味夠濃仲有啖啖龍蝦肉。再嚟就係主打main course，我哋分別叫咗個Daily fresh fish 煎爐魚同埋小牛排。個爐魚點解可以咁滑😍？小牛排七成熟剛剛好，有入口即溶的感覺，加上個汁，一路食一路傾都唔記得咗我哋要飲返杯cocktail慶祝下，我叫左我至愛Rose cocktail ,茘枝味嘅cocktail真係啱晒我口味😘最後黎個甜品: 法式焦糖燉蛋作總結，原來兩條友已經傾左兩個幾鐘，又係時候去接公主們放學了😆無計喎，餐廳環境咁舒服又靚，真係唔捨得走架嘛⋯⋯🥹…查看更多

女女考完試，爸爸帶我哋去食晚飯慶祝下，我哋去完觀塘買小提琴，由係附近揾好嘢食。老公話記得之前同事生日去過觀塘帝盛酒店一樓名人館食飯，食物不錯又坐得舒適。坐低無耐，就有兩位招呼週到嘅待應推介小菜比我哋，由於我女好鍾意食咕嚕肉，就試下個冰鎮咕嚕肉啦，估唔到呢道小菜看似普通，但呢度嘅冰鎮咕嚕肉竟然一反傳統，唔只有菠蘿做搭配，仲有藍莓，士多啤梨，哈密瓜等，又酸又甜好好味。而爸爸就叫左個三葱爆汁牛小排，呢味真係無得頂，牛小排鮮嫩多汁，味道夠濃，加上有少少麻辣味，十分開胃🤤而我，當然要清清地叫左個上湯杞子浸菜芯，杞子好靚好大粒，菜芯又嫩綠又靚，仲好甜😍要值得一讚嘅係佢哋中菜廳嘅服務態度非常友善，對自己的食物好有要求，亦都會問客人攞意見，希望食物質素可以再好啲。計我話，食物質素已經好唔錯了，唯一缺點就係無分店🤣🤣希望呢種咁優質嘅中菜館可以開多幾間分店，我哋啲食家又有多啲選擇😉😉😉…查看更多

星期四嘅中午，約咗朋友去食牛氣邊爐，因為我發現佢有個期間限定-北海道蛤蜊魚湯底。識我嘅人都知我幾鍾意食蜆，用蜆做嘅湯底一定係好清甜。我哋叫咗黑安格斯牛加極黑牛海鮮放題。今期係北海道主題，真係啱晒我心水。黑安格斯牛新鮮到爆，浸佢六秒攞上黎食就剛剛好，鮮嫩多汁。海鮮拼盤唔洗講，肯定新鮮😍我哋一路食一路狂歡，吹水無限，好彩呢度有個大雪櫃俾我哋任飲。仲有兩個甜品專櫃，啱晒我呢個甜品達人，無甜不歡嘅我🎈但我至愛都係佢嘅炸榴連同埋豆腐花😍😍😍仲有低糖北海道牛奶軟雪糕🍦大量蔬菜🥬新鮮選擇多，一定夠你揀、食過夠🤭除咗邊爐料，仲有熟食，等唔切嘅朋友可以擦一轉熟食先😄再慢慢烚下烚下。。。。傾到咁上下，攬住個大肚腩想賣單，再來多客芝士焗生蠔，經理熱情款待，都好難推卻，點知出奇地好食😋下次想去擦餐勁，都唔洗諗去邊度，黎牛氣就得喇😆…查看更多

通常happy Friday 都有好心情揾下好嘢食。銅鑼灣百德新街有間西餐廳Mercury Recalls 可以一邊聽住黑膠唱片，一路lunch ，而且餐廳裝修得舒適，一入到去已經好relax! 同同事兩個坐低睇吓個Menu先，lunch set Menu都唔錯，我哋分別叫咗個香蒜白酒煮蜆扁意粉，紅酒燉牛肋條配藜麥南瓜飯。另外再加咗兩個小食： 水牛城雞翼同埋金莎薯條。香蒜白酒煮蜆扁意粉真心好食，蜆夠大又新鮮，個汁係精粹，我哋好快就清曬。再黎個牛肋條又係好食，好難得炆到剛剛好又入口即化，配有少少紅酒，一啲都唔會覺得好heavy, 配藜麥飯好healthy就真。水牛城雞翼竟然有驚喜，點解咁大隻嘅雞翼可以煮到咁嫩滑，味道更加不在話下。最欣賞金莎薯條，咸蛋黃醬炸薯條真係好惹味，我哋瘋狂食晒😆一路chit chat一路聽住DJ打碟播Michael Jackson : beat it …..beat it 係正嘅。下次可以試吓夜晚同班friends黎一齊crazy下🥂…查看更多

氣派典雅手工點心見棽粵有個手工點心套餐$438/位，又位於銅鑼灣高樓層海景view，都值得一試首先嚟咗蜂巢帶子芋角，好香好酥脆，帶子又有鮮味然後係百花釀魚肚，魚肚又冧又鬆化，而且吸晒百花的精華蟹皇蒸燒賣同埋菜苗帶子餃，蒸得熱騰騰，食得出食材的高質韭黃鮮蝦腸，韭黃細嫩鮮甜，加上大蝦的爽口鮮味，的確好吃菠蘿叉燒包的皮很脆，包又香軟，叉燒餡肥瘦甜度適中，好正食到呢度已經足十成飽，仲有個上湯炸粉果，粉果炸得外脆內軟，餡料又足，吸收又上湯的精華，口感又脆又軟，層次十足再嚟一個叉燒薑葱撈麵，叉燒軟林，麵條爽口，蠔油鮑汁夠惹味，雖然好飽但都清晒最後最後的甜點品，一定要食埋，清香竹葉角拼新疆紅棗糕，用竹葉包着的糯米團配上紅豆餡，既清新又香甜又軟糯，紅棗糕有濃濃的紅棗濃甜味，加上淡淡的薑味，的確一流。呢個套餐真係極飽…查看更多

銅鑼灣必食魚生丼係銅鑼灣返工實會去渣甸街搵食，經過亨環見到家賀屋嘅宣傳牌，見佢啲lunch set好多選擇，一於上去試試。佢嘅午巿餐牌有超過35款食品，大部分都係魚生丼，我就叫咗特選海鮮丼定食，同事就叫咗特盛山椒鰻魚丼定食。每set定食都有沙律、茶碗蒸同埋麵豉湯。鰻魚丼係二重鰻，即係有2大條鰻魚，巨量鰻魚鋪係飯面好震撼，鰻魚係蒲燒，燒得好香口，熱辣辣香噴噴，鰻魚又肥又厚，令人食指大動😋特選海鮮丼有12款刺身，有三文魚、吞拿魚赤身、鯛魚、拖羅、赤貝、醬漬鮑魚、海膽、魚子、吞拿魚蓉及赤蝦等。魚生新鮮鮮甜，質量好，底下嘅飯係赤醋米，調味溫和，帶有醋香，仲有少少飯素增添口感同層次。整體食品高質，服務殷勤有禮，坐得又舒適，值得一試👍…查看更多

同事帶我去新鋪mamaday黎個chill lunch ,佢啲西餐一向有保證，搬咗水準仍然維持到。2個人叫咗2個set lunch，波士頓龍蝦此大利飯及美國安格斯牛扒配黑松露薯蓉。波士頓龍蝦用咗芝士焗，再加埋龍蝦汁煮意大利飯，又香又濃，龍蝦亦結實鮮味。牛扒七成熟，大大塊，最驚喜係薯蓉份量同牛扒一樣大，好想黑松露味，好滑好creamy。再加咗份微辣雞翼同大阪鱆魚丸子，都好惹味。餐飲就叫咗杯薑蜜菊花茶同山楂玫瑰花茶，如果香得嚟帶少少甜味。套餐最後可以加錢叫甜品，叫咗個焦糖比利時窩芙原來真係有一塊塊嘅焦糖脆餅，窩芙鬆軟，仲有藍色海鹽雪糕，食完真係好滿足！…查看更多

好耐無去歎茶食下一盅兩件難得有朋友都喜愛嘆茶，不如去食如心酒店嘅阿翁小館。阿翁鮑魚本身都好出名，原來佢哋嘅點心都幾高質。小館裝修雅致，我哋點左安蝦鹹水角，蜂巢荔芋角，蟹王燒賣仔，瑤柱珍珠雞，金錢肚同埋叉燒飽。每款點心都係新鮮即做，特別係鹹水角個皮，外脆內軟，個餡料同平時食嘅唔一樣。再要讚一讚個珍珠雞，內面勁多瑤柱絲，仲有個咸蛋黃仔，味道重瑤柱味道，十分特別。嘆茶嘅精髓係茶，佢哋嘅香片茶葉真係好清香撲鼻，剩係飲茶都值回票價啦！…查看更多

最潮露營風-我愛慢煮第一次嚟露營風餐廳，裝修好用心，用上露營桌椅、帳篷、戶外燈，餐具都走野外用餐風格，未食已勁有風味。見佢有個二人餐，唔洗諗最方便。頭盤有蕃茄濃湯配牛角包，同埋慢煮溫泉蛋牛油果沙律。蕃茄湯都幾濃郁，牛角包鬆軟，牛油果沙律勁大碟，同散叫份量一樣，好抵食。然後有小食籃：芝士條、炸雞軟骨、炸單骨雞翼。呢個小食一啲都唔小，2個人都食唔晒，每款有4-5件，炸得香脆，又不會過乾，配上醬汁，味道不錯。主菜係榖飼安格斯西冷8安士，另外加咗份原條豬肋骨（半份）。西冷軟嫩有肉汁，牛味濃，有咬口，夠大份。豬肋條好冧，肥瘦均勻，豬肉用叉就可以離骨，醬汁豐厚惹味，不錯。套餐仲有個黑松露芝士通心粉，好大碟，黑松露味好香，芝士香軟拉絲，真係通心粉嘅絕配，不過食咗咁多肉，真係好飽，最終食唔晒。套餐有餐飲，係凍水果茶，有荔枝味，不太甜，好清新。最後吃埋甜品：雲尼拿雪糕配提拉米蘇，真係十分之滿足呀！…查看更多