Rainbow小姐的個人專頁

中午2點左右來到千色, 朋友突然好想食拉麵, 所以就上左3樓既別府拉麵...點知門口好多人呀, 等左一陣先有得入坐低左, 我就叫左午餐的雞扒便當, 估唔到又幾豐富喎! 雞扒燒得香口又唔乾, 三文魚刺身大大片好滿足, 下次可以encore朋友就叫左血池地獄拉麵, 餐牌封面同實物一樣, 有4塊大大塊的叉燒, 半肥瘦望落幾吸引 拉麵夠熱, 讚!食飽飽又可以繼續行街啦~ …查看更多

都有一排冇去食buffet，喺心思思嘅情況下就打算搵間平平地嘅食。結果揀左逸東酒店，星期四都係$478，用openrice coupon六五折左加埋一都只係$358，平到喊咩料！有生蠔龍蝦仔長腳蟹同其他海鮮刺身，我覺得都算多款，同埋好鍾意佢有幾多款沙律，個人黎講好buy。熱食選擇雖然唔係好多，但味道都可以，特別係咖哩，好出色，好食過出面好多專食咖哩嘅地方，仲有佢呢期主打海鮮主題，有粉絲炒蟹、法國海鮮湯、白酒青口同埋軟殼蟹沙律咁都好好食！甜品就基本啦，選擇唔算少，味道OK，其實我都係focus喺個movenpick車！有成11款咁多，我chur盡食左6款，超滿足！結論係，我覺得呢個價錢食呢個質素嘅食物我一定會再黎！下次同媽媽黎再戰！…查看更多

今次到逸東酒店T Bar係應朋友之約，試下佢個下午茶。喺酒吧食afternoon tea ? 冇錯，我初時聽都以為朋友講錯，但原來真係有(佢同事試過)，好啦既然佢咁有興致咁一於去試下，其實本人已經有成年冇試過去酒店食afternoon tea set，今次見佢平平地就試下啦！當日都唔係太多人，可能因為係平日，環境都幾舒適，感覺唔錯！嗌左一個二人afternoon tea set，個樣都ok啦，當然俾得呢個價唔好expect會係超華麗精美。加$20有花茶，試左個荔枝薄荷茶，幾特別所以想試下，味道幾清新，但如果荔枝味再多返少少就更好喇！其實佢呢個以花做主題嘅下午茶都算有心思嘅，每樣item味道都ok，我自己特別欣賞個薰衣草三文魚醬三文治卷同埋個玫瑰忌廉！都係嗰句啦，以呢個價錢 ($268 /2人用) ，有呢D食物同環境，我覺得都值嘅，尤其環境十分舒適，絕對可以過一個愉快嘅下午！…查看更多

正所謂新一年新開始，要食D新野迎接下2017年嘅來臨！於是黎左試下日式新年便當盒，佢有個好靚嘅名，叫「正月御節料理」。以前都聽過日本人新年係會食呢D便當盒做意頭食品，有團圓嘅吉祥寓意，迎接新一年，亦都知道有D日本餐廳或者酒店會做，但價錢就並不是個個接受到，郁D都可能要$600-$1000一個，所以就一直都冇試過。直到今年見到Yagura有做，仲要只係$188一個，咁真係冇辦法唔試下喇！其實成個便當盒都勁大堆頭，有蝦、栗子、黑豆、伊達卷、紅白魚板、燒三文魚、魚生飯、沙律等等其他，仲有個金箔蘿蔔花湯，入面有金箔粉，一搞起個湯就閃閃下咁，感覺幾矜貴，不過影相就冇睇得咁清楚所以冇影到 XDDD其實overall每樣食物都不俗，味道同新鮮程度都唔錯，最欣賞係個燒三文魚，燒得好香；可惜係栗子偏硬，食落口感一般.....不過以呢個價錢，有咁大堆頭同咁精緻嘅新年便當盒，一攞上黎我地個個都嘩左聲，無疑係非常吸睛，都值回票價嘅，可以一試！…查看更多

睇左d食評先上去megabox食, 有晒心理準備架啦...不過其實冇大家講到咁難食, 幫鳴門平反下先(有圖為證!)7點幾鐘上到去, 都未係好多人, 唔洗等直入~招呼ok啦, 起碼有禮貌, 加茶o個d都自動自覺啦!食物方面, 點左刺身, 壽司, 拉麵同牛仔骨整體黎講都好好食, 係偏咸左少少, 同埋D WASABI一舊舊....好似唔好新鮮...其他的好OK~P.S. 岩岩新裝修左, 光猛左又好似清楚左, OK喎, 俾多次機會人地啦, 咪成日得個踩字~…查看更多

上網搵食, 見呢度評語不錯, 應該無衰啦掛...點知....7點鐘左右到達, 得返一張對住廚房的卡位, 要睇住佢地個烏烏糟糟的廚房食野, 又不停咁倒d烏糟水....都咪話食得落...我同朋友, 一個叫鐵板牛一個叫鐵板羊...先到的係餐湯同餐包, 餐湯夠熱, 足料一都ok, 餐包亦不錯, 新鮮但主菜一出.....一個牛一個羊, 都被梳打粉"la"到冇晒味, 完全唔知邊舊係牛邊舊係羊!! 得個咸字....同埋好多好多味精!! 食完一陣已經覺得好好好好好口渴....飲完成支茶, 返到屋企都仲係渴....可想而之!!如果大家唔想食梳打粉肉, 我推薦另一間太子道西的名寶石, 個度起碼"牛有牛味, 羊有羊味"樓下的食家講得岩, 呢度係梳打粉x 10000, 咁都有人話好食, 唔通你地覺得豬牛羊冇味都無問題??奇怪!!…查看更多

這裡的午餐的確抵食, portion跟晚市的散叫差不多, 而且水準亦一樣, 不會"平野無好", 所以每次來都要等位, 雖然好多人, 但都食得過...都係最好訂定位先啦...…查看更多

呢度的cube形蒜蓉包出名好食, 四面都塗有蒜蓉, 新鮮時很好食,可惜放耐了會很硬....另外值得一讚是餐具設計顯心思,環境舒適,清潔…查看更多

突然想起要俾返個"笑臉"一門...太耐之前食啦...唔係好記得食了什麼...大概係:南瓜雞肉: 因為自己鐘意食南瓜, 所以覺得呢個超正, 南瓜泥好有南瓜味, 甜甜地仲有一樣係用煎薄餅包住的壽司, 好好食...其他的都唔記得了, 純粹為了補返個"笑" :->…查看更多

如果到TST食日本野, 通常都會諗起火間土...環境OK, 有間房有PRIVACY, 食物OK, 款式多, 水準又保持到!不過唯一唔好的地方就是有限時, 次次都要睇住隻裱食飯....唔鐘意呀...連食飯都要有壓力>.<…查看更多

Mr Jefrey遠道而來, 卻說要吃西餐, 奇怪, 來香港不吃點地道的東西, 卻到蘭桂坊吃西餐...=_="anyway!因為Mr J要東逛西逛....結果要10點才有時間吃晚餐...餓得我...死死下...2人點了Pork loin及炸豬手餐...pork loin肉質好像"梅"...不過芝士sauce很不錯!炸豬手好乾呀! 炸得像石頭一樣.....吃完後胃痛了一整晚!Mr J說跟餐的德國酸菜不夠酸...(我未吃過, 不知道) 另外有幾粒小小cabbage...很甜, 不過煮得過熟...其實來這裡志在喝酒而已...對食物不必要求太高...下次應該早點吃晚餐!…查看更多

話說石磨坊基本上係我來旺角必吃的店, 今次亦不例外, 不過癟冇點我平時食開的糊類...點左個奶皇燉奶唔...燉奶基本上係ok, 但唔燧好夠熱..."pat"奶皇勁難食....唔係奶皇味, 又唔知係咩味.....成舊冇食到!食左朋友的芝麻湯丸...我估係交貨來的...唔好食...唉...點解大部分甜品鋪的湯丸都係交貨架, 有冇人可以話我知邊度仲有自家制湯丸食?…查看更多

一行四人為左同Madam Wong食飯, 揀左佢黎來既呢間餐廳, 無他, 因為: 平!咁阿madam又遲到, 我地先點三文魚&劍魚腩刺身, 以$25一客, 又真係幾抵...劍魚腩普普通通, $45好細塊...唔recommand...之後點左d壽司,和牛壽司啦, 鰻魚壽司啦, 甜蝦壽司啦...等等等等...和牛壽司好一般, 太乾啦! 又薄又冇味!鰻魚壽司超難食, 一陣怪味, 我咁大個都未食過咁難食的鰻魚, 真係忍唔住吐出黎!仲有點其他小食同鍋物...但水準一般...埋單每人$110, 只可以講句...係好平, 但唔好食唔知點解咁多人排隊?P.S.服務好唔得! 除了估計是老闆&老闆娘個位以外, 其他人好似HEA住HEA住咁...!…查看更多

五點幾鐘踩完單車就黎左呢度食飯...因為未有煲仔飯住, 所以就叫左牛筋,蟹粥同X燒腸先~唔知係咪太餓的關係, 覺得D野真係好好食呀~~~牛筋好夠味~~~蟹粥勁甜~~~X燒腸好滑好足料呀~~~一夠6點即叫煲仔飯, 1.白鱔煲, 2. 公司煲連D飯焦都特別好味....!雖然好飽...但臨走都仲要食多個炸兩....傻左呀我地~~食咁多野~~~~~一次半次好啦...如果唔係踩幾耐單車都冇用呀...XD…查看更多

行完山很完全唔知食咩好...所以就黎左石崗...以前在元朗讀書時常來此店食LUNCH...咁多年冇黎見佢都冇咩加價喎...唔想煩, 叫了個2人餐, 份量都幾足...其實成個餐我只鐘意食佢個NAAN餅...咖哩嘛...咦, 都唔係幾辣, 我一向怕辣都食到(唔知係好事OR壊事?)埋單百幾蚊FOR 2(多謝羅生^^), 價錢OK...…查看更多