ceci8的個人專頁

有朋友介紹話呢一間可以食到糖滷肉。但可惜我去嘅時候唔係下午，冇得叫午餐，得一個人又食唔晒一大碟，所以就冇叫，唯有下次再試。叫左我最鍾意食嘅辣海鮮湯麵。都好多海鮮，又有魷魚，蜆，蝦。湯底都好濃味，唔算話好辣。但煮好上菜嘅時候係勁熱辣辣，都感覺到嗰個鑊氣去炒啲海鮮。不過似乎落咗好多味精，因為我食完之後口渴咗好耐。之後仲叫咗一個蒸鮮肉餃估唔到同菜單一樣有咁多件。我仲以為佢應該淨係比四，五件我。點知$58有成八舊價錢仲平過超市買。都係正常甜甜地嘅韓式蒸餃，冇咩特別，不過都算好味。總結呢一餐都食得開心嘅下次一定要試吓嗰個糖滷肉，真係唔見香港有邊間餐廳有得食。…查看更多

一直都想食好耐，見到youtube 仲有個channel 會一直影住佢開檔。見最近馬田去左食，都幾好評，就終於的起心肝去！星期六，今日落大雨，12點前已到，但都係好多人。由排隊落單到有得食都搞成5個字，不過食碗麵就3個字搞掂😂環境都乾淨既，仲要落雨 佢地都一直有人狂拖地。我叫左魚餅，蘿蔔，牛腸，豬腸。成碗個湯底都好清，食牛腸同豬腸會食得到佢本身嘅味道。牛腸好爽，豬腸就幾重豬味，兩者都已經去晒啲脂肪，成件事唔肥膩。 我平時就鍾意食肥豬大腸，所以今次會覺得牛腸好味啲。蘿蔔好清甜冇渣。魚餅就好似大家都會叫嘅，其實同普通鯪魚肉差唔多，不過都好味。米粉底，我明點解有comment 話太淋。唔會爽身，但我又唔覺太淋，都好味既。四餸，叫多杯檸茶，total $57。所有野都好味，但你話係唔係會成日掛住既味道，就未必係。好味既車仔麵囉。…查看更多

用外賣app叫外賣，今日想食生牛肉湯河。佢有河粉 檬粉 金邊粉 選擇。其實我唔知金邊粉同河粉有咩分別，諗住金邊粉只係幼身既河粉，就叫左黎試下。一食 到d 金邊粉好硬身，完全冇食牛河果個軟滑感。然後再飲啖湯，冇味既。我即刻上openrice 望下d 人comment 話咩清甜，真係清甜架，清到好似水咁。平時食開第二間係可以不停一啖接一啖咁齋飲啲湯，依間真係飲左2啖湯，食左2啖麵，完全已經唔想再食成碗掉左。然後亦唔去講d 湯唔夠熱搞到我d 牛仲好生 (佢已經有煮左少少，不過我覺得可以再熟d d, 始終放賣d 湯唔保證仲keep 到好熱）…查看更多

好開心Beans 終於開返間港式茶餐廳平時食西餐 有時都想食下茶餐廳太興 香港地日日都排長龍荳子冰室一開 即刻搞到隔離太興都冇人 開咗幾日 差唔多咩時段落去都好多人排隊諗住叫個菠蘿油+茶走會好快搞掂，點知都等咗成15分鐘都預咗啱啱開要等耐啲，同啲員工未係好熟手，落order都搞咗一陣講返啲嘢食先唔知係咪因為個菠蘿包唔係新鮮出爐，所以食起嚟個包唔係好鬆軟有啲硬。牛油咁放係幾靚不過食起上嚟有啲論盡！我唔係專業奶茶品評師，杯茶走我就幾滿意等遲d 少d 人再試其他野啦…查看更多

有時想同屋企人飲茶，但要搵間良店都真係幾難。星期日黎左依間，勁多人排隊，好彩等左半個鐘左右就入得去。本身都唔諗住打食評，所以一開始冇影相😅但食食下真係覺得好高質，忍唔到要打好評 haha叫左好幾樣野食都好好味😋😋😋價錢又平！♥️比平時大粒好多既蝦餃燒賣！ <好好味！必食> ♥️北菇滑雞飯 <雞件又滑又大件 ！必食>👾香辣三寶豬皮蘿蔔魚蛋 <一般，個湯底普通>♥️甜奶炸饅頭 <正正～必食>♥️沙律什果鮮蝦雲吞 <炸雲吞好味，什果沙律就平時食果種>♥️四寶雞扎 <ok>…查看更多

黑糖珍奶開到周圍都係但我唔鍾意飲奶既真係冇咩選擇今日試左依一間，叫左個黑糖珍珠烏龍奶茶 微糖 少冰 少奶佢有d 黑糖紋掛杯叫左少奶既關係 飲落去 茶味好出有d 店既黑糖珍珠冇得較糖度，估唔到依間都俾到微糖我，飲起上黎甜度岩岩好，唔會好甜。飲落一d 罪惡感都冇！珍珠都彈牙，唔錯，但佢唔係岩岩煮好熱既珍珠，食起上黎有微微既黑糖味我記得好耐之前第一次飲幸福堂既黑糖珍珠有好大驚喜，但反而依間就覺得普通。遲d 飲哂咁多間再黎一次比較啦…查看更多

有friend介紹話呢間嘅Afternoon tea幾好味，就book咗同屋企人慶祝生日一齊食。我哋總共有四個人所以分別叫咗兩個唔同嘅set一個係佢地平時既tea, 另一個係Botanical首先上嘅係兩款曲奇， 加四舊scone曲奇味道唔錯，scone 我見好似係有三款味，原味，蘋果肉桂，芝麻。因為冇影到menu, 唔知有冇錯。佢再配cream 同 果醬，但食落普通😢tea set 有2層既平時regular 果款Botanical 我主要食Botanical 果set, 基本上樣樣野都麻麻地好味，甜食嗰啲仲要勁甜。😞😞而且一開始scone & cookies 份量太多，好快勁飽食唔哂。好彩有用openrice 優惠，唔係真係有d 肉赤。應該唔會再黎食。值得一讚係d 人既服務態度既好。但我一開始已經訂枱時提左有人生日，佢話會有個生日牌，但都冇咗件事😭😭…查看更多

因為疫情嘅關係好耐冇出過街食飯，今日就早少少6:00過嚟。依間野平時好多人排隊，今日未夠6:30已經差唔多坐滿。😲😲😲叫咗幾樣嘢食，其實間野都偏貴，唔敢叫得太多。首先上嚟嘅豬肉味增湯，但個湯偏淡冇乜味😞再黎串燒牛舌！牛舌燒得啱啱好好，好軟身，調味亦都好好，超級好味！串燒雞皮燒得好脆口，但略嫌乾左少少。串燒鰻魚都有太乾身既問題，大舊既就岩岩好，外脆內軟，但細舊肉嘅話就有d 乾，不過都ok 既！仲叫咗一個辣嘅美人鍋，平時去開x田農場會有人幫你睇住個鍋，話你知幾時食得。所以我慣咗以為依間都會係，點知煮到熟晒我哋先發覺唔會有人提。搞到有啲overcook 左😂😂😂個鍋其實冇乜辣味，我覺得可以再辣少少。個湯底好濃好好味，雞就俾我哋煮到鞋哂，下次真係要記得自己睇火😂😂兩個人食咗五百幾蚊都食得算飽😋😋😋…查看更多

對PizzaExpress未吃前的印象是又貴又不好吃。因為記得情人節2人餐要每人$300。而且每次都多到有很多空位..(眼看對面simplylife排隊的長龍)朋友生日，她提議到這間吃。終於有得一嘗盧山真面目。細看之下，原來我之前怪錯了它。平日晚餐都會有：２人餐，４人餐和６人餐選擇。價錢分別是：$288, $388, $588。2人餐包括: salad，麵包，pizza/pasta，2 drinks。而4人餐就有salad，麵包，pizza，pasta， 4 drinks。(sorry，沒有留意6人餐)除了麵包只有: 蒜蓉包和焗麵包球選擇外，其他的都有很多選擇，十分好！下次可以選擇其他菜式，應該要花很多時間才可以全部試一次呢～…查看更多