sakoxblu.foodie的個人專頁

行過見到呢間專食漢堡扒嘅餐廳，抱住「試吓新嘢」嘅心態就坐低咗。餐廳嘅座位分開兩邊，每邊都係一張圓枱圍住個爐，有少少似鐵板燒，不過個煮食位離得比較遠，冇咩互動感。 餐牌方面，主食嘅和牛漢堡套餐都有兩塊100g嘅漢堡扒，跟白飯、麵豉湯、泡菜同日本蛋。唔同套餐嘅醬汁唔一樣，所以價錢都有分別。最近做緊期間限定嘅豚雞漢堡，不過我哋專登為咗牛而來，就冇試到啦～除咗主食，仲有幾款小食同飲品可以單點。 ———————— 🐮原味 x 微辛蕃茄汁🍅🌶️北海道和牛漢堡套餐 $93評分：3/5 原味可以試到塊扒最原始嘅味道～偏鹹 牛味唔突出，又唔夠juicy，肉質比起平時食開嘅burger嗰啲鬆散啲蕃茄汁辣得嚟帶酸，同平時食開嘅辣蕃茄汁好唔同 🦈覺得有啲怪怪哋 🍄‍🟫黑松露忌廉汁 x 甜洋蔥燒汁🧅北海道和牛漢堡套餐 $118 評分：3.5/5 黑松露汁淋面仲加咗少少黑松露油，算係有心思～咁多款醬汁入面最欣賞呢個，🐳🦈都覺得唔錯～ 不過燒汁嘅甜度完全蓋過咗肉味，雖然塊肉本身都冇咩肉味可言......撈飯係幾好食嘅，但成塊扒浸住啲汁就真係too much喇🥲 📝**鯨鯊後記** 明明見到好多like，又有其他foodie推介，點知今次中伏🥲🥲 究竟係我唔好彩定係......🙈 寫明用北海道和牛，但個味道真係有啲失望，醬汁好過塊肉呢下真係嘥咗😕 中伏指數：🚁🚁…查看更多

一入餐廳要先揀餐刀再入座，8款刀各有特色，今次🦈揀咗1號🐳就揀咗8號。晚餐只有一個menu包4個course：前菜、牛扒、意粉同甜品。牛扒方面可以揀前腰脊、肉眼，亦可以加錢轉和牛。意粉方面則提供5款意粉同6款醬汁自由配搭。大約每20分鐘就會有店員敲鐘叫「Pasta Time～」然後捧住新鮮出爐的意粉問你試唔試，出嚟嘅組合，未必喺menu度有，有驚喜呀🤤大食的我地當然無放過任何一款～計埋自選個2款，足足食咗7款意粉。最後個甜品係tiramisu，店員會𢳂一羹放喺碟上，再即場刨朱古力碎上去🤤🤤不過甜品重cream，味道不過不失啦～晚餐 $388———🥗前菜：2.5/5🐳表示唔識欣賞幾款蕃茄放埋一齊的前菜，除咗話清新都唔知講咩好，🦈表示有菜食就好開心，幾乎食哂兩碟前菜😙———🥩牛扒：5/5我地都揀咗肉眼，5成熟，簡單用鹽同黑椒調味，肉質好嫩又多汁，不過把刀儀式感大過實際用途，下次可能要試吓其他款？———🍝意粉：4/5Freeflow係開心嘅，好少機會一餐食咁多澱粉質🤣🦈揀咗Mezzi Rigatoni w/ Quattro Formaggi Sauce ，但上菜時唔夠熱，芝士變到好稠身，仲有啲偏鹹。🐳揀咗Pappardelle w/ Spicy Arrabbiata Sauce，比想像中辣但辣得好過癮好開胃😆———🍰甜品：4/5Tiramisu唔會太甜，但cream太多有少少膩。現刨朱古力碎比普通灑上可可粉特別，視覺同味覺上都加分😆———————————————📝鯨鯊後記呢間餐廳好適合慶祝特別日子，我地食緊個陣見到有3枱人慶生🤣店員會捧住個蛋糕過黎同你唱生日歌，幾有氣氛～而我地慶祝紀念日的就有杯裝Tiramisu🦈認為呢杯tiramisu好食過佢𢳂個個😂出左門口才發現原來lunch menu的意粉有其他配搭，搵日放假黎試😆回頭指數：😋😋😋😋😋…查看更多

身為牛舌愛好者，去深水埗食晚飯的話，自然會想起這間牛舌專門店。餐廳以牛舌為主打，更細分三個部位：牛舌芯，牛舌尖同牛舌筋，不同部位的烹調手法略有不同。如果想一次過食盡三個部位，首推三重牛舌御重盒😋，若想淺嚐牛舌風味，亦可選擇搭配以牛舌尖配搭其他肉類，如牛肉、豬肉或雞肉。菜式均為單點形式，若選擇鐵板系列則不附白飯，需加$28升級套餐才有。至於其他品項，則可加$18升級套餐，有沙律🥗、湯品🥣及罐裝飲品🥤。值得一提的是，湯品並非日式味噌湯，而是「牛舌洋蔥湯」，湯清甜且洋蔥份量十足，大推！😍 --- 鐵板系列 🐮安格斯牛板腱配牛舌尖 套餐$146 評分：4/5 牛板腱肉質多汁軟嫩，牛味濃郁。鐵板以洋蔥鋪底，充分吸收肉汁精華，鍾意洋蔥的朋友必試。 --- 御·重盒系列 🐷 伊比利亞梅頭配牛舌尖 $103 評分：4/5 豬梅頭厚度十足且鮮嫩多汁，唯略嫌調味稍鹹。牛舌尖表面看似乾燥，但入口極為軟嫩，好入味！———————————————📝鯨鯊後記原本🦈想食「薄燒牛舌溫泉蛋丼」，可惜已售罄⋯⋯轉而選擇「御·重盒系列」時，連「惠比壽雞扒配牛舌尖」也賣晒了（🥹下次要早啲黎喇）。最終點了「伊比利亞梅頭配牛舌尖」。 回頭指數：😋😋😋😋#sakoxblu_foodie #foodie #hongkong #foodblogger #深水埗 #GYUTOWN #牛舌 #牛舌尖 #牛舌芯 …查看更多