FoodieHkgirl_C 的個人專頁

今日相約左朋友係紅煮意食飯,係網上見到大多數都係正評,所以即管黎試一試~地址都唔算難搵既~係警局斜對面就係啦.... 加$18可以跟餐湯同包,不過個人覺得如果個包可以轉做軟林林既包反而同個湯夾D...小食叫左瑞士汁雞奕,有瑞士汁外,仲加左蜜糖,甜甜地又唔會覆蓋左D汁,令到我同朋友都食到唔停口...主菜叫左BB豬仔骨,哩個等候時間比較耐D,不過好食就得啦~~再黎叫左個卡邦尼意粉,雖然係簡單野,不過有時就係簡單既野先考廚師既技巧,個人覺得煮得好好食呀~最後,當然唔會小得食甜品啦~甜品可以話係女人既第2個胃黎ga  ma~哩個朱古力布甸真心推介大家一家要食,當你食第一啖落口已經係覺得好滑,好重朱古力味,加上雲哩那雪糕,整體好match~…查看更多

無意之中經過哩間食店,原來係食漢堡包,作為Burger控既我當然要去試一試啦~小店外面貼住好大張既POSTER寫住即叫即整,更加吸引我,所以即刻叫左個磨菇芝士牛肉漢堡,等左10分鐘左右就有得食啦.....我係超級鐘意食哩個漢堡呀,因為食得出係新鮮既食材係裡面~~問左老闆,佢話日日都會去格離肉店買新鮮既肉,食左第一啖就好想斷續咬,而且的確係好新鮮,加上牛肉係手打牛肉,食得出唔係平時快餐店好實果D肉,又有肉汁,真係好Juicy.....牛肉新鮮之外,蕃茄同埋菜都食得出都好Fresh.....真心推介比朋友~~!!!哩到除左可以單叫之外$3X , 奕可以加錢跟餐配野飲同波浪薯條架,哩個價錢食到哩個質數既漢堡真心覺得抵!唯一要數既缺點就係哩間鋪頭比較細,又近馬路,只有店外幾張登可以坐la......不過我下次都會再黎幫襯架~^^夜晚睇TVB電視既馬家開飯都有介紹哩間小店,雖然開心見到有人幫忙介紹,但我相信之後想食一定會排隊La......…查看更多

今日去咗元朗當然不忙搵下有咩食啦， 突然俾我醒起有間潮州店食腸粉好出名， 而且仲拎過米芝蓮嘅 所以決定試一試佢。 搵餐廳期間我哋搵唔到條路， 所以決定打電話去問一問， 點知原來老闆同我講佢哋已經收咗工，(心諗，唔係掛，專登過黎食唔到😢）， 正當我哋有啲失望嘅時候， 餐廳老闆同我哋講等埋我哋先收工呀! 仲教埋我哋點樣行過嚟會容易啲!覺得只係小店先會咁好。去到餐廳老闆依然笑容好好，好熱情招待並冇黑面， 十分抵讚👍首先試一試佢嘅#潮州式腸粉食起上嚟個腸粉皮好滑，裡面有好多配料有生菜芽菜仔魷魚，個感覺食起上嚟有啲似台灣嘅阿仔煎不過係用左腸粉做皮， 而個獻汁就淡口咗少少啦， 不過如果你鍾意食淡口既其實ok嘅， 只不過我同我朋友都係重口味je haha😂😂再食左個 #紫菜蝦棗湯哩個紫菜棗湯係我嘅真心推介😋😋😋， 老闆話係把蝦肉同蝦膏人手剁打成棗ga, 再用上紫菜湯嚟煮， 口感好彈牙，好重蝦味呀， 同埋食得出好有鮮味!唔似平時喺其他地方食到既咁(梅)🤔炒粿汁哩間嘅粿汁係用米磨成漿再加番薯粉，切成粗粉條， 食落去口感好煙煙靭靭，不算太油膩， 不得不提裏面嘅配料用咗紮肉芽菜一齊炒， 呢度嘅扎肉都係好彈牙， 老闆話呢度嘅食材唔會係平時啲supplier到訂， 大部分都係潮州嘅鄉下攞返嚟或者手打， 所以冇加防腐劑㗎! 難怪哩到既蝦同埋紮肉都咁彈牙，咁爽口啦~最後老闆送咗個煎綠茶餅比我哋食哩度嘅甜品我覺得都唔差wor,起碼食起上嚟唔會太漏唔會太甜, 裡面好似仲加咗少少芋蓉， 綠茶味唔係太出， 但係食起上嚟整體個口感又好夾!😊我同朋友都話下次會再嚟幫襯, 因為真心覺得食起上嚟好開心同埋食到好有人情味…查看更多