Mandy Ching的個人專頁

今日同仔仔契女媽咪一齊遊樂園，我地兩個大人一致認為寧願價格貴些少都揾間舒服d嘅餐廳食lunch，就係甘就揀咗係呢度食午餐，其實呢間餐廳只係俾樂園其他食店貴少少咋，但就坐得舒服又有人服侍，食物味道可口又有兒童餐供應，滿足晒大人同細路嘅要求呀。…查看更多

是日亞妹請老豆食飯慶祝父親節，因信用咭有特價吃套餐，見餸菜幾吸引，所以決定幫襯下。食物味道水準一般，唯煮法較有驚喜和特式，值得一讚，不過價格略高，另環境舒適，服務也好。…查看更多

這日姨媽壽辰表哥他們係呢度設宴，之前都有光顧稻香其他分店吃晚飯，食物水準都令人滿意的，但是晚食呢餐晚宴就真係大失所望。先說頭盤乳豬，竟然得半隻乳豬伴海蜇，我甘大個女都係第一次見上碟得半隻乳豬，真係肉酸又失禮，不如直接整個乳豬併盤好過，跟着來的上湯焗龍蝦伊麵底，成碟像龍蝦湯伊麵那樣，有半碟湯甘滯味道也淡口，清蒸大海星直頭熟到爛，富貴脆皮雞又乾又鹹又嚡，連壽包竟然裏面得蓮蓉無蛋黃，成晚最好食既係尾聲既鴛鴦飯。還有那晚餸菜上檯速度極慢，差極。…查看更多

想食泰菜又不想走出銅鑼灣，多數會揀係南區唯一一間泰國菜館食，今晚一行五人又嚟食晚飯喇！今次我地點咗一個二至四人餐加點多幾味餸。食味如下：青檸梳打 ~ 酸咪咪醒神。燒鱔串 ~ 香脆惹味，唯分量略少。泰式酸辣無骨鳳爪 ~ 酸辣味適中又爽口。蒜容飽 ~ 香脆有蒜頭味。泰式豬頸肉 ~ 燒得較乾身，味道一般。明爐烏魚 ~ 湯底酸香味美，魚也有鮮味。黃咖哩羊 ~ 水汪汪淡而無味，羊肉沒有肉味，差極。原個菠蘿炒飯 ~ 分量多，炒飯軟硬度適中。蒜容炒菜 ~ 不太油清爽。生菜肉鬆包 ~ 只是得鹹味，一點辣味也沒有，攪錯。泰式甜品 ~ 椰汁西米糕好味，大菜糕難食。…查看更多

經常去香港仔舊街謝記食粉麵，呢日我地兩公婆又嚟食晏喇，今次我地淨係叫咗兩碗粉同炸腐皮卷，無叫到佢地既招牌炸魚片食，講開佢地既魚片，未食過的話真係要試下，有魚鮮味又爽口彈牙，唯魚片邊位較韌，另外魚皮雲吞同魚紥都好味，最like佢既皮面全用魚肉做成的，還有如多心想試多幾樣餸的話，可以叫他們的招牌雜河，甘就可以試齊佢地既出品。後記：可能我地常光顧總覺得佢地水準無以前甘好，味道好似差點點。…查看更多

這天去海洋公園玩，行完亞洲動物館剛巧係食晏時候，見順路就入去呢間餐廳試下。餐廳環境採用中式設計，古色幽雅，檯凳全是木製的，坐得不太舒適。食物方面有多國菜式選擇，但種類較少，可能新開關係吧。是日點選以下食物：蝦餃、叉燒飽、菜肉飽、煎餃&生煎飽 ~~點心整體味道拍得住出面酒樓同上海飯店既水準；日式叉燒拉麵 ~~不過不失也較普通；堂煎牛柳粒飯 ~~即時煎煮，牛柳粒煎得外脆內軟又入味，好味道；章魚雞粒煲仔飯 ~~好入味又有飯焦，雞肉腍滑又多，飯既軟硬度也適中。 總括而言食物味道好但價錢略貴，但以主題樂園餐廳計算還是ok的。…查看更多

與友人在荃灣辦事完畢，亂打亂碰下選擇了這間越式餐聽晚膳，估不到這裏的食物味道好又抵食，值得推介一下。普通餐室格局設於商場內，店員服務爽快，有多款套餐選擇，適合三心兩意又多心既我們，是晚我們點選了$118的二人套餐，包括越式蒸粉包、清炒時菜、咖哩雞煲伴蒜容包和特飲，另外再加一客蒜容牛油雞翼。越式蒸粉包.........包心配料豐富有少少辣，令本來淡淡我粉包變得惹味起來。清炒時菜.........一般清炒菜，不油膩。咖哩雞煲伴蒜容包(可跟飯)..........醬汁香濃惹味帶辣，伴蒜容包或白飯食一流。蒜容牛油雞翼..........濃濃的蒜容牛油香味，面脆脆的，不太油食多件也不覺滯。…查看更多

因家住海怡半島，因利乘便經常往商場開餐，今日我地兩仔乸都想食湯類麵食，一於食健康工房，價錢合理又好味還包涼茶一杯，湯底可選擇豬骨湯、蕃茄湯或麵豉湯，配料疏菜豐富，感覺較健康。今日午餐如下：仔仔揀咗 (五香牛腩麵) ~ 豬骨湯底，麵是日式拉麵，牛腩炆得入味又軟腍。我就揀咗 (香煎豬扒米) ~ 豬骨湯底，米粉超幼滑，豬扒煎得脆邊，肉也入味。是曰包餐涼茶係 (金橘薏米水) ~ 酸咪咪的薏米水。…查看更多

我覺得呢間食店真係好有進取心，不定期地加添新食品，進展到現在連飯都有得食，犀利。首先講粉麵，來貨是出名的有記供應，粉麵魚皮雲吞水餃魚肉春卷都水準中上，另有自家菜肉雲吞，大大粒菜多肉少，好味。(冬天可以買生的回家打邊爐，超正)另有各種小食供應：煎腸粉炒麵咖哩三寶燒賣沙薑雞腳生菜魚肉...........也有糖水炒粉麵和飯供應，真是應有盡有呢！美中不足嘅係店鋪的抽油煙設備較差，不論係裏面一分鐘或一句鐘，整個身上都會沾滿油煙味，每次食完也要即刻回家洗衫呀。…查看更多

根本上本人極之懷疑,之前所有讚賞該食店品質超越的食客係自已人所寫的,經本人及其家人(七人)試食後...差...差...差...只覺得極之差劣,除環境好\服務態度尚算ok外,就...唉..唉..唉！其實價餞並唔係一個問題,係值唔值囉！食物烹煮出嚟的結果實在令我地極之失望囉！海鮮上檯全是凍的，咕嚕肉的肉是梅的，木盆雞淡而無味，其餘的餸菜味道都是一般，價錢也頗貴。…查看更多

好耐無去意粉屋，見今個月老友生日兼路過見到呢度開咗間分店，一於book位食番餐。食物質素水準都ok，與其他意粉屋出入不大，至於環境可能新開不久，不用等位也較寧靜，位與位之間闊落坐得舒服，幾好hea。重有不得不提呢度最好既係服務態度，細心又殷勤，經理還不時詢問客人意見，令人感覺重視，很好呢！是晚點選菜式如下：芝士焗茄子 ~ 芝士汁creamy略嫌茄子太少。香蒜田螺煙肉伴薯容 ~ 香濃惹味，汁伴菠菜口感清爽。蒜容包 ~ 脆口但蒜味不足。黑椒蜜汁雞翼 ~ 面脆皮，蜜汁豐富，香甜味美。小食拼盤 ~ 包括腸仔、洋葱圈、雞翼、越式春卷&薯條，整體味道普通一般。美式肉醬意大利粉 ~ 麵質爽滑軟硬適中，肉醬香濃惹味。芝士雞肉闊麵 ~ 芝士汁相當creamy又濃香，好味。超級什錦Pizza ~ 一般。醬燒豬仔骨 ~ 香甜惹味，分量較大。朱古力溶岩蛋糕伴雪糕 ~ 蛋糕用上度數較高既朱古力做，食落不太甜兼有回甘，伴雪糕食一流。蜜桃批伴雪糕 ~ 批底鬆化，連雪糕同吃好味道。…查看更多

成日行過Time Square都想試下，但次次都係晚飯時候，今日見得閒一放去食番個lunch。因為香港地賣呢d食物既地方唔多，所以好少食呢類形食品，令人好有新鮮感。店鋪採用自坐買賣的，像快餐店那樣子。我和老公兩人共點了以下食品：斑蘭蛋糕 ~ ~ 超鬆軟，有蛋香有少少斑蘭葉香味。花生醬土司 ~ ~ 脆邊多士，醬有粒粒花生碎，花生味香濃。凍檸茶&薏米水 ~ ~ 凍檸茶一般，自家制薏米水飲得出用料足，啖啖都飲到溶唔晒既薏米。五香肉丁公仔麵 ~ ~ 麵不是出前一丁的，但麵質ok，一般既五香肉丁，蛋反而出奇好有蛋 味。(可以單點兩隻煎蛋 $6):星洲叻沙 ~ ~ 頗辣，湯底蝦味花生味香草味椰奶兼備，濃濃的，麵像米線似的，餸料只得魚片和豆腐卜，單溥了點，好在味道香濃可口，好味。…查看更多

因為鐘意食日式食品，所以我地經常去呢度開餐。呢日端午節當大家苦惱晚餐在那裏解決之際，老媽子第一時間就提意去食 "和民" 喇。其實數下數下我地平均一個月都嚟三、四次開餐喎，都可以話係我地既小飯堂呢！ 點解會like "和民" ~~最大原因係可以好興奮地叫到一滿檯嘢食，又唔怕食窮自己(價錢經濟)，又唔會食唔晒(分量適中)，味道又好好，真係好似出奇蛋甘一次過滿足晒三個願望呀！…查看更多

這晚為端午做節一家大小齊齊整整食餐飯。這間酒家中菜水準平均，質素好，價錢也合理，很適合喜歡吃傳統廣東菜的爸媽們。是晚餸菜如下：乳豬全體 ~~ 用coupon以三折換購的，乳豬皮香脆，肉嫩滑入味也沒有多餘肥膏。蒸海斑 ~~ 明碼實價，蒸煮時間準確，上枱時魚剛熟，魚肉墩滑不嚡口。椒鹽蝦 ~~ 香口又野味，蝦肉爽實。豉油王蝦 ~~ 豉油是辣味的，雖然同是用雪藏蝦，但這碟有數隻蝦肉梅梅的。蒜容粉絲蒸元貝 ~~ 抵食，元貝size頗大。燒乳鴿 ~~ 採用BB鴿，入味又唔油。黑椒炒雜菌 ~~ 與平常食的炒雜菌略有不同，有新鮮感。砵酒焗生蠔 ~~ 不像平常用煲上的，而是用錫紙一個個獨立包好焗成的，味道酸酸甜甜的， 好味道。德國鹹豬手煲 ~~ 鹹香野味，送飯一流。是晚還有三款糖水免費贈送：雪耳木瓜糖水、海帶綠豆沙、合桃露(糖水不太甜，又以合桃露最出色)…查看更多

5月份聚餐又係去呢間我們經常惠顧既酒家吃晚飯。是晚共點了六餸一湯：燉茶樹菇湯...............老火靚湯；湯甜又香濃。梅菜扣肉................一慣高水準；好出色。蛋香桂花翅.................蛋炒得略過火，有點嚡口。黃金雜菇炒翠肉瓜..............鹹香好味又唔油。農家特式窩飯...............蝦醬香味濃郁；大堆頭一窩飯。茄子梅菜蒸豆腐................驚喜之作，估不到這麼好味。得米鴨...............是日酒家特賣餸，雖然只是價值九元，但鴨肉無理味道，碗低還泡滿油似東西，看着也倒胃，難食得很。另外甜品杏仁茶香濃又不太甜；木瓜雪耳紅棗糖水就甜得緊要。…查看更多