FoodnTsui的個人專頁

今次試咗呢間九龍城新開嘅廚師發辦。一早預約再午餐omakase。去到叫咗$498號15貫壽司set。環境：裝修新淨，環境都舒適唔會嘈，可以好好享受美食。服務方面尚可，不過店員可能人手不足，茶冇晒都冇幫忙沖茶，而壽司師傅講解壽司方面亦顯得一般，未有詳細解說。食物：整體壽司質素不俗，刀工、擺盤、壽司飯軟硬、魚新鮮度都唔錯。但調味略為過重，掩蓋了魚生的鮮味，食完亦有口乾口渴。總括而言，質素尚可，但同價位應能找到更好選擇。…查看更多

環境：裝修靚，坐得舒服，餐廳採光度高，空間感唔錯，有陽光曬入黎嘅時候特別舒服。食物：餐廳主打fusion菜，好多菜式都好特別，本次試咗青咖哩青口，咖喱咪濃，青口都新鮮，不過就可以大隻d。之後係沙嗲醬薄餅，薄餅鬆軟，醬汁亦都香濃。跟住係黑椒烤雞扒意粉，雞扒香脆大件，不過稍微乾咗d。意粉出奇地炒得有鑊氣。最後叫咗個梳乎厘，超大個，食埋鬆軟，有蛋味，都出色。…查看更多

今日想食清d，所以就去咗試下食素食。呢間素食選擇好多，外型同味道都似出面嘅有肉菜式，啱d想試下食素食嘅人。環境：座位都坐得舒服，人唔算多，亦都唔會嘈，碗碟都乾淨。成間店都企理。食物：叫咗幾款野試下，蟹黃魚翅湯係南瓜湯黎，有d假蟹肉同魚翅，幾好飲。之後比較清淡嘅係唯山浸白菜。之後嘅沙嗲粉絲海鮮煲同羊茵豆腐就濃味d, 食落都好味同有驚喜。最後係黑松露海鮮炒飯，炒出黎估唔到咁有鑊氣。總括黎講，值得一試，唔食素食都可以黎試下，特別一提，店員哥哥服務周到同有禮貌，做野快手。…查看更多

環境：餐廳闊落，坐得舒服，仲有韓式座位選擇。因為新開碗碟、杯、茶壺都好新淨。食物：一黎會先上韓式泡菜前茶，有幾款出面都少食到、例如菇同薯仔。前菜味道正宗。之後叫咗三個菜，一個係燉牛仔骨，牛仔骨入味同軟熟，蘿白同其他配菜都好入味。值得推介。之後係海鮮豆腐鍋，味道少少地辣，另外都飲到鮮甜味，送飯一洗。最後係石頭拌飯。同出面食開既味道差唔多，石鍋夠熱食到香脆飯焦。…查看更多

想食清淡d,就去咗呢間粥店食。環境正常，坐得少少逼。食物方面，腸粉麻麻地，唔滑同同埋一夾就散，唔推介。另外，叫咗個糯米雞，睇落好大隻，不過打開入面就冇咩涵，得一條蠟腸同雞翼。粥就叫咗個蠔仔粥，粥黎講就唔錯，粥夠綿，蠔仔都夠味同多。…查看更多

今次黎食純壽司，主要係食熟食愛料理。壽司就淨係叫咗幾件，分別係火炙蟹柳、貝三點盛、特選三點盛、墨魚兩味。整體都新鮮，特別係d飯煮得好，粒粒分明，軟硬適中。之後就叫咗幾個熟食，明太子薯仔沙律、魚鮫、蟹肉湯飯、鐵板餃子。比較出色嘅係魚鮫，剪得好香，魚肉都鮮嫩。…查看更多

見到呢間新開車仔麵店就入去試下，入面因為新開裝修都靚仔乾淨，坐得舒服，車仔麵餸麵都多選擇。最後叫咗個沙嗲湯底試下，不過湯底唔算濃。餸就叫咗蝴蝶骨、流心蛋同豬手。每樣餸都平均，不過冇話邊樣特別好食。…查看更多

一朝早係尖沙咀食早餐，入咗呢間茶餐廳，叫咗兩個早餐，一個係鮑魚火腿通心粉，另一個係炸菜肉絲麵。兩款份量都大，炒蛋亦都滑，仲包咗烘底厚多士，整體黎講性價比高，食完實飽。…查看更多

環境：日式居酒屋裝修，環境乾淨，有兩層，座位都多，店員有禮貌。食物：叫咗推介嘅日式雞皮串同大蔥雞肉。雞皮串香脆有雞味，大蔥雞肉串肉質鮮嫩。之後係店長推介嘅左口魚卷。呢個出面比較少食到，長長嘅左口魚配一個酸酸地嘅汁同wasabi。食埋好新鮮，左口魚燒完淡淡油香。再之後係明太子三文魚石頭鍋飯，石頭鍋燒得唔夠熱，所以食唔到飯焦，不過明太子配三文鮮嘅味好夾好岩配飯食。最後係味土手蠔喎。蠔大隻新鮮，湯底清甜，配料足。總結：每款菜式都有中上水準，味道不俗，價錢亦合理，值得一試。…查看更多

環境：一般日本餐廳設計，不過座位有d逼，同隔離坐得比較近。傾計都會俾人聽到。食物：沙律叫咗八爪魚沙律，用咗醋做汁，份量都大，好多菜同八爪魚。食落都好新鮮。壽司叫咗個火炙set，整體都好新鮮，特別係食得出壽司飯有特別調配。之後到西京燒，肉質札實，食落甜甜地，值得一試。最後係味噌黑豚石鍋飯，一上台就好香，有飯焦加肉鮮嫩，暖粒粒好鬼好食。…查看更多

一個人去食嘉寶，好彩都唔洗排好耐就入到去。叫咗蘑菇芝士漢堡加薯條同可樂。個包大大件，漢堡多汁同個包鬆軟，味道一流。薯條亦都炸得香脆仲要好大份。整體性價比高，食完飽到嘔。…查看更多

呢間中環老店，最出名係食脆豬。今次叫咗檸蜜脆脆。一貫的好味，檸檬味出，包身好脆，冇咩邊到食到。蕃茄麵就有d失色，蕃茄係普通罐頭開出黎，冇咩味。叫咗牛肉亦麵冇咩味同煮得太熟。所以黎食就主要叫脆豬就可以。…查看更多

經過要醫肚，經過見到冇咩人就入去食下。呢間日本連鎖烏冬店，走自助模式，拎個盤去拎配菜加同員工講要咩烏冬。今次叫咗溫泉蛋湯烏冬，加天婦羅茄子加蟹柳，溫泉蛋熟度岩岩好，烏冬麵質爽彈。天婦羅新鮮炸起都香口好食。…查看更多

環境：環境乾淨，位置舒適，裝修都新淨。食物：收咗兩個點心，一個小菜，一個煲仔飯。兩個點心，一個鳳爪一個牛肚。味道一般，可能因為唔係專做點心。另外，一個小菜就係煲仔大鱔。呢到出名大鱔所以試下，大鱔味道唔錯，肉質彈牙冇骨。煲仔飯叫咗蒸蝦煲仔飯，蝦用蒜頭蒸，食到鮮味，肉都彈口。飯食到飯焦。煲夠熱，食落暖粒粒又香口。總結：味道不錯，不過偏咸少少，價錢亦都唔算抵。…查看更多

分別叫咗兩個餐。一個係親子丼，一個係壽司set。先講親子丼，份量好大，但係滑蛋沒有甜味，洋蔥亦都唔淋，雞肉都偏淡。整體好一般。另外個個壽司set。壽司飯好硬同埋壽司醋味。刺身亦都唔係幾新鮮，食唔到鮮甜。如果想大件夾抵食係可以一試，但係對食物有少少要求嘅都建議你唔洗黎食啦。…查看更多