岢弦的個人專頁

新嘅日式串燒店開業，當然就要去探店啦。探店當日係餐廳開業第三天，舖頭唔算大，座位大約16-20左右。舊式居酒屋裝修，店員們嘅親切有禮，帶俾客人溫馨小店嘅感覺。食物新鮮，有水準，食物選擇都算多，幸運嘅話，會有廚師是日推介食品。(因為可上載照片有限，未能盡錄)整體嚟講，係值得一試嘅餐廳，推介!!…查看更多

突襲式好友相聚，選擇咗去食日本餐。經朋友介紹，我哋選擇咗令和鍋物酒場（尖沙咀店）。當晚可能係星期一，又較早到達餐廳，所以walk-in都可以安排到舒服嘅卡位位置，正啊。餐廳店員數目唔多，但都好主動介紹食品及飲品，值得稱讚。因為店員嘅推介，我哋選擇咗幾款餐牌外嘅食品。總括嚟講，依間餐廳值得推介。…查看更多

真心話, 甜品味道不錯, 賣相亦吸引。值得大家一試。店內的服務員有禮貌, 亦平易近人。笑容滿面。值得一讚。唯獨門口女士(即收銀員, 有機會是該店老闆亦不足為奇), 明白貴店地方有限, 要在有限的地方, 賺取無限的金錢, 難免要客人接受較狹窄的地方。在香港用餐, 我完全明白店主的難處, 我亦不會故意去刁難店員, 但要六位成人及一名手抱嬰兒坐四人枱, 我們只是反映需要六人枱及只是查問是否很難安排, 回應的態度可否好一點, 我知道你們有很多客人光顧, 不愁沒生意。今日家人為我提前慶生, 飯後找到這小店享用甜品, 只想讓這晚的相聚更加圓滿。但就遇到不客氣的對待, 讓我受氣不要緊, 但最可惡的是讓我家人受氣。我發誓我一定不會再光顧。另外, 十分抱歉!! 6位成人只在貴店逗留30分鐘左右, 只享用了5個甜品, 每人只平均消費$50左右, 妨礙了貴店賺錢。…查看更多

經常都聽到男朋友介紹依間餐廳嘅食物, 今日終於可以有個好嘅理由, 約埋班同事去試吓, 慶祝中秋節之餘, 聯絡吓大家嘅感情。由於之前已聽過有咩食物好食, 所以都預先留咗三款食物, 其他食物就到店先點。我哋一行九人, 大約23:00先到達店舖, 店內依然熱鬧, 由於係節日嘅關係, 好多食材都已經售罄喇, 好彩我哋都仲有好嘢食, 全靠店員嘅幫助咋, 原本招牌鹹香雞已經售罄, 但店員為咗令我哋唔好失望, 主動到其他分店幫忙攞雞返嚟。佢哋真係好好啊。店內嘅員工每位都有禮貌, 而且風趣幽默, 令我哋有個愉快嘅宵夜時間。…查看更多