waisikbau的個人專頁

呢度環境好乾淨✨野食款式好多，有個3 Dish Curry Combo的任添套餐：包左15款入面自選的3款的咖哩🍛(任添)，巴基白飯(任添)🍚薄餅(任添)🫓，仲有好香味道好特別的咖哩玉米湯🌽，甜品奶凍🍮，芒果lassi 🥛，同埋奶茶☕️都只係$150💰，好豐富，店員好主動不時會過嚟問你加唔加添。塊薄餅新鮮出爐香脆，咖哩款式又多又香唔算太辣😋除咗呢個set之外，仲有其他set，或者單點選擇。唔洗擔心唔識叫野食，呢度個老闆廣東話，英文都好順利。menu又有齊中英對照喎。間餐廳係美麗都大廈二樓，由地下開始上兩層，沿途有清晰的易拉架指示，好易揾到👍🏻…查看更多

油麻地百老匯電影中心睇完戲🍿，想醫肚🎬。正打算在駿發花園閒逛個圈後，拐個彎出去彌敦道覓食之際，見到有間樓上餐廳放在樓梯口既餐牌。有單點主菜，可以改做套餐，又有小食甜品，看來有幾多選擇。呢到個環境好舒服，酒紅色既牆身上掛了個大提琴🎻，加上暗暗柔弱既燈光，感覺就好似一個小小既古典西餐廳咁🍽餐牌真係多選擇，素食也有自己一整版🥬🥒。吃肉的話🥩🥓，牛扒，雞扒，魚扒，豬仔骨，連fusion菜”北京填鴨”炒意粉都有。想食得豐富d，當然要叫set dinner啦，有餐，有湯🥣，有包🥖，有主菜🥘，又有野飲☕️。是日餐湯係南瓜濃湯。飲到有南瓜天然既微微甜味，又吃到有南瓜既蓉，上面仲有少少紫菜做點綴。餐包係塊蒜香牛油多士。雖然唔算非常脆身，但浸在南瓜濃湯中，更加可以吸收到湯汁👍🏻套餐點了個煙三文魚刁草汁露筍長通粉做主菜。因為餐廳既廚房係半開放式的，點菜後可以見到和嗅聞到廚師即刻幫你煮菜。感覺好特別，有點私房菜既感覺呢🥰🍝三文魚長通粉既麵身偏有咬口的，配上了的香菇忌廉汁，有少少既鹹味，因為它混上了香料，所以都帶有一點輕度既香辣。三文魚既份量適中，一片片彈牙的。通粉上放了的沙律菜和露荀，沾了鹹鹹的粉汁，有點令人聯想起沙律菜配芝士的合配。另外，單點了個比利時特濃朱古力焦糖布甸伴雪糕做dessert，令到整個晚餐變得更加豐富。這個甜品好特別，可以滿足到你唔同既甜味。它有好濃朱古力味既布甸🍮，咖啡味既雪糕🍨，一片片香甜既桃肉🍑，一羹可以吃齊三種味道，加上它搭配了蜂蜜糖漿🍯和薄荷葉既清香🌱，而且布甸還是有點黏著羹的，又唔會甜到膩，真係好吸引喔。入餐廳前，見到它門口寫著每逢星期六晚上七點半，都會有live band。可惜呢晚唔係星期六呢，否則live band加上這個咁舒服既環境，相信氣氛會更加好。…查看更多

呢間餐廳既晚市，單點野食同set dinner都有好多款可以揀。因為見set dinner有齊包，沙律，餐湯，主菜，甜品，餐飲，非常豐富，所以點左份Main Course係”BBQ汁燒原條西班牙黑毛豬豬肋骨”🍖的set dinner，而且還可以加點六隻雞翼，好正😋Daily soup🍲係蘑菇忌廉湯~吃到有粒粒蘑菇的，唔會係糊狀，係好香滑既濃湯Appertizer蒜蓉法包🍞🥖🥯，整得外邊脆脆的，內裡則能保留著包身既鬆軟。這樣，把它沾一沾湯時，包身能夠吸入更多湯汁，與包既蒜蓉混合中和，濃香且不膩。沙律都有三款咁多既選擇。點左個”巴馬火腿伴蜜瓜田園沙律🥗配無花果黑醋汁”。因為呢款配搭，算是比較少可以在其他餐廳的set中選擇到的，值得一點呢。果然，有香甜蜜瓜片配埋少少鹹的Parma ham，感覺好清新。黑醋汁可能因為有無花果，所以唔太酸，幾易入口。Main Course”BBQ汁燒原條西班牙黑毛豬豬肋骨”🍖🍖，餐店好體貼，可以只點半份的rib。上了菜發現真係好足秤，貨真價實，半份的份量也不少，女生食也很合適吖。Ribs的肉煮得不錯，肉質多汁唔老，好輕易就切到。加上塗左好味的BBQ汁，也不會太油。這碟ribs的配菜也不能被睇小，有輕輕烤過的小薯仔🥔和翠肉瓜🥒，實在是烤得太香又juicy，不禁把所有配菜都吃清光。不得不提跟餐加配了的”黑松露蜜糖雞翼”🍗🍗，做得非常出色。每隻雞翼肉質都好嫩滑，隻隻都被薄薄的蜜糖脆漿包圍著。黑松露味道唔算太重，不喜歡黑松露煤氣味的朋友也會愛上。甜甜蜜蜜的味道，加上輕輕的黑松露味，又有香烤的微焦香。從此看得出廚師的心思。最後上的Dessert🍰，也有不少選擇的。點了的藍莓芝士餅，口感很醇厚，混合只是微微酸的藍莓，完全不膩。整體而言，上菜速度是意想不到的非常快，這餐每道菜之間只是相隔了數分鐘的時間。服務員的反應也相當快，笑容又親切，好nice。這間餐店有部份同事為聾人和弱聽人士，餐店門前有塊板介紹了一些簡單應用的手語可以學習。不過，即使客人會不會用手語，都見到服務員們都很用心服務，完全無礙大家的溝通，很值得讚賞喔👏🏻…查看更多

之前星期六晚飯經過銅鑼灣登龍街，見到原來橫街既呢間餐廳係有幾間分店既The Point，就想一試。三個人點了三個菜share，凱撒沙律配煙三文魚，蟹肉白酒刁草紅胡椒天使麵，龍蝦Pizza~LOBSTER🦞。凱撒沙律🥗，不是有好多醬汁那種，但夠沾上每片菜葉，唔會適得其反，令人食落覺得健康的。佢仲落左好多脆口的麵包粒，舖上大片細片的芝士，咸香爽脆，口感豐富。配上的煙三文魚雖然只有兩三片，但也是大大片，厚厚肉的。蟹肉白酒刁草紅胡椒天使麵🍝，胡椒味只有很少，白酒也煮得揮發了酒味，僅剩餘香提起蟹肉的味。它放了很多一團團的蟹肉。吸一擔滑身的意粉入口時，也可以吃到微微的蟹肉清香。龍蝦Pizza🍕~LOBSTER🦞，是餐廳推介菜式之一。上菜看到實物，與Menu圖片一樣的，有大大隻龍蝦放了在Pizza上面。Pizza主要有水牛芝士和大大粒的車厘茄，做到有拉絲的效果，芝味甚濃，啱哂鐘意食芝士既你。有芝士既香滑口感之餘，一粒粒既車厘茄仲好juicy，唔酸的，怕酸既朋友都可以食到架😝。食完個pizza以為剩返得個龍蝦殻同少少蝦肉，怕麻煩唔想拆？咁就錯了，原來廚師已經好細心地拆好哂擔擔既龍蝦肉，填返入蝦殻裡，輕輕鬆鬆就可以食到。每碟菜都好足料，賣相又靚，打卡啱哂啦！…查看更多

上星期lunch去左Emax食蕃滿門，係一間食左幾次都會想encore既食店。點左”脆皮咸豬手配蕃茄湯螺絲粉”加餐飲熱咖啡。有唔同粉可以揀的，有意大利粉，螺絲粉，公仔麵，米線，飯，都唔洗另外加錢的。揀左螺絲粉，因為可以一擔就卷起埋d蕃茄湯汁一齊食😋。蕃茄湯底好濃，唔酸，而且有蕃茄肉同炒蛋起上面，感覺好足料😗。湯底可以揀原味唔辣，微辣，小辣，中辣，大辣，巴辣。唔太食得辣的人士，建議也可以選擇微辣，可增加湯底層次，但小辣就未必食到了😉。豬手🍖煎炸得外脆內軟，有厚厚既皮，好有膠質；肉燒得紅紅的，醃得咸咸的，夠入味。湯麵同配餸小菜是分開上的，保持到豬手既脆身，唔怕會被浸軟，好細心😂。…查看更多

早排趁天氣有少少涼，就同友人去左試網上煲仔飯排行榜推介之一的這間餐廳。點了個臘味排骨煲仔飯，和馬拉盞燒通菜。餐廳周圍、餐牌，佈置等，都用武術做主題，又幾有趣喎😂。佢上菜時有兩瓶豉油和豬油提供，可以自己倒落煲仔飯。好少煲仔飯餐廳會有瓶豬油可以比你自己倒，都幾特別吖😝！個煲仔飯上完枱之後，自己倒完醬油再焗一會兒先開蓋食。最後都成功整到香脆的飯焦✌🏻。因為本身臘肉有油香，再加上落左豬油，撈匀整個飯之後，每口飯都香噴噴㗎🍚。雖然相比之下，排骨較為淡味，但勝在煮得熟得黎，又唔太老，肉質易咬。馬拉盞炒通菜🥬，佢加左好多香脆的蒜粒，整碟菜都炒得好濃香。…查看更多

早幾個星期前，起筲箕灣食lunch，行左去出名多野食既東大街。起好多餐廳之中，見到有呢間居酒屋🍢。佢lunch有好多選擇，有飯，意粉，烏冬，紫薯。點了個”意式香草烤焗豬仔脾，配紫薯”，另外加配餐飲則點了杯熱咖啡(+$4)。餐前有湯和麵包。餐湯係蘑菇湯🍲，食到佢有多蓉，又唔稀，都幾足料，好香濃，唔錯喔😋。個豬仔脾🍖有洋蔥汁可以點的，但係覺得本身已經好夠味，不用點也可以吖。個肉就煮得剛好，夠鬆軟，只用刀叉🍴切食都可以輕易做到呢~紫薯蓉反而有帶點驚喜地好食。好香，好滑，加上份量算多，好飽肚。如果細食的話，建議點菜時可以講聲”要少紫薯”。雖然只係餐飲熱咖啡☕️，但都有少少拉花，覺得佢誠意十足^_^。不過餐廳唔算多位，而且都多人食幾full。如果想lunch time食，不妨提早少少到，或者嘗試book位啦😝~…查看更多

同屋企人下午去左西九龍高鐵站參觀，順便試食米芝蓮推介~添好運。雖然要等位，但因為佢運作有別於傳統茶樓，似快餐店多d，野食好快到，大家都好快食完就結賬，所以等左少過10分鐘就有位坐。☝🏻食左個酥皮焗叉燒包，個皮造得好鬆化，好香脆。另外，佢個香滑馬拉糕係傳統那款，有那條滑滑既邊，好有舊式茶樓feel^^🥢古法糯米雞，有雞翼，好足料，好大隻好飽肚🍗。連鎖餐廳，還要是點心店，新舊菜式都能夠保持水準，又平，真的不簡單~👍🏻…查看更多

今個星期六晚，同友人行完山頂落返中環，去左呢間成日經過會見到，好有歷史感覺既藝穗會食飯😀。之前只知道佢係一級歷史建築，藝術表演場地，唔知道原來佢有餐廳可以進食🍽。二樓呢間餐廳有室外，室內可以坐。我地揀左室外，可以睇到少少中環景，吹吹風，仲有文藝古典feel既户外茶座作背景可以影相🌃。餐廳職員好nice，又主動同我地傾計，推介我地食咩，介紹我地坐邊個位有咩靚景睇。食物Menu主要係印泰野食，我地點左個豬肉串燒🍖同青咖哩雞飯🍛share，仲叫左兩杯野飲🥂。串燒$58有四串，每串都好多肉，好抵食。青咖哩飯$82，唔太辣，好香，啱怕辣人士食。野食既香料味唔重，菜前又有免費薄片脆脆送做小吃🥜，不錯。我點左杯Campari Orange飲🍸，因為混左橙汁，只有少少酒味，幾易入口。這餐飯我們每人平均只要$130，價錢以中環區，仲要有景黎講，算係超值！😋…查看更多

星期日逛左圈荃新天地揾野食，經過見到呢間餐廳有cafe style又有望窗的bar枱，見有景睇下就入左去🏞。可以嘆著冷氣起二樓望出去，雖然只係街市，唔算係咩靚景，但望住眾生相食lunch感覺都幾悠閒🏖。叫左Menu個好新穎的未來素食漢堡🍔同奶茶cappuccino☕️。聽個名已經覺得好新鮮好得意。估唔到呢間細細地咁典型嘅cafe，都會有素肉餐關顧到想食齋嘅朋友仔🥬。可能未到多人食lunch時間，等左10分鐘就黎齊成個餐，時間可接受⏱。佢個未來漢堡外觀同普通牛肉漢堡好似；但食落無人造肉既味道，只係食到塊”肉”煎得好香，食到好少好少既荳味。塊”肉”個質感好有咬口，做法似係切碎左d管狀彈牙既蔬菜植物🥒，都有d扮到似係肉既根既~漢堡個”包”🥯同塊”漢堡肉”🥩都好香脆，雖然本身個漢堡都唔算太油膩，但係如果女仔食都會有d heavy。加左佢個菇同牛油果蓉🥑，可以平衡fresh返哂，繼續食埋個包佢。我打左一陣卡，再食左少少漢堡，先繼續去食薯格的🍟，這時個薯格已經比初時涼左d，但竟然都仲keep到咁脆，係高質既。最後，飲左杯奶茶cappuccino☕️。飲落味道同普通奶茶無分別，只係多左泡，所以實際的奶茶容量唔多。不過外觀同咖啡cappuccino一樣，值得打打卡既~整體而言，環境、食物、上菜速度都唔錯。值得再試！…查看更多