ZoeChan2666的個人專頁

今日放工，同老公喺屋企附近睇吓有咩好食，行行吓見有間舖頭（但係個招牌其實無發光睇唔到間鋪）。門口侍應叫我地入去試吓去啲菜，我見佢咁熱情介紹就入去試吓啦。我食嘅呢係一個二人餐，佢話有一個招牌菜，再加一個小菜，兩杯嘢飲，前菜，再加送兩隻鮑魚。第一蝶嘢食嚟到，係一蝶鵝，應該有半隻鵝嘅份量，好入味同好好味，但係隻鵝既皮太肥。第二牒我哋揀咗西檸雞， 份量都好大份，味道啱啱好，唔會太酸又或者太甜，好好味。 最後既兩個鮑魚都保持到水準。因為份量太大份啦，所以食淨咗一半，打包左返屋企，食咗兩餐先食得晒 埋單$188 ，真係好抵食…查看更多

本身打算去大喜屋到食放題嘅，點知好多人喺門口到等，所以呢就睇吓附近有啲咩放題可以食啦，去到大瀛喜嘅門口發現冇咩人等位就入咗去啦 。一坐到埋位，就去自助區嗰度睇吓，所有嘅嘢食都好唔新鮮，所以一樣嘢都冇攞到。之後呢就用QR code掃一掃有啲咩嘢食，發現可以揀嘅嘢都好少，所以第一輪都係叫咗一啲刺身先。刺身嚟到，唔知點解啲刺身都係有啲暗黑色，見到都覺得好唔新鮮，食落口更加吐咗出嚟添啊，真係好唔新鮮。之後叫果嗰啲熱食都係好難食 總之就嘥咗我三百幾蚊啦…查看更多

見到依度有一間新開嘅餐廳，裝修得好靚，喺餐廳嘅旁邊有啲貓喺度，見到有啲人係入邊玩貓，所以就走入嚟試吓食下野啦。我就叫咗個藥膳雞湯米線，我老公就叫咗沙嗲牛肉麵。藥膳雞湯米線有兩粒牛丸，粒牛丸幾好食，食得出係貴價啲嘅牛丸，但係個湯底呢就似平時打邊爐嗰啲湯底囉，冇咩特別。沙嗲牛肉麵嘅牛肉都幾好食，但係個湯底都係冇咩特別。食得出呢一間舖頭個廚師手勢就麻麻哋嘅，唔係幾識整嘢食，所以就靠買一啲高級少少嘅食材補飛。食完野同職員講就可以同貓玩一陣啦，唔使另外俾錢嘅，比$5雞去買個鞋套就得啦。真係好抵玩。因為平時其他舖頭都要俾錢先可以同貓貓玩。其實呢間餐廳嘅裝修好似適合食意大利嘢多啲，賣茶餐廳嘢好似曬咗。我想同人慶祝生日，都唔會黎依間餐廳，因為冇理由喺度食沙嗲牛同埋米線㗎。最近見佢晚餐做緊一人火鍋，又係有啲奇怪，明明間舖頭裝修到好似食西餐咁，又係咁賣啲中餐嘅嘢食。相信老闆改賣西餐會好生意啲…查看更多

上次lunch搵吓附近有咩好食 見依間舖頭冇咩人就入咗去啦睇睇個餐牌，價錢係偏貴嘅，例如蛋包飯要$50左右，又唔包嘢飲。 相比起附近嘅餐廳，呢個價錢係會包埋嘢飲。另外，嘢食嘅款式比較普通。雖然睇落個餐牌好似好多嘢揀，但其實主要都係烏冬, 咖喱同埋蛋包飯，如果唔食呢啲野真係冇嘢好擇，小食亦都偏貴。食落個蛋包飯都整得幾好食嘅，有水準，但附近有其他更好嘅選擇。近排經過佢舖頭好似有返啲特價，平咗少少，希望會有更加多嘅款式，如果唔係得返蛋包飯咖喱嗰啲嘢又唔係幾想食…查看更多

剛剛喺依間酒樓都食咗點心同埋打邊爐嘅放題。 點心係幾好食嘅，特別係要用油炸我啲點心，例如係榴槤酥同埋芝麻炸丸。打邊爐方面，佢有好多款湯底揀嘅，我就叫咗個椰子雞煲湯底。椰子雞煲啲雞就普普通通，如果下次我嚟食就唔會叫啦，因為要被迫食晒啲雞佢，但係啲雞冇咩鮮味。食物嘅質素就普通酒樓質素，啲嘢食唔係太新鮮，例如啲菇有少少發黑感覺好似擺咗好耐咁。另外啲餐具有啲癡粒粒，好似洗得唔係幾乾淨，所以影響咗用餐嘅心情。係到建議老闆應該洗乾淨啲碗碟，另外換咗啲湯底佢，李綿記嘅胡椒湯底仲好食啲，不如買佢嘅湯包到落去好過。另外火鍋嘅食材要新鮮啲，啲新鮮嘅食材唔會洗你好多錢。但係就會吸引到人下次都走來食…查看更多

170蚊打邊爐， 入到去見到自取區得幾款野食， 大約十款左右， 大部分都係菜， 無芋絲， 無豆腐， 得兩款丸， 無野好食。 湯底鹹到不得了， 食到一半已經鹹到無味覺， 連d "是油"都好似溝咗鹽水咁， 無味得黎又好鹹。 調味料無指天椒， 得辣蘿蔔， 但係一d 都唔辣， 睇得出老闆想節省成本，辣椒都唔俾。 價錢收到同牛魔差唔多， 但係質素差好遠。最後一夠鍾就趕人走， 出面都無人等緊， 搵完員工A 講完5秒， 員工B 又過黎講， 驚死你唔走咁， 想飲埋啖水都唔得。 以後都唔會再黎。…查看更多