ssshiro的個人專頁

老公話中意食上湯龍蝦🦞伊麵，第一時間就諗起龍寶酒家。當年個廣告都好深入民心個日係落場時間員工已經準備食晚飯不過收銀姐姐都好好服務介紹返幾款選擇難得一場嚟到，梗係食貴啲嘅澳洲龍蝦，質素有保證之餘又係龍寶招牌菜，食落自己個肚貴啲都抵啦由落單到出貨大概等咗15分鐘都唔算好耐到手個下估唔到都好聚手，起碼成斤重。嘩。睇相都知個龍蝦好厚身，好多肉。啲肉口感好爽脆，好鮮味，超級正伊麵底都好正，我由到手開始計都等咗個半鐘先開飯，但麵質都還可以，係有啲結塊，但上湯好入味，唔會好漏。份量仲好多！下次有機會想試下花龍同南澳龍蝦🦞，聽聞又係另一個層次嘅龍蝦…查看更多

見到佢個北海道海鮮丼combination咁正我又咁掛住北海道，咪叫左一個。老公知我想食海膽，佢就叫個無敵三色丼。順便想食多個刺身，就叫埋一份仔$50嘅赤貝試下見佢仲有好新鮮嘅赤貝賣，仲要係原粒連殼上😋我估下次會試呢個💡雖然食物吾太差，但都想講一講個服務💡可能得一個員工做嘢，或者個老闆對員工太差，或者老闆想行九記牛腩路線…落單過程個員工(著住日式壽司製作員服裝)係無表情嘅，無眼神交流嘅，無尾音嘅，同埋唯一講過嘅就係價錢(我分咗兩張單買佢兩次都係咁)講返食物🍣所有刺身都好新鮮，勁好味蟹🦀️膏有驚喜應該真係原隻蟹拆出嚟，因為佢陣味完全唔artificial，而且中間仲會食到有d好碎好碎嘅蟹殻反而蟹肉就普普通通，不過不失帶子刺身超好味，絕對係北海道嘅味道蟹籽好多(見圖)，一啲都唔腥，好新鮮海膽好正，唔係creamy個種口感，係實身啲，但都唔腥嘅，食得出係高質嘅最後係我本身對佢好高要求嘅拖羅，因為當年成日去日本食高質大拖羅所以返吾到轉頭。。。但呢個拖羅好聰明，將佢變左拖羅蓉，突出左拖羅嘅肥美😋，掩飾左吾夠高質嘅外型😶‍🌫️呢兩個丼美中不足就係個飯！真係有啲硬，無乜醋味，但真係勝在料好食又足料，所以總括性價比係高嘅…查看更多

隱世小店無人講。凍飲加一蚊仲要大大杯。呢條街其實都好近旺角，但價錢分量都味道絕對係高性價比！食過早餐同午餐早餐算好大份，無論邊個餐都有一份牛油面包(無問可吾可以免費轉烘底)最緊要係呢個年代都仲係賣緊$30，轉凍飲都係$31！完全唔加價得嚟，飲得出杯嘢飲完全無刻意溝水(叫咗凍奶茶同凍咖啡，怕甜可以考慮叫少甜)午餐食過肉絲炒面，又係大大份熱辣辣，個面底仲有啲脆個人覺得都算高質茶記最緊要係老闆娘好好service，樣樣嘢都親力親為，又有禮貌。絕對吾會食完背脊骨落大家喺附近打卡cafe肚餓可以試試…查看更多

好味就吾使講，見到甘多正評就知但估佢吾到啲分量真係好大碟尤其個毛血旺，吾會好多辣椒好多芽菜而係所有食材分量控制得好平均我地叫左小辣，吾算好辣，我個人比較重口味，略嫌佢咸度有啲唔夠個胡椒豬肚雞都好均真湯同埋雞件，豬肚係分開上仲要大大煲唯一可以批評嘅地方，就係落單嘅時候，冇同我哋講會有咁大煲如果唔係我哋淨係叫呢個胡椒豬肚雞，再加啲火鍋料，兩個人就已經好夠食我哋仲另外叫咗啲串燒因為上面兩盤製作都需時反而串燒都叫做好快小辣吾算好辣，老公吾食得辣都話下次可以叫中辣晚巿到8:30先少人啲，不過都未需要排隊目測好多真。中國人，應該睇中佢地道得嚟，大大碟又坐得舒服 (對比附近嘅地舖)仲有好多正嘢(主食),分享俾大家佢堂食仲到零晨二點架，宵夜必備…查看更多

喺觀塘想食下啲高質少少嘅中式嘢，唔想次次都食碗仔翅，車仔麵，勁唔健康。木谷嘅菜式，就算又有酸菜魚，又有醉雞卷，但係都食得出少鹽少油，食完唔會有罪疚感，而且又好惹味順帶一提上次食過個酸菜魚，雖然係魚柳，但係份量勁足！而且魚柳就最啱我呢啲連魚骨都懶得挑嘅人😛今次試埋個花雕藥膳雞湯，成隻雞髀都真係好足料，不過真係略嫌燉得老咗，係有少少食湯渣嘅感覺。好彩佢有配個胡椒鹽，可以掩蓋一下。個湯底超級香，可能加咗花雕，啲味更加之散。飲得出藥材味，但又唔會好苦，係清清甜甜嘅好味😋未食過嘅朋友我會推介食醉雞卷先👍🏻…查看更多

上次食過晚市，覺得好好味，所以今次再encore！見到有午市任食，價錢都係228+，經OpenRice訂座仲有85折。咁咪試吓囉滿心歡喜以為仼點呢張紙上面嘅食物，原來每人只限點3份肉🥲下面就係2個人6份肉嘅份量，俾大家參考吓不過劉一手個湯底真係冇得輸，牛油辣鍋一如水準咁好味，個雜菌鍋都超級正！個餐包得一杯飲品，好彩有呢個雜菌湯飲吓🤣其他菜品都好高質，基本上即叫即到，服務都係冇得彈。不過俾錢嘅時候，記住望多次張單，事關我哋坐低之前已經reconfirm 過個店員我個85折優惠，但係賣單嘅時候佢都係幫我出正價😶…查看更多

見到好多對農場餐廳偏激的言論，老公決定帶我親身試一試我就本住去食個西餐嘅心態去，反而幾驚喜😊我地大概12:45左右到嘅，一坐底老闆已經過嚟打個招呼，同場有另一個客人早過我地等緊堂食，我因為想2:00前離開，所以都好快落左單。老闆有溫提，可能要等耐少少喎其實等左大概15分鐘就已經有野食，賣相一啲都唔差！呢份雞扒係老公嘅，個sauce係好味個種濃，蕃茄嘅酸酸地配小小辣，雞肉唔鞋，係煎香咗有少少脆邊…食到一半老公發現sauce裏面仲有半隻大啡菇！咁嘅價錢真係好驚喜。配菜都好正，勁足料，薯仔夠粉好新鮮🎩偷聽到老闆講本來應該想用粟米蓉，但個人建議粟米粒賣相應該會好啲😝輪到我份薄牛扒！真心我覺得係多過五成熟嘅，但想講一啲都唔薄！絕對大件夾抵食。我最欣賞係個蒜蓉汁，老闆好有heart真係有好多新鮮蒜蓉。老實說，我覺得老闆係好有heart💗好有熱誠好有執著。其實👉🏻一個咁嘅價錢，配一個咁嘅分量👈🏻，真係好有良心嘅一間餐廳！我敢講我今餐係好味嘅，當然有可進步🆙嘅位置i.e.牛扒偏韌，凍奶茶太甜不過平心而論，一個伯伯一腳踢做到咁多已經好唔簡單，如果有心支持又唔想食到一肚氣，建議望一望店內食客進度，咁你就預算到你大概要等幾耐😊💟但係如果想享受慢活，同男/女朋友傾下計坐耐啲，呢度絕對啱你💟#不喜勿插 #正能量 #支持 #自食其力 #堅持做自己喜歡做的事 #你可以嗎…查看更多

呢個舖位之前係十六座車仔麵喺淘大商場行返去牛頭角方向，見到德寶商場就到舖面好企理，唔似一般燒味店咁有啲歲月痕跡(都可能因為開咗幾個月)重點係佢哋嘅燒鵝真係好好好好正！我本身係唔中意食燒鵝嘅人，因為出面食到嘅燒鵝好多時都好柴皮，乾身，仲會有啲肉腥味但呢個陳皮燒鵝係：超級嫩滑，勁juicy，油分啱啱好，唔膩，仲有陣陳皮香，個皮又唔會韌(好多時都仲脆脆地)因為佢每日都keep住燒，一出就好快賣曬半隻一家四口食啱啱好！…查看更多

估唔到呢種歐洲的味道終於俾我喺香港搵返！！而且仲要更加好味！！！食過churros嘅應該都知佢有個花名叫鬼佬油炸鬼本身已經好中意食油炸鬼嘅我當年喺歐洲生活嗰時就算食到幾飽都好都會買佢地嘅churros當食油炸鬼不過外國嘅churros只有原味(無糖粉);肉桂糖粉味;同朱古力醬味而twist & buckle 就有多過十款口味俾你揀！我本身好中意食原味因為貪佢夠脆，又唔會整污糟對手但今次食完，我強烈推介marshmallow口味！真係超級正！放一日都仲好脆口中意食嘅你一定要試！…查看更多

好少食到我咁背脊骨落老老實實我好幾年前已經幫襯開，老闆幾好人，好caring，又會介紹邊樣好食。最正係個生炸雞脾，朋友問開油麻地有咩好嘢食都會推介佢哋。但今日食個時老闆唔係度，得個女伙記同一個肥仔。個女伙記應該有啲關係，差不多次次都見到佢，但就無試過係佢serve…teatime我例牌叫個個餐(應該都明顯熟客吧⋯)，我：A餐吖吾該女伙記：(問我)而家幾點?我：。。。女伙記：而家2點24分，無下午茶我：下。。。女伙記：下午茶2點半先有。然後佢就完全無理過我，談論過程除左問我而家幾點之外，佢係無望過我Fine!!!! 咁我照叫正常餐牌。然後我問個女伙記：呢個可唔可以轉麻辣汁？女伙記：可以。食得勁快嘅我其實都覺得，算啦，反正都係快食快走，無咩所謂。由2點24分入座，到我2點45已經上左油麻地地鐵，就知我坐吾耐。即係咁，係我輪緊最後隻雞翼嘅時候，女伙記走埋嚟伸手就想收左我碟嘢。我呆左，個口仲咬住隻雞翼。乜嘢事呀？係有幾趕住收工洗碗呀？！俾錢個下，變左個肥仔收錢。我：埋單。。。肥仔：49我：下？點解貴左2蚊嘅？( 禮貌問)肥仔：你轉麻辣汁就係要加2蚊咁我叫個時點解隻字不提！？咁等錢使我就豪埋呢2蚊俾你食到咁低賤都無乜邊次平日時間都咁嘅態度真係想像吾到weekend有幾西…查看更多

不能抗拒嘅好味辣有麻辣香辣酸辣椒辣有走辣bb辣小辣中辣大辣就算唔辣佢地都整得好好味中午時分有好多款套餐選擇全部大大份，包凍熱飲同甜品絕對物超所值啲位都好闊落 好好坐有大概五張car座可能訂枱嘅時候要講聲留位不過略嫌啲背景音樂outdate又太嘈店員普遍都好nice又會覆單目測都有好多附近OL叫外賣自取同朋友兩個人各自叫咗麻辣牛𦟌同酸菜魚我地兩個都唔食得太辣叫咗bb辣啱啱好 少少辣 勁提鮮個麻辣牛𦟌仲食到好正嘅麻油味碟牛𦟌起碼有30塊底下仲有好入味嘅青瓜絲絕對好食抵食…查看更多

星期五下午茶時段都可以無人serve,好多侍應好多吉枱，但個門口位係無人招呼你入去。之後隔離個阿叔細細聲話究竟有無人，個男經理就彈出嚟話，我哋忙緊。服務態度真係好。。。係得一個姐姐叫做有禮貌啲，放低碟嘢會叫你睇熱。不過感覺似係brand standard。食物中規中矩無乜特別。食咗個擔擔麵生煎飽加杯豆漿。擔擔麵足料，下午茶黎講都算大份，個生煎飽係有爆湯係有脆底，但就真係好細粒，成10蚊粒我會選擇食祥興記。…查看更多