鯨呑香港的個人專頁

銅鑼灣想飲杯野之餘又想食好少少，呢度係一個唔錯嘅選擇。一位 Set Dinner 大約二三百蚊，有前菜，主菜同甜品。同單點相比，即係加六十幾蚊就可以有前菜同甜品。飲品兩杯八十八，可以揀紅，白酒，啤酒，同 cocktail，每一個category都有幾款可以揀，選擇算多同埋都幾平。是日湯係蘑菇湯，味道唔會太濃。三文魚他他好 creamy，成個配搭好 fresh。豬腩肉有六舊，每一舊嘅皮都好脆，有焦糖汁配搭，感覺唔會好肥膩。墨汁扁意粉有大約八隻新鮮嘅蜆，每隻都好大粒，同香濃嘅蒜蓉。是日甜品係 Tiramisu。Panna cotta 係朱古力味嘅。…查看更多

女朋友特別鍾意小丸子，茶木今次同小丸子合作，就當然要捧場啦。茶木x小丸子探險記分別有三個分店，銅鑼灣世貿，旺角瓊華同九龍灣MegaBox，每間分店覺自己限定嘅食品，而呢一度嘅限定就係小丸子吐司禮物盒，除此之外仲有其他食物同飲品都係小丸子主題嘅。落單冇幾耐就上飲品，分別叫咗野口竹炭仙草奶茶同小丸子櫻桃西瓜柳丁汁。仙草奶茶有啲似珍珠奶茶，只不過係珍珠換咗做仙草，奶茶比出邊冇咁甜。西瓜汁好多西瓜，唔係啲假嘅化學藥水。兩杯飲品都配一個好靚嘅膠杯。蕃茄肉燥飯有啲似肉醬意粉個肉醬，鰻魚完全冇骨，飯嘅份量大約有一碗，上邊有一張印咗小丸子樣嘅紙，雖然食得但係冇乜味。另外叫咗一個牛小排，沙茶味好濃，好好送飯。最後當然唔少得嘅就係限定嘅禮物盒啦，佢實質上係平時嘅吐司，配cookies and cream嘅雪糕，同埋另外加啲忌廉。餐廳入邊嘅環境好精緻，細路仔開心之餘，嘢食咁平時杉木嘅標準差不多好食。…查看更多

食牛扒大家都會諗去扒房，感覺都係一啲比較高級嘅餐廳，今次嚟到呢一間餐廳，同樣係食扒嘅，格調同氣氛比較輕鬆，燈光比較明亮。餐牌好簡單，有三款嘅牛扒，一款豬，同埋漢堡包，無論叫咩都好薯條都係任食嘅。員工好有心機咁樣介紹佢哋賣嘅每一款牛扒，除咗Menu上面見到嘅款式外，佢偶然都會有一支限量而且唔係Menu上邊嘅選擇。落單後，定時定候佢哋就會拎住一大兜薯條分比每一台嘅客人，牛扒等左十分鐘左右就有得食啦。蒜蓉好香滑好重牛油味，牛扒煎得剛剛好，要幾多成就煮到幾多成，其他配菜就普普通通，預備嘅汁都幾有心思，同牛排一齊食好夾味。牛扒份量真係唔多，但係因為有無限薯條所以都尚算飽。…查看更多

銅鑼灣起來的道附近有好多唔錯嘅午市選擇，今次就黎到呢一間賣台式嘅餐廳食午餐。午市套餐大約係六十至八十蚊左右，有前菜有飯同埋包嘢飲，銅鑼灣附近咁多珍珠奶茶冇乜必要係呢一度飲，所以就叫咗金桔檸檬。等左七分鐘左右就有得食，中途有個小插曲，佢問用外賣碗裝介唔介意，我冇諗咁多就應承咗，嚟到一見到就後悔，因為佢係飯同埋前菜全部撈埋一堆，賣相好唔吸引，佢其實全部分開裝嘅話睇落非常之豐富。前菜三個都係冷盤，有啲菜食下唔錯但係個肉嘅肉質麻麻哋，主菜方面，香炸排骨比較薄，台式香腸大約有三條，肉燥飯就咁食都幾好食，上邊嗰個酸黃瓜唔係好夾。…查看更多

做嘢咁辛苦得閒梗係要出嚟抖下啦。銅鑼灣珍珠奶茶嘅選擇有好多，同一條街上邊買珍珠奶茶嘅可以連住三四間。而黑糖珍珠奶茶當中最出名嘅可以話係老虎堂。我去到嘅時候四點幾，咁啱冇乜人排緊隊，前面淨係得六個人，當我買完嘅時候，後邊已經有十幾個人排緊隊，所以真係好睇彩數。如果趕時間返office嘅話，其實旁邊都仲有好幾個選擇。落咗order要等十幾個號碼，但事實上等十分鐘就有得飲啦。今次我叫咗珍珠厚鮮奶，杯嘅外邊有老虎斑紋，上下搖十下前左右就可以飲。鍾意大粒珍珠嘅朋友可以叫波霸，我自己叫珍珠，鍾意細粒唔使咬，黑糖味同奶味都好重，珍珠有黑糖味，有趙口唔會太軟。值得一提，老虎堂係可以用八達通俾錢，但係旁邊嗰間淨係可以用現金。…查看更多

作為一間連鎖快餐店，Triple O 起價錢上的確係名列前茅，唔知味道同份量有冇因為價錢而有相對嘅提升呢？Food Court 起十二點十分唔算多人，有大約一半嘅位置都係空位。一個漢堡包，跟奶昔同薯條，埋單計數一百蚊找一蚊雞。話就話係快餐店，個餐都等左成十分鐘先有得食。Triple O 嘅漢堡包除咗貴之外有一個特色，就係佢嘅酸瓜會放漢堡包嘅外面，唔鍾意可以唔放入去個包入邊。我覺得放咗好食好多，酸瓜令到每一啖嘅口感更加豐富，而且更加多汁，佢嘅酸味意想不到地好食。薯條係一大敗筆，唔脆，好軟，唔好食。我會建議大家試吓加錢換洋蔥圈。雲呢拿奶昔好重雲呢拿味同埋奶味，好飲。…查看更多

本身起apm食過一次就已經念念不忘，即使銅鑼灣咁多選擇，我都忍唔住要去錦麗食碗越南牛肉粉。嚟到餐廳大約起十二點左右，唔洗等位。餐廳環境唔錯，有部份座位可以睇到海景添。你未坐好，佢第一件事就會放低一杯用嚟配牛肉粉嘅配菜。菜單十分精簡，因為無套餐，所以小食同飲品需要分開點，無得平。落單後五分鐘碗河粉就送到喇。越南牛肉粉嘅牛湯十分濃郁，偏鹹，建議大家叫一杯嘢飲或者問佢攞水，無叫飮品嘅可能會後悔。我比較重口味，所以個湯我飲哂咁滯。一份河粉嘅份量其實已經好足夠，因為口痕所以叫左一份炸手作蝦餅，佢嘅蝦餅切一半，落鑊再炸，每一粒四面都炸得好香，入口幾彈牙，唯一問題係貴咗啲。…查看更多