toffeewong的個人專頁

昨天下午路經小店，知道新開張入去試下，叫咗碗豬雜米線，豬潤豬腰好味，夠曬厚切，又冇腥味，但豬大腸及豬粉腸就一般啦。胡椒湯底味道唔夠濃，米粉就係一般米粉冇乜特別。可能由於新開張，並沒有奶茶檸檬茶等供應，只供應汽水。埋單一碗豬雜米，一支可樂盛惠$60。…查看更多

中午自助餐$105連加一服務費真係好抵，地方唔算好新但係好光猛。坐得都好舒服，勝在唔會人多搶嘢食。淨係食凍蝦青口煙三文魚都值回票價，熟食有牛脷，牛尾，乾燒伊麵，炒飯，炸豬扒春捲。仲有幾款蔬菜。凍熱咖啡檸檬茶自己製作，生果同埋甜品款式雖然唔係好多，但都真係唔錯，如果唔遠嘅真係值得嚟試下。包冇咋型😁…查看更多

今晚剛剛了光顧這家餐廳的自助晚餐，是用團購優惠所以價錢不貴，$320全包，先講講優點吧，以呢個價錢嚟講，有長腳蟹，即開生蠔，燒牛肉及刺身，都算多回本位，而且refill都好快。但缺點為都唔少，第一係餐廳地方狹窄，同隔籬枱距離不足，第二，餐廳提供的果汁飲品味道很淡，餐飲凍檸茶竟是用透明玻璃裝著紅茶裏邊浸住幾片檸檬，完全飲不到有檸檬茶味道。第三係泰式主題食品味道差，冬陰功湯淡，炒金邊粉又硬。總括來講，唔食又冇乜損失。…查看更多

刺身中，泰式生虎蝦並沒有配泰式的酸辣汁醬，只得wasabi豉油，知道並不配合。另外海膽手卷上啲海膽少得可憐，只得一點點，初初是很大塊的。讚的是今次多了幾樣新食物。蠔汁花膠整得唔錯，至於咖哩蟹的咖喱汁，一食就知係咖喱粉溝水啦。另外今次落食物不能用自己電話上的掃描apps去登記，只可以用微信上的掃描器去掃描，真奇怪。…查看更多

今日特登去光顧中午自助餐，之前食過幾次都唔錯。點知今次就舐咗嘢。去到攞枱人唔多，點知一坐低出去攞嘢食就知上當，冷盤只係得長腳蟹，凍蝦同翡翠螺。之前嘅龍蝦仔都冇埋。回本之作嘅牛扒，羊架，點心，燒味都冇曬。淨係得返蒸鱸魚。飲品只係得一杯，我上兩個月去three on canton仲抵啦,飲品任飲 ,樣樣都有，只係$280. 今次埋單用左open rice coupon都要$318.下次都咪搞我😓…查看更多