澳門平民紫軒的個人專頁

2012/05/17【連勝風行】再一次抗拒"就腳"習慣(平時求求其其食一餐)，今日拿起心肝去左新馬路的連勝風行食飯。點了個A餐-燒雞飯，自少就愛吃愛雞的紫軒，見到咁大碟，心裡"哇"了一聲.食燒雞最滋味是脆卜卜的皮，以及那層雞油，超級滋味。而連勝風行就將燒雞最正點的一面表露出來。不過，本人年紀大左，望住個肚，都不敢把所有雞皮都食哂。…查看更多

2012/06/04【銅馬葡式燒烤】奧運城(機鋪)樓下有好多好多美食。今次來到銅馬葡式燒烤，雖然見到"葡式"兩個字，其實裡面有泰式、中式、印尼的菜式。只因他的老闆同一街之隔PP島泰國美食比是同一人。今日我點左個泰式肉碎飯。肉碎，係我最愛，皆因我喜歡其口感，今次的肉碎微辣、再加上兩片香草，正，夏日炎炎的開胃碟頭飯。我的朋友點左個菠蘿海鮮炒飯。依，都唔差，菠蘿味稍稍突出反而有清新感覺。有野飲，有湯飲，先係$30大元。味道都唔差架，係一個醫肚的好去處。…查看更多

【南洋粿條麵食】先旨聲明,此店要等,老板娘態度串。湯底濃味略帶甜(岩哂鍾意重口味的朋友)。◎肉丸米粉：肉丸,一說到手打,總覺得口感正好多,米粉夠滑。◎豬雜裸條：大腸都爽口，豬雜的口感亦豐富，裸條就沒有特別。湯底屬於味精型，所以建議各位朋友可以去試食，不過就唔好成日食。謝謝。…查看更多

【李康記豆腐花】咁岩經過李康記豆腐花，梗係要入去試下啦。◎豆腐花：滑，澳門數一數二，略嫌少了點豆味，想當年我麻麻、爺爺整哥D一定好過李康記(印象中)。各位經過就食下啦，6元一碗好抵食，連外國人都去食。…查看更多

【新肥仔記】S同事推介左好多次架啦，今日途經就試一下啦,牛雜米，牛雜又"林"又入味，而且個兩條大腸，好爽口,果然無介紹錯a.本人最鍾意,雞雜,牛雜,豬雜.皆因口感豐富,幸福飽滿.地方就淺窄左少少,不過為美食,無辦法啦!…查看更多

【麥時利愛爾蘭酒吧】漢堡包●七成熟的牛肉，配塔芝士，兩塊包，煙肉，一口咬下，超乎想像的豐富口感。炸薯條●十分香口，令人口和手都不能自控。炸魚● 外層金香可口，與內裡的魚肉塔配得宜。好多外國人鍾意約埋三五知己去啤一啤。…查看更多

2012/05/24【滄洲咖啡小食】相對對面的"榮暉"，中午時段，滄洲只有小喵三、兩隻，可能滄洲是典型飲下午茶的茶餐廳吧!奶茶和"世記"的一樣，茶和奶是分開上，最適合成日話要"奶茶走奶"哥班...契兄弟。老婆餅餅皮酥脆, 甜味亦適中。有水準。基於未到蛋撻的出爐時間，無緣試食。重新裝修之後，環境衛生比以前更好、更舒服。…查看更多