irenewoooo的個人專頁

咁啱起附近做野，見到食評唔差，諗住放工試吓。未入之前見到餐廳得一枱客都覺得怪，但我唔信邪，入咗去。叫咗一個豬肉拉麵同咖喱吉列豬扒飯定食，質素似起自己屋企求其整。未至於真係好難食，但個拉麵嘅賣相似係恰麵加幾塊恰豬肉，同平時食開嘅拉麵差好遠。吉列豬扒似係超市買番黎番熱上枱，成層炸粉勁厚，加啲咖喱磚開出黎嘅咖喱同普通飯。另外有味噌湯同細沙律。佢就係咩都有啲，定食呀嘛，但就係唔太好味。值得興幸嘅係，啲豬肉係熟嘅。總共200蚊，唔算好貴，但呢個價錢我唔預計會係咁嘅味道。有少少想喊，相都唔想影。…查看更多

之前食過一次覺得幾好味，價錢又合理，所以8月25號晚一行四人又去多次食飯。食物質素goodgood.落單要小心！如果係一個比較年輕冇咩表情嘅男人黎同你落單，最好叫佢覆一覆你張單。我地叫紅咖喱，佢話以為我地叫農民咖喱，就落咗一個有軟殼蟹嘅貴約90蚊嘅咖喱，仲話我地上枱時見到唔一樣要出聲講。大佬呀成堆咖喱醬炒起一碟真係分唔到（有個wok果碟），上碟時仲以為係有啲香茅炒大件洋蔥之類嘅野起入面，食食吓覺得怪怪地仲放咗起度唔食，淨係用啲醬黎點包食。冇啦，後來都俾咗錢，惟有怪自己出黎食飯都冇慎重覆單同check上枱食物。食個飯仲累過返工，人生真係難。但都想講返，食物都係好味嫁！…查看更多

一行9人去食泰國野可以併到一張大台一齊坐野食都多選擇，仲要剛剛出咗泰北餐牌食咗船麵，青咖喱，泰北酸辣湯等等全部跟小食及飲品最後仲送咗兩碟糕點😆店員十分友善，飲品出錯即刻跟番坐咗成個鐘都無問題…查看更多

呢間要有排隊嘅覺悟！職員話冇得電話留位。下午5點半到達見冇人排隊，原來餐廳入面已full ，職員話要到6點45分先有枱。周圍行到6點再返黎排，條隊長到要再等下一round (即係8點🥺）. 堅持繼續排之下，前面好似有人走，最終7點入到去食🥰菜湯有好強烈嘅草青味唔太識飲😢配個熱熱的包十分鬆軟，釀豬飯夠惹味，皮是軟身的，但肉十分Juicy；最出色係燒香草羊架👍羊味好出但唔羶，鋪起面嘅香草檸檬碎碎係點睛之作，上枱速度都算係咁。…查看更多

看這店的食評都是說服務不好，抱著一絲擔憂坐下，來一個晚食。地方潔淨，食物質素很好，還有就是店員都很和善！朋友也很滿意，是很滿足的一餐。主要可以改進的，就是麵可以再爽一些，煮短些時間就可以了。…查看更多