貝戈戈人的個人專頁

受邀請到The Parlour享受80後的浪漫-Champagne Brunch;訂位順利,當天1230去到,都未有人食,之後先來了兩個外國人坐室外,食到最後3點,都係得幾個人食;有一項缺點,唔知係咪因為半開放式有室外位又開晒門,拿食物時見到有幾隻蒼蠅飛來飛去偷食,都驚有衛生問題,餐廳方面真的要注意一下法國香檳唔會太重酒精味道,幾易入口,氣泡密密的,一直出氣泡,我都飲左3杯多,仲有橙汁同汽水任飲,不過梗係飲香檳啦海鮮冷盤,有生蠔,幾鮮甜,細細隻但肥美;蟹腳鮮味不足,食幾隻得一隻對辦;翡翠螺好大隻,大大舊肉,鮮味;青口正常,蝦同龍蝦仔都無食頭盤選擇都幾豐富,不能盡錄,有日式螺肉,中華沙律,八爪魚;西式凍肉,沙律,巴馬火煺,煙三文魚等等;味道不錯,野食都幾新鮮芝士區,麵包區排得好靚,食左一件cream cheese都幾好食,不過拿麵包竟然無夾之類既工具,問侍應係咪用手都得,佢答係,又無意思拿工具俾我,咁唯有用手拿左件麵包,都幾香brunch仲包一樣主菜,見有羊就點了來試試;本來睇唔明個羊既菜式係點煮法,侍應都唔係太知咁,但應該係羊扒之類,要左7成熟,出黎原來係已經切開一片片,都差不多7成熟,不過食落都係唔夠嫩,可能可以再試生少少,有羊肉既味道但無羶味,配菜食落好新鮮甜品區都有唔少選擇,我差不多試晒全部,剩係有兩三樣無試,有個奶凍幾好食,encore左一樽,其他蛋糕西餅個類都中規中矩;強撻個d凍左腍左,唔係太好食,同埋拿甜品時先見到牛角酥,但真係食唔落咁多了…查看更多

鋪頭形式唔係 food court; 食物種類都多左王將餃子+炸雞脆麵餐 (脆麵用幼麵做炸麵餅, 成個都好脆, 茨汁燧生粉茨加少少蔬菜同蛋花, 唔太咸, 唔可以撈來撈去唔係好快變水; 炸雞普通唔嫩但又唔係好乾)王將餃子 (皮薄底脆, 菜肉餡唔會好實)炸鮮蝦雜菜餅飯 (雜菜餅唔夠熱又完全唔脆, 成塊都係腍腍咁, 好難分開一小塊黎食, 蝦都叫爽口不過得4隻好似少左d; 醬汁應該都係剩係普通豉油無得別調過)…查看更多

一眼睇晒, 得幾張台十零個位大蒜湯 (香濃)薯仔沙律 (薯仔腍身的幾好食, 醋汁配新鮮菜都幾開胃)帶子肉腸 PIZZA (芝士落得幾重手, 岩晒我, 餅底薄薄的, 餅邊少少好脆不過有少少膿; 配料一濃一淡都幾夾)大蝦芝士意大利飯 (蝦大隻爽口, 意大利飯煮得唔係腍晒吠落仲有少少硬身, 正宗既就係咁先岩! 醬汁濃度適中, 混有少少應該係菠菜, 面頭有芝士碎岩晒鍾意食芝士既我)COFFEE (香濃, 佢用熱過既奶 serve, 讚!)…查看更多

小鋪剩係賣豆腐花同豆漿, 仲有賣幾隻醬料熱豆腐花 (應該係除左o係大澳之外食過最滑既豆腐花, 雖然唔係太濃不過都叫富有豆味, 最緊要真係超滑, 黃糖甜度亦岩岩好, 好正)…查看更多

雪菜豬扒幼麵 (幼麵係生麵, 都重鹼水味, 尚可接受, 不過無煮到過腍已經好過粗麵好多, 豬扒今次呢塊無肥膏, 大大塊食落少少脆無炸到好乾, 肉又醃得夠入味, 而且感覺上仲好似無雞翼咁熱氣); 雞翼粗麵 (上海粗炒咁上下粗既上海麵, 不過過腍, 一定無下次, 雞翼薄薄一層脆漿, 香脆, 雞翼仲係嫩滑); 剩菜肉雲吞 (一碗有成十一二隻, 大細岩岩好, 皮唔厚幾好, 好似係椰菜為主, 味道無特別, 勝在夠多);  辣椒油唔算好辣但係夠晒香…查看更多

去個時新開都幾多人,不過食落都係普普通通, 甚至覺得有d唔值呢個價錢, 應該唔會再特登食跟餐沙律麵豉湯 (沙律普通; 湯就味道適中, 仲有好多料)牛舌 (雖然係厚厚的, 不過個質感好似怪怪地, 未致於一 pat pat, 但成舊都係軟腍腍咁)美國安格斯牛薄燒 (薄薄的一塊, 應該燒到七八成熟, 肉味還好)炒麵 (普通日式炒麵 + 炒飯無影; 加埋台方提供既類似 XO 醬都幾好食)海鮮拼雞扒 (雞扒都幾嫩滑; 三文魚都正常, 但係帶子同蝦都唔係幾新鮮, 食落都係腍腍地咁)…查看更多

晚餐時段好多人,要等位,又要排隊買野食三文魚沙律 (有兩大塊, 都幾油潤) + 鮮蝦杯 (都無乜鮮甜, 不過廿幾蚊, 差不多啦) + 肉丸薯仔 (沾左肉丸汁同果醬幾夾, 食下一粒食下又一粒)肉醬蝴蝶粉 (粉比較硬) + 雞翼 (BBQ 都幾入味, 唔太乾)…查看更多

星期日茶市時段唔駛等位,食碗麵填下肚豬排擔擔麵 (豬扒比較薄, 擔擔麵幼幼的都幾煙韌, 辣度都幾足, 麻醬不太重手)芹菜牛肉絲炒麵 (好似豉油王炒麵咁幼幼既麵, 配芹菜絲牛肉絲,味道都叫濃,仲有碗清清地既紫菜湯飲下)…查看更多

煙肉薯仔沙律 (橙紅色應該係 "煙肉粒" 既野係無乜味既, 都唔知係乜黎, 薯仔沙律都無乜特別)炸一口雞 (比較硬同乾)炸西蘭花芝士球 (炸漿皮都係比較硬, 芝士味都不太重, 好似忌廉西蘭咁)美國風味熱狗 (熱狗包鬆軟同埋有輕輕烤過微微燶邊; 香草豬肉腸入面仲有好多肉汁, 配埋肉醬芥末醬一齊食都不錯)香甜燒烤熱狗 (用燒烤腸加d風味泡菜汁即係酸菜汁, 試過d酸菜略嫌太酸喇, 不過可能配埋燒烤腸食會好d)…查看更多

燈光暗暗的, 客人不多不滿座一坐低就有甜麵豉醬之類既野, 仲可以加海鹽牛舌 (中等厚度, 燒得岩岩好, 仲有肉汁)豬肉紫蘇卷 (唔係好慣紫蘇既味道, 但係免治豬肉係幾鬆身唔會好硬實)燒飯團 (揀左鰻魚, 熱辣辣燒起好香口, 紫菜仲脆的, 鰻魚份量不多, 配埋甜甜的鰻魚汁一齊食可以填飽少少肚)燒鱔 (皮脆肉嫩) + 豬肉雞骨腸 (普通豬肉腸咁)粟米 (香甜燒粟米,唔會乾晒)芝士雞翼 (唔係幾食得出有芝士係入面, 只係有一堆好似溝左d肉唔知乜既野咁)鹽燒牛肉 (略嫌唔夠嫩滑, 可能牛肉質素係差不多)銀鱈魚 (肥美嫩滑, 同燒鱔各有千秋, 不過略嫌醬汁太多)…查看更多

原味乳酪 (芒果, 奇異果, 藍莓, M&M 曲奇; 試過幾間froyo, 呢間真係最"乳酪", 真係好似食緊杯裝乳酪個d味, 夠酸唔似其他有d奶味好重完全好似食緊雪糕咁; 點左既幾種生果都幾新鮮無話雪到硬晒, 曲奇脆脆地碎碎咁點綴下) …查看更多

諗住之前蔡生介紹, 但係對呢間野都幾失望, 而且實際上都無乜客, 應該都無下次枝豆 (唔凍唔熱的, 有d仲有d鹽水係入面)網燒牛扒 (牛肉本身既味道同生熟度都可以, 但係唔知點解竟然係涼涼地完全唔熱既, 好似擺左好耐灘凍左咁, 難以接受)和風三文魚沙律 (有五六片三文魚, 蔬菜食落都幾新鮮, 酸酸既醋汁幾清新, 最正常既一道菜)小壽司拼盤 (一上台睇落成盤野都欠光澤完全唔新鮮, 難怪朋友非常不滿, 食落亦只係好似迴轉壽司咁既質素, 完全配唔上收呢個價錢)…查看更多

一個人坐吧位吉列豬扒蕃茄湯烏冬; $38 (烏冬仲保持到滑同煙韌彈牙, 一級棒! 不過蕃茄湯底就強差人意, 應該係用本身湯底加d好酸既蕃茄醬溝出湯; 吉列豬扒係正常普通貨色不太差, 中等厚度唔嫩既豬扒配不太厚既炸漿)咖哩吉列蝦飯; 跟餐$10 (以前係天婦羅炸蝦大大隻爽口好美味; 可惜近排已經縮皮轉左做細隻d既吉列炸蝦, 好彩蝦肉都仲係爽口; 值得一提既係其實個咖哩汁係好好食, 係有辣度既咖哩)…查看更多

乳酪少少酸都係偏向雪糕, 無得送 house crumbs 要星期六先有, 要左藍莓同糯米糍, 藍莓雪得太勁有d硬左, 糯米糍正常味道個人頗為喜愛煙韌野, 有機會試下綠茶糯米糍…查看更多

以定食為主, 可散叫某些定食的主食, 也有少量串燒和甜品;七點零去到得幾台客, 食到八點零先見到多d客, 都見到d日本人係度食, 應該唔差吧, 環境亦安靜舒適, 不失為尖咀唔想等好耐位食飯時既好選擇炸蠔 + 炸蝦餅定食 (第一時間食炸蠔, 脆漿唔算厚, 但炸起比較實, 不過蠔仲好 juicy; 蝦餅都好爽, 食到一粒粒肉; 前菜既青瓜粒都好爽脆, 調左些少味唔會好重草青味; 薯仔沙律食左一啖d蛋黃醬都幾好味; 麵豉湯不錯, 仲有d蘿蔔食下)吉列雞扒 + 冷烏冬定食 (烏冬係我喜愛的類型, 雖然唔係十足滿分唔夠滑, 但都叫煙韌彈牙; 有趣的是送餐時無俾到烏冬汁, 剩係得個容器; 吉列雞扒不是很厚, 但可接受, 炸漿都唔係好厚, 但食落比較甩皮甩骨; 吉列醬略為酸左d)滑蛋豬扒鍋定食 (熱鍋上菜熱辣辣, 有滑蛋同洋蔥汁撈下飯都唔錯, 豬扒肉厚但皮當然浸到腍晒, 個人黎講都係鐘意食剩係吉列豬扒)…查看更多