少少咸多多脆的個人專頁

近期香港美食執下一間又一間，難得有一店Made in HKer嘅牛丼舖出現我哋當然一定要第一時間試吓啦😆😆今日係佢哋第二日試業，所以有d位置依然未裝修好，不過環境舒服。餐牌選擇以一間試業餐廳嚟講算幾齊全，價錢同對手差唔多 合理👌俾錢流程都大致順暢，信用卡八達通現金都有齊👍我哋今次就試咗佢哋兩款飯+配菜飲品。先講佢哋既“雙重芝士牛肉飯🧀🐂”L size $55，因為我哋無叫Msize，所以唔知L size係唔係真係多咗180%牛肉🤣，不過牛味幾濃，口感爽口，對比XX家牛飯係好味，而且加埋佢哋獨家牛肉汁好惹味，不過就若然芝士🧀有熱溶🔥過會更好。第二款係佢哋既皇牌“牛魔王飯🐮😈"M size $42,外表平平但食落肉汁豐盛，係勝價比非常高嘅和牛漢堡扒，加埋佢哋由和牛脂肪提🥩煉加上柚子醬🍊調配而成嘅開胃牛魔王汁😈，味道立即提升多一個層次😋，非常邪惡🤤。最後係跟餐加埋“冰紅茶🫖 青菜🥬”$10，冰紅茶清清地無特別，不過用嚟中和返和牛嘅油膩感又的確係唔錯。😝…查看更多

身為稱職嘅港男港女 放假當然要搵返間靚靚Café打返個靚卡啦😘今日我哋就嚟到位於柯士甸站附近嘅樹蛙咖啡🐸 其實我哋好耐之前經過已經俾呢間綠色💚mix💓粉紅嘅轉角咖啡店可愛外觀吸引住，好開心今日終於都食到啦🥰🥰。我哋行到上嚟就俾佢哋活潑開心嘅樹蛙主題設計吸引住，忍唔住未食都即刻打返個打先😆😆。去到點餐嘅時侯老闆娘更非常親切地為我哋介紹咗唔同菜式嘅特點，原來呢度不定時都會推出不同既期間限定菜單，啱曬喜愛新鮮感又鍾意打卡既我地 最後我哋就選擇咗1個沙律+1個主食+1個甜品😋。第一款嚟到嘅係Avocado & Quinoa salad🥑🥗(牛油果藜麥沙律) $98 ⭐️⭐️⭐️⭐️牛油果成熟程度啱啱好，配合藜麥健康得嚟又有咬口，最重要再加埋佢哋嘅酸酸甜甜嘅沙律汁，作為食主菜前嘅開胃菜就啱曬啦😝第二款嚟到嘅係Penne, Parma ham, XO cream sauce (帕爾馬火腿長通粉 配XO奶油醬) $118⭐️⭐️⭐️⭐️⭐️長通粉一直都係我哋嘅喜好之一，佢中空嘅設計可以更有效咁鎖住香濃惹味嘅XO醬奶油忌廉蘑菇汁，再加埋質感柔軟又甘甜嘅Parma ham，中西菜式嘅完美融合，每一啖都係滿滿嘅幸福感，滿分🤤🤤之後到嘅係期間聖誕限定甜品Christmas sweet(士多啤梨🍓桃🍑威廉梨🍐朱古力🍫)$88⭐️⭐️⭐️⭐️在白朱古力做成的外殼上， 鋪滿紅色嘅士多啤梨粉。中間係雪凍咗嘅忌廉內餡混合咗威廉梨+水密桃果肉。食落係果肉既甜甜酸酸又有口感，非常唔錯😝…查看更多

食飽晚飯都係感覺好空虛? 睇嚟又用*甜甜的東東*慰藉我咃寂寞既肚仔了🤤🤤今次我地就嚟到位於葵廣既「蕉積妹」😏🍌未到門口我哋已經俾濃濃既蕉香味吸引住😍，所以當然就要試下佢地嘅皇牌「香蕉煎餅🍌」啦。佢地既香蕉煎餅有4種口味選擇，包括: 榛子醬/ 花生醬🥜/ 朱古力醬🍫/ 阿華田醬。我地就揀左朱古力醬味。香蕉煎餅係即叫即煎，不過只係等左大約10分鐘就有得食😝佢哋會先係廚房為煎餅表面搽上朱古力醬，之後出到嚟會再加上煉奶(份量多少可以同店員講😋）。香蕉煎餅🍌 $36外觀非常吸引😍，一淡食落口就知道完全無令人失望🤤。首先香蕉＆朱古力已經係絕配🥳，少少煉奶嘅點綴令到口感更甜蜜飽滿🍼，煎餅嘅表面更加有一層焦脆香甜嘅焦糖🍯，再加埋裡面嘅香蕉內餡🍌，又甜又香嘅蕉香味道完全滿足到鍾意甜品嘅我哋呀🤤💕🤤。（下次一定要試埋佢哋嘅炸鮮奶😝）…查看更多

又回到無晚市堂食嘅日子， 唯有中午食返好d補數啦🤤今次我哋就嚟再位於銅鑼灣嘅樓上打卡餐廳White Hse.🌷一出電梯門口就即刻見到呢間餐廳佈置得靚靚嘅花花門口🌷，推門入去去會見到經店主悉心佈置嘅花花樓面⚘🌺，餐廳感覺明亮舒服🌞。今次我哋叫咗2款輕食+1杯特飲。第一款嚟到嘅係餐廳最出名嘅「來自地獄的意粉」🔥😈 $135 對於無辣不歡嘅我哋見到滿滿嘅辣椒已經按耐不住要食咗先🌶🤤，首先要稱讚嘅係辣度非常適中，唔會太強烈掩蓋到其他味道，而且意粉炒得野味香口，食落同乾辣椒嘅辣味非常配合，就算唔太食得辣嘅朋友都要試吓🌶🔥😝。第二款嚟到嘅係「香草芝士拿破崙煙肉蝴蝶粉」🧀🦋 $134蝴蝶粉嘅伴碟整得好靚，一上檯就聞到陣陣香草味，配合埋酸酸甜甜嘅拿破崙醬汁🍅剛好可以中和地獄意粉嘅辣味😊，而且蝴蝶粉煮軟硬度剛好有口感，唔錯！😜❤最後嚟到嘅係特飲「蜂蜜牛油果香蕉」🍯🥑🍌 $58熟透嘅牛油果🥑配合埋香焦嘅香味🍌，飲落感覺濃厚飽滿😋，但兩種生果同蜂蜜甜味就有啲啲唔太夾，算少許失色。小貼士: 以樓上餐廳嚟講，無論環境或味道都非常唔錯，唯一最大缺點就係價錢比較貴貴，所以需要懂得上網或Apps搵餐廳折扣訂座優惠🤗…查看更多

聽講銅鑼灣有間性價比超高嘅英國菜餐廳，所以今日就嚟到位於銅鑼灣禮頓道嘅Brunch club & supper。😜餐廳環境設計港西合壁，牆身專登做到半剝落的老舊感，四周都有大量油畫塗鴉做裝飾，坐低後聽到柔和嘅輕音樂，(咁啱當日我地又遇到一班好有禮貌嘅外國人家庭係餐廳慶祝生日🥳)，即刻滿滿外國旅行嘅感覺。😝返到正題😘，我地今次就叫咗2款主菜＆1款甜品。第一款係German herbs sausage in cherry tomato sauce - pasta(櫻桃番茄醬德國香草香腸意大利麵)🍝😋$98(25%off_$73.5)佢咃嘅意大利麵都有幾種選擇，我哋揀佐linguiine扁麵(麵身較闊有咬口)，外觀擺碟已經唔錯，一上檯就聞到陣陣(thyme)百里香香味😝，卷起嘅意粉每淡都沾滿番茄醬汁，味道酸酸甜甜非常開胃，再加埋呈半熔狀態嘅水牛芝士🐮，兩樣一齊食口感非常飽滿☺，咸香酸甜味完美地融合💞🤤，100分！！👍👍第二款主菜係Egg white frittata(蛋白煎蛋餅)🍳🥚$102(25%_$76.5)餡料我哋揀咗煙三文魚、 薯仔、番茄、洋蔥、巴馬臣芝士＆dill(刁草)，蛋餅煎得唔算太香口，不過內餡非常豐富，但味道就較淡，而且多士如果再烤焗多一點會更好，少油少鹽健康菜色。最後就係甜品Caramelized apple with cinnamon crumble(焦糖蘋果配肉桂金寶)🍎$86身為蘋果甜品愛好者嘅我，一見到佢哋有蘋果金寶已經即刻心心眼😍。首先唔講味道，係我哋點菜嘅時候發現佢地嘅金寶有好幾種餅底🥨🥯選擇，有選擇困難症嘅我哋立即滿面煩惱，但店員非常醒目地立即推薦我哋選擇Crepe(可麗餅)，而事實證明店員完全無介紹錯🤤。恕我直言，甜品係我哋今餐最驚喜嘅主角🤩，一上菜外觀已經非常之吸引眼球，可麗餅底上佈滿蘋果簿片🍎、金寶碎🥧＆肉桂香味嘅楓糖漿🍯，整碟甜品係燈光影照之下閃閃發光🌟🥞😍。味道一試已經十分確定係我哋食過最好食嘅蘋果金寶❤，口感鬆脆嘅金寶，配合埋蘋果薄片＆楓糖漿🍯，再加埋中間嘅雲尼拿雪糕＆最重要嘅可麗餅餅底， 口感豐富又甜而不膩🤤，底下嘅可麗餅完全吸收曬肉桂味嘅楓糖漿🍯，好食嘅程度非筆墨可以形容👍👍， 絕對係各位甜品控必試嘅菜式😋。…查看更多

作為我哋首間要寫劣評嘅餐廳，難食嘅程度當然非一般👎😊。今日中午我哋就嚟到位於油麻地嘅Plato Cafe & Bistro意大利(自稱?)餐廳食午飯，我哋今次叫咗兩個$102 Lunch set，有餐包餐湯+兩款主菜＆ 兩杯飲品，另加openrice訂坐附送嘅蜜糖雞翼(本身叫水牛城雞翼,但上菜時店員先聲稱贈送無得選擇🙂)。首先嚟到嘅係「餐包&餐湯」餐包搽上牛油但比較乾硬(只適宜點湯食)。餐湯質感非常清淡😛(但餐湯係羅宋湯)，感覺就係金寶羅宋湯加太多水沖出嚟一樣，淡而無味。第二款嚟到嘅係贈送嘅「蜜糖雞翼」🍯🐥呢款算比較正常味道，雞翼煎得通透，搽上蜜糖醬後有啲似BBQ雞翼🔥。第三款嚟到嘅係主菜「香煎西冷牛扒」🐂 本身問過店員知道用碟上，所以就叫咗5成熟🖐，牛扒嚟到切開都見到適量紅色，筋唔多，但一啖食落去就發現奇「乾」無比🌬，而且完全無肉味😑。非常老實講，大快活早餐牛扒都比佢好食十倍，塊牛扒好似放咗係雪櫃太耐抽乾水份咁，食完一啖已經唔太想放入口。食到最後4分1真係食唔落🤢(非洲兒童我對你哋唔住😫)。第四係另一款主菜「天婦羅早餐」🍤唔好問點解意大利餐廳會有天婦羅😆，不過天婦羅就係呢碟主菜唯一好食嘅東東，炸得都香脆👌。但炒蛋炒得太熟太老又無加奶，所以完全唔滑👎。牛角包一樣做到乾而無味，食第一啖就即刻講咗句「未食過咁難食嘅牛角包🤦🤦‍♀️」。最後係跟餐兩杯飲品「檸檬生薑茶」🍋＆「紅桑子草莓茶」🍓首先要講嘅都係一隻字，「淡」😪。生薑茶只有些微薑辣味，加埋檸檬都唔太覺有咩變化。 紅桑子草莓茶味道比較奇怪，飲落只係一杯好淡嘅莓味支裝飲品😅。…查看更多

適逢追月夜🌝，開心渡過中秋佳節當然又要食返餐好🤤。今次我哋嚟到位於沙田新城市廣場嘅「亞蘇爾」澳門菜😝。澳門菜就係華人版葡國菜，算係香港比較少見嘅中西合壁菜式，係香港未開關之後就等我哋嚟尋找過大海食好“西”嘅感覺啦🤤🕍。餐廳設計以歐洲餐廳風格為主，用木制天花、木制桌椅和牆身掛畫裝飾帶出南歐風格🛶。我哋今次叫咗2款主菜、1款甜品＆1杯cocktail 🍹😜。第一款主菜係「葡國腸松露芝士豬扒包伴薯角」🐷 $78即叫即焗脆口豬扒包👏，豬扒炸得鬆脆通透又入味，加埋松露嘅香味同芝士味道唔錯😝，再配合外表好似臘腸嘅葡國辣肉腸食落有d似風乾火腿又帶有少許煙燻味🐖，加埋新鮮炸起既薯角份量非常滿足😆。第二款主菜係「椰香葡國雞配脆豬包」🐣$138首先講個葡國雞椰香味非常濃郁🥥，食落更有淡淡椰絲，薑黃份量不多不少啱啱好💛，而且食得出加咗少許咖哩底，雞肉鮮嫩軟熟無煮過火，食起嚟嘢味又味道濃厚，再配埋烤焗得鬆脆嘅牛油脆豬包點埋葡汁一齊食，雖然價錢少偏貴，但絕對係我暫時食過最好食嘅葡國雞🤤👍🐣。第三款係甜品「蘋果金寶配雪糕」🍎🍦 $68金寶係一款英式甜品，有啲類似脆面蘋果派，係香脆嘅金寶面之下加咗好多蘋果做基底😋，再配合Movenpick雲尼那雪糕球，可以一啖蘋果金寶一啖雪糕😝（如果再配多杯英早茶就Perfect🥰🥧），不過今次缺點就係蘋果就唔夠熟有少少酸，令到金寶俾雪糕甜味搶曬，有少少可惜。😉最後再嚟多一杯葡式cocktail 「白教堂」🍹 $78以甜葡萄酒＆homemade伏特加做底，再加入大量熱帶水果＆7-up，一杯有夏日氣息嘅甜白'類'sangria雞尾酒🏖😎，不過我哋就覺得西袖味太特出就唔太配合甜酒味道，感覺飲落有少少奇怪🤭。…查看更多

食完個靚晚飯當然要食碗靚糖水，今次我哋就嚟到位於九龍城嘅地茂館。第一款係「桂花薑湯芝麻湯圓」😊。薑汁糖水略顯唔夠辛辣味，但加咗桂花之後令到糖水花香撲鼻(加分)☺，自家製手工芝麻湯圓粒粒圓潤煙韌，芝麻香氣滿溢，味道香甜又唔膩，推薦可以買一盒生湯圓返屋企自己煲糖水食😝。第二款就係女仔必食嘅「桑寄生蓮子蛋茶」😋。桑客生茶湯色澤濃郁，飲落有清清嘅甘甜茶香味👍。 啡色嘅茶葉蛋表面色深，但都唔算太入味，但就係桑寄生茶嘅最佳拍檔💃🕺。不過最有驚喜嘅係佢哋嘅蓮子真係唔會慳，食完隻蛋後發現滿滿嘅蓮子，好似食極都有咁，非常滿足😝👍。…查看更多

疫情關係短期內應該都無機會可以去到旅行😛， 唯有去食香港少見嘅「墨西哥菜」當自己去咗轉墨西哥啦😆🌵。從兩年多前已經會間中幫襯，發現店舖內外裝飾經常都會轉變，而且睇得出老闆好鍾意展示自己嘅珍藏，每次嚟到都會好有新鮮感😂。我哋今次叫咗兩款菜色✌+兩杯飲品✌第一款嚟到嘅係「墨西哥薄餅$108 配 雜菌蘑菇+$10🌮🍄」。輕微煎香嘅墨西哥薄餅表面舖上酸忌廉/牛油果醬/番茄碎🍎，餡料混合車打芝士和巴馬臣芝士粒再加入青蔥， 再加配雜菌蘑菇。微微嘅忌廉酸味🍼配埋混合芝士嘅鹹香味🧀估唔到幾夾得埋😋，牛油果醬嘅鮮果味與加配嘅雜菌蘑菇和青蔥香一齊，令到菜色味道飽滿又有層次❤(大力推薦加配蘑菇😝)°第二款係「芝士焗招牌玉米薄脆$108 配 香辣牛肉+$19🌽🐮」烤焗鬆脆嘅玉米簿脆表面都加咗大量酸忌廉/牛油果醬 及 番茄粒🍅，食落清新唔會太鹹，如果一班朋友飲酒圍埋食簡直一流🤤，但如果無飲酒就會覺得唔太夠味，所以飲酒係「必須」🤣🍻，而且牛肉都略嫌煮老咗😏。（建議加少少檯面上嘅墨西哥辣汁‘TAPATIO’🌶，味道即刻再升級👍）兩杯飲品入面第一杯係「迷迭香柚子蘇打$42🍊」味道甘甜嘅柚子蘇打就飲得多，但加咗迷迭香之後香氣滿溢，變成一杯充滿地中海香草風味嘅特色飲品🏝☺。第二杯係「牛油果奶昔$52🥑」(大推)一飲就知道真材實料，口裏滿滿嘅牛油果蓉香味非常令人滿足，感覺就好似食緊果醬咁，非常有驚喜😍。…查看更多

「大家見面大家食，大家食麵見大家。」，聽說大家食就快換新logo，今次我哋兩個就襯住"金槍人"老闆頭標誌未換之前嚟「大家食」旺角分店試吓味道J唔J得過啦。😝今次我哋叫咗兩款麵🍜第一款係「番茄湯手攪麵 配 牛腩蘿蔔/過山雞🐔」。 色澤金黃嘅過山雞肉💛，咬落輕微鬆脆嘅雞皮，肉質細膩，加埋濃濃嘅煎油香味配番茄湯底嘅酸甜味🍅非常吸引，牛腩炆得夠淋夠入味，手攪麵爽口彈牙唔會煮過龍，咁嘅價錢食如斯質素💕，真係抵到爛🤤。第二款係「麻辣削搖麵🔥 配 牛肚/炸雞翼🐥」。為咗遷就非常“食得辣嘅我”🙋‍♂️，所以我哋就揀咗~小辣~，食落唔太辣，有輕微麻辣香😋，湯底味道唔錯，骨湯加咗腩汁令味道非常濃郁🤤，削搖麵類似刀削麵，但麵身夠薄易夾👍，牛肚一樣非常入味，炸雞翼炸得通透鬆脆冇過火🐣。最後😈仲有個隱藏boss，就係附送嘅辣菜脯，辣得香口又過癮，正😝🔥（想試嘅朋友記得要剔✅紙上空格呀～）…查看更多

元朗又係一個出名多好嘢食嘅地方，今日我哋就嚟到位置隱蔽嘅麵店「彩」，一試佢哋嘅沾麵🍜味道如何啦。😚舖仔細細門口位置掛住一個大紅燈籠🏮，係夜色襯托之下立即有滿滿日本深夜食堂感覺🗼🌃，因為坐位唔多嘅關係，我哋大約等咗半個鐘，店員係我哋就快入坐前先落定單，減省咗等食嘅時間😋。(特別提醒每碗麵都會配有叉燒/紫菜/荀/蔥 同埋糖心蛋,如果有朋友要走任何配菜記得要係門口落單時講定哦😜)。「彩」另一個特別之處在於佢哋不定時會更新沾麵嘅口味同埋配菜嘅款式，而且大多都唔會預先公布，令食客每次嚟到都會有新發現😝。第一款嚟到嘅係「原味豬骨湯 配黑胡椒麵」🤍。原味湯底豬骨味道非常明顯，試落會有少許昆布味，但又唔會過份油膩😝，濃郁程度剛好足夠掛麵，但直接飲都唔會覺得太咸，配合黑胡椒麵嘅小小辛辣調味🔥，非常不錯。👍第二款到嘅係「黑蒜油湯 配小麥麵」🖤。湯底黑蒜油蒜香味吸引，味道濃厚，但少許太咸，並且加埋蒜油令到湯底較油膩，不太適合直接飲（因為會肚仔受不了🤣）。不過小麥麵嘅軟硬度適中，麵身夠滑，而且食落會有些許小麥味，加分。😝配菜方面：叉燒咬落鬆化夠淋， 但肉味偏淡，如果輕輕煎香會更好，4⭐。 流心蛋嘅時間掌握得好好，做到只有蛋黃中間流心💛🥚，5⭐。今期因香港雙層電車得到世界最大車隊紀錄，紫菜上印有香港特色嘅電車圖案，幾驚喜😊。最後加返支靜岡抹茶可樂(不過無咩抹茶味)，為今個周未嘅晚餐畫上句號。…查看更多

深水涉因為憑住舖位多租金平(相比旺區🤭)嘅因素成為Café餐廳嘅集中地，今日我哋就嚟到深水埗嘅「Minimal 迷你毛」，試試佢有冇過人之處啦！😋我哋今次叫咗兩款甜品🍨+一杯飲品🥤第一款係最多人推薦嘅「薄脆拿破崙」😝，令到我哋喜出望外竟然係配菜雲呢拿焙茶味雪糕😜，首先焙茶味好特出又唔太甜，而且佢哋竟然係雪糕表樣加上💥爆炸糖粒粒💥🍦，令到口感非常奇妙，值得一讚👍。但就算配角咁出色都代替唔到主角🤗，食拿破崙第一個感覺就係新鮮出爐嘅薄脆口感非常鬆脆💫，之後就被濃濃嘅榛子味道充斥於口腔，因為重點在於加咗原粒新鮮榛子＆吉士醬及榛子醬，吉士醬不只喺襯托，而且更帶動到榛子味道更加飽滿，每一啖都令到人食到停唔到口🤤。(🧒🏻!!必食!!👧🏻)第二款上檯嘅係「Tiramisu意大利芝士蛋糕」☕， 忌廉表面灑滿朱古力粉，中間有一個咖啡味蛋糕底， 聞到嘅咖啡味明顯，味道香甜，不過食落咖啡味並不明顯，作為Tiramisu不太合格，但作為芝士蛋糕算唔錯😉。(建議大家上檯後要盡快食用，免得忌廉融化😝)最後我哋叫咗一杯「火龍果乳酪」🥤😊，紫紫💜紅紅❤嘅外觀本身就好吸引，加埋火龍果肉嘅鮮果甜香＆輕微酸酸嘅乳酪，健康又開胃。😋…查看更多

食完晚飯未夠喉，所以就嚟到位於土瓜灣嘅「浩記甜品」！😆今次就嚟試吓呢間坐鎮旺角三十年嘅糖水舖搬咗嚟土瓜灣之後可唔可以再次觸動到我哋嘅味蕾啦👅我哋叫咗兩款糖水：第一款係最知名嘅「蓮子桑寄生蛋茶」💃👍。呢款每月女孩子必食嘅養生佳品，飲第一啖立即感受到桑寄生蛋茶嘅甘甜，完全唔苦澀，蓮子夠飽滿大粒，同旺角老舖一樣，每次食完都會暖在心頭。（但小缺點係熟蛋依然未夠入味，所以建議大家用湯匙輕輕切開蛋白，令蛋黃與茶湯融合再一齊食🥚🥄😋）第二款我哋揀咗熱食🔥「生磨芝麻糊」。一上檯第一個感覺就係濃濃嘅黑芝麻香直撲鼻腔👃😍，糊身濃郁掛羹，甜度適中唔over,口感飽滿無渣😝，自問係芝麻糊控🖤嘅您必定唔可以錯過。😜…查看更多

襯住而家去土瓜灣咁方便，老舖價錢又未大轉變，我哋今日嘅晚飯就決定嚟試下位於土瓜灣嘅「麵麵棧」啦😘。第一款先叫咗最多人食嘅「南乳豬手撈麵」😋。首先要提嘅係招牌豬手🐖炆到又冧又入味，冧嘅程度近乎用筷子就可以骨肉分離🤗，而南乳汁味道亦非常特出，微咸微甜，同時帶有少許酒香， 配埋軟硬度適中爽口嘅竹昇銀絲幼麵伴南乳汁一齊食簡直一絕😝。第二款係「沙嗲牛肚湯麵」😌。牛肚煮得爽口，麵身軟硬度亦適中，值得一提嘅係佢哋大地魚湯頭鮮味充足，作為牛肚麵算合格👍，但失敗在於我哋叫咗湯麵，沙嗲味俾湯底沖走曬，食唔出沙嗲味之餘令到湯底變得太咸🤣…查看更多

天氣忽然涼涼哋，我哋忽然包癮起，所以今晚就嚟到位於深水埗嘅「添福小食」。舖仔細細只做外賣，但舖頭外觀都經過精心裝飾，旁邊鐵閘更有一幅靚靚油畫，有興趣嘅朋友記得過嚟打埋卡啦。💛因為我哋本身唔太肚餓但又想食漢堡嘅關係，所以就只叫咗個「芝士黑椒牛肉漢堡」🍔一齊食😋。即叫即做等咗大約10分鐘，漢堡外表唔算特別，但一淡咬落去就知道唔簡單😆，手打牛肉漢堡扒🥩細嫩多汁，但同時又保留到小許筋肉，做到真正手打牛肉嘅應有口感👍，芝士熱溶於肉面，再加埋黑椒汁同埋少許茄醬， 輕微酸酸辣辣，惹味又醒胃。👏👅…查看更多