安婕婕的個人專頁

天氣熱有時真係無胃口唔知食乜好，爭鮮外帶壽司真係幫到我！平平地一盒飯其實已經可以係好豐富好滿足既一餐！爭鮮外帶壽司有好幾款飯 $36 - $55，包括：三文魚帶子丼飯、三文魚丼飯、鴛鴦大丼飯、三文魚沙律拌飯、幸福鰻遊丼、鯖魚丼飯同三文魚親子丼。$48 鴛鴦大丼飯係我個人既首選，有三文魚同油甘魚，三文魚同油甘魚既質素無因為係丼飯既關係而覺得差左，同平時刺身無乜太大既分別，仲有 4 種唔同既配料撈飯，蜜汁蝦酥、中華沙律、蒜味螺肉同埋雞蛋絲，又魚生又配料成個丼飯都唔會無餸撈飯，性價比真係超級無敵高！…

賀苗記包點在元朗都算係幾出名，經常大排長龍，大多數人為既都係招牌生煎包，$20 有 3 個，價格親民，唔少元朗既學生街坊成日幫襯！聽聞一個好味既生煎包，皮薄底脆、汁豐肉鮮缺一不可。賀苗記包點既生煎包絕對稱得上係一個好味既生煎包，皮唔只薄，非常軟熟，而且個個生煎包既底都係煎到金黃香脆，個個生煎包一咬都爆汁夠哂汁豐，生煎包入面既肉餡鮮甜，新鮮出爐，熱辣辣，味道濃郁，口感層次豐富，一個人食 3 個生煎包好似都唔夠！…

去 TERA 最鐘意就係明太子蟹肉扁意粉（明太子、蟹肉、蟹子、紫菜）$148 ，啖啖鮮甜蟹肉，超濃厚忌廉加入明太子點綴，食到停唔到口，越食越上癮！追加左煙三文魚（兩朵）$36，煙三文魚既咸香，配上明太子蟹肉扁意粉，簡直係完美！仲鐘意每日限量供應既金箔 Nutella 梳乎厘班戟（可可豆榛果仁醬、金莎朱古力脆脆、金箔榛子朱古力碎）$158 ，鐘意​​ Nutella 一定鐘意金箔 Nutella 梳乎厘班戟，濃厚嘅 Nutella 醬浸滿成個 梳乎厘班戟，又香又濃又鬆軟，每份梳乎厘班戟都保持鬆軟同埋脹卜卜全因為即叫即製，同明太子蟹肉扁意粉一樣真係食上癮！…

唔知點解一想打邊爐就會諗起湊湊火鍋‧茶憩，而家有雙人套餐 唔錯！鴛鴦鍋（10選2）、肉類（6選2）、海鮮類（4選1）、丸滑類（4選1）、主食類（3選1）、蔬菜類（2選1）$698！原價 $938！套餐價格包括 2 人優惠自助，服務費另加，套餐不可與其他優惠或折扣同享。鴛鴦鍋：紅顏笙花膠鍋 & 清涼椰子雞；肉類：美國特選級牛肩胛 & 美國特選級牛後胸；海鮮類：基圍蝦（活）；丸滑類：企鵝丸（墨魚漿製）；主食類：油條；蔬菜類：皇帝菜。飲埋杯送既迷你沙冰，再食埋個甜品紅豆布甸，真係大飽口福！湯底唔只係湯底，紅顏笙花膠鍋 & 清涼椰子雞真係當湯飲！紅顏笙花膠鍋好濃好好飲，清涼椰子雞既雞係分開上，所以想食先淥，雞就滑唔會太老！飲完湯先開始淥牛，牛肩胛 & 牛後胸一款偏肥一款就偏瘦，口感唔同，鐘意食牛既兩款都鐘意！食得出基圍蝦（活）好新鮮…

麥當勞真係成日都會幫襯，但係原來一直無寫過麥當勞既食評！元朗廣場既麥當勞係24小時營業，上年年尾進行左餐廳裝修工程成半個月，環境光猛左，坐落又舒服左，大大隻字寫著 DELICIOUS BURGER，仲有幾幅食物既畫作裝飾下，成個感覺同裝修之前完全唔同。有無諗過自己去麥當勞食得最多係邊個餐？我去麥當勞食得最多係 6 件麥樂雞 $29 套餐，6 件麥樂雞套餐係麥當勞最平既套餐，豬柳蛋漢堡套餐都要 $30！$29 麥樂雞套餐都有得揀麥樂雞滋味醬，分別有甜酸醬同燒烤醬，其實兩款麥樂雞滋味醬都唔錯！兩款都會揀，有時揀甜酸醬，有時就揀燒烤醬。最值得一提既係...... 經典的脆薯皇回歸了！為左「脆薯皇」 $29 麥樂雞套餐加左 $3 變成 $32！一直覺得麥當勞麥樂雞同其他既麥樂雞唔同，出面既麥樂雞真係無麥當勞麥樂雞好味！堂食特別好味，麥樂雞外面金黃酥脆，內在鮮嫩多汁。脆薯皇同 shake shake 薯條一樣都係食唔停口，脆薯皇薯味濃郁，外脆內軟，難得回歸，無理由唔把握機會品嚐脆薯皇經典香脆滋味。…

對松記糖水既 SUMMER 念念不忘，好耐之前食過一次就愛上！自此之後去得松記糖水都係為左 SUMMER，真係連自己都覺得誇張！SUMMER 係松記糖水極受歡迎其中一款甜品，由多款新鮮水果配上兩款自選雪糕球，加上大西米，仲有鮮芒果汁同埋忌廉奶既配搭，實在令人回味無窮！原本仲想叫「鮮果雪糕窩夫」，無就轉左「鮮果雪糕黃金酥」，可選芒果／香蕉，即叫即做需時約 10 分鐘！之前無試過黃金酥，估唔到又幾特別，睇個樣似班戟，但係食落又好薄身好脆口，面層既朱古力醬配埋黃金酥好好味！…

放假唔知去邊食早餐好，心血來潮諗起好耐無去華嫂冰室，特登過去屏山幫襯下！11點去到要撳飛等位，好彩等幾張就有檯喇！去華嫂冰室必叫「招牌芝士鹹牛肉蛋豬仔包」，芝士同埋鹹牛肉真係絕配，加埋隻煎蛋既豬仔包口感好豐富，暫時就無搵到其他地方有華嫂冰室整得咁好食！仲有「菠蘿包」都係必叫，非常鬆脆！而且菠蘿包係可以有好多唔同既組合，菠蘿油又得！單拼雙拼配芝士、鹹牛肉、火腿、蛋、午餐肉…… 不過最鍾意都係「淨菠蘿包」。食完咸既「招牌芝士鹹牛肉蛋豬仔包」就食下甜既「菠蘿包」，或者一啖咸一啖甜都係唔錯既選擇！…

一直以來最鐘意食既就係三文魚，去元気寿司無理由唔食三文魚，無意中發現原來元気寿司係採用來自挪威養殖既三文魚片同埋魚肉，掛唔知得口感係幾好唔錯。相信鐘意食三文魚既人，大多應該都會鐘意食「花之戀」，元気寿司既「花之戀」絕對唔會令人失望，每次去元気寿司都一定要食！兩大塊三文魚包著舊飯，上面仲有蟹籽同沙津醬夾埋一齊！「火炙大切三文魚腩壽司」有得叫既話一定會叫，曾經試過係售罊，元気寿司既三文魚腩非常之肥美，誇張少少咁講真係齒頰留香！食完「火炙三文魚腩壽司」之後個口仲會有一陣味停留，特別係「火炙大切三文魚腩壽司」比起「三文魚腩刺身」既口感更加突出！…

好耐無去屯門市廣場，二人行想去食午餐，行過就見到呢間餐廳環境唔錯就入左去坐低，估唔到 Lunch 都有好多選擇，意大利麵、意大利飯、全日早餐、鬆餅、吐司、漢堡、薄餅、焗鴨、燒雞、爐魚、比目魚、豬鞍扒、牛扒，應有盡有。揀左餐牌最貴既澳洲安格斯板腱牛扒．日本雞蛋配烤蔬菜焗薯角 ，本身就唔係特別鐘意薯角，但係容許誇張少少咁講之前真係未食過咁好食既薯角！澳洲安格斯板腱牛扒 5 成熟係無令人失望，肉味幾濃郁！再揀左酥炸軟殻蟹咸蛋忌廉意大利麵，咸蛋忌廉意大利麵比較似係主角，酥炸軟殻蟹成為左配角，因為咸蛋忌廉意大利麵好出色，反而令到酥炸軟殻蟹變得好普通，第一次食咸蛋忌廉意大利麵，出奇地咁夾，真係食唔停口！Lunch 免費送精選飲品（1杯），揀左熱奶茶同埋凍蜜桃紅茶！加配餐湯及餐包 $15 ，是日餐湯係椰菜花湯，原本有少少擔心椰菜花湯會唔會唔係咁好飲，最終係成碗飲哂，仲有一舊細細舊餐包送湯唔錯！…

去香港迪士尼樂園多數都係食彗星餐廳，因為好鐘意彗星餐廳既特色麵食「讚岐烏冬套餐」，讚岐烏冬配黑蒜油豬骨湯好好味！有 $145「珍寶蟹棒及海鮮」同 $135「日式叉燒」兩款餸可以揀，日式叉燒真係好日式，比得上平時食開日本拉麵既叉燒！套餐仲包括16安士汽水或紅茶花伝™CRAFTEA™檸檬茶。特色飯食「日式牛肉滑蛋飯套餐」$145，牛肉滑蛋同飯既比例非常好，唔會唔夠牛肉滑蛋撈飯，一啖餸配一啖飯絕對無問題！套餐同樣包括16安士汽水或紅茶花伝™CRAFTEA™檸檬茶。…

九龍城果間泰發泰國餐廳之前寫過話係個人最鐘意既泰國餐廳，原來除左係九龍城有得食之外，原來元朗同屯門都有得食。元朗泰發泰國餐廳雖則舖仔細細，但係都坐到20人，睇落餐牌同九龍城幾乎係一模一樣。菠蘿海鮮炒飯好似係去泰發都一定會點既菜，今次菠蘿海鮮炒飯既配料魷魚就非常之有驚喜，唔知點整可以整到完全唔韌，仲要好腍，同平時食既魷魚好唔同，$65碟菠蘿海鮮炒飯真係超值！得一碟菠蘿海鮮炒飯唔係好夠既，再嗌一個餸黎送飯就岩岩好，想有菜又有肉，燒豬頸肉生菜包就一次過可以滿足哂兩個願望！燒豬頸肉大大塊，酸酸辣辣好開胃好有泰式風味，送飯一流！…

天氣涼涼地即刻好想BBQ，一諗到BBQ好自然諗到去大尾篤，估唔到同我一樣想法既人咁多，想去果間打電話去預約無人聽電話，去到要等位，起碼等一個鐘先有位......等太耐喇逼於無奈唯有轉場，初初毫無頭緒唔知試邊間，途經見到大美督嘉年華燒烤，門口既宣傳單張又幾吸引，任食任玩4hrs，成人$218，每位送2個指定飲品（汽水或蒸餾水）。估唔到原來而家BBQ有爐揀，仲要唔只得一款爐，有4款爐可以揀：韓式爐、港式爐、重慶爐、新登場既泰式爐！因為之前未幫襯過，所以揀港式爐好似就最穩陣，開爐費$60/個，每爐可容納10位使用，包括：2包木炭3kg+1樽蜜糖+1包紙巾+1個自取食物餐盤+每位燒烤叉1支。50款美食任揀，醃製肉類不含味精，基本上有齊一般燒烤食物！質素方面無令人失望！…

之前去台北洪瑞珍三文治既係必買既手信，2020年係香港屯門市廣場開設左第一間分店之後越開越多分店，而家好似已經開左十幾間，想食洪瑞珍三文治唔需要飛去台北或者搵代購買喇！唔知幾時開始洪瑞珍三文治係香港製造，不過完全唔影響風味，同係台北食既幾乎一模一樣，而且而家仲多左好多唔同既口味。係台北最鐘意滿漢三文治，簡單配料卻有最紮實的口感、 火腿、 起司、 蛋皮的三料享受😍👨‍🍳美味的秘訣，在於吐司裡奶油與美乃滋的黃金比例，濃郁奶香的口味卻又不油膩，令人一試吃不停！❤️‍🔥招牌火腿三文治，鬆軟綿密的奶白吐司夾上火腿及蛋皮，再搭配特製的美奶滋及香滑帶甜的奶油，此完美的組合讓看似平凡的三文治有著不平凡的味道，成為讓人無法抗拒的美食，大口大口吃下滿滿幸福感 💕 真的會讓人吃上癮呢 😋稱得上「招牌」當然有它優勝獨特之處因為買3送1試下新既口味，🌟泰辣雞肉三文治，🌶️辣味之選！爽口不膩！每一口都能嚐到辣味雞肉，超強滿足感！仲有⚫黑松露火腿三文治⚫用🇮🇹意大利黑松露醬再溝埋自家秘製奶油搞出個「⚫黑松露奶油醬✨」，一啖咬落去——😲嘩！陣松露味濃到不得了！夾埋煙燻味濃到出煙嘅鹹香火腿片🍖，再疊加埋蛋皮同秘製沙拉醬，個口感豐富到呢🥰……

之前經過河景餐廳見到有喇沙食，今次專程要過黎試下！睇菜單河景餐廳主打亞洲特色 & 喇沙，喇沙有雞肉同埋海鮮兩款。如果唔想食喇沙既話，有牛油雞、巴東牛肉配椰漿飯，仲有黑蘭度豆配印度香飯及印式烤餅。第一次食就更係試左喇沙先！分別叫左雞肉同埋海鮮喇沙，雞肉喇沙除左有雞肉，仲有半隻蛋、豆卜芽菜做配料，而海鮮喇沙就有帶子｜蝦｜魷魚同埋半隻蛋、豆卜芽菜做配料。河景餐廳既喇沙湯底真係唔錯，湯味濃郁香噴噴，忍唔著係咁飲D湯，喇沙呢個既質素絕對拍得著出面餐廳。…

RUD 燒肉主打無煙燒肉，平時食完燒肉成身都係燒肉味，但係食完 RUD 燒肉身上係完全無燒肉味，好神奇！定食選擇有成 10 款，有牛有豬又有雞，牛既都有好幾款，平既有牛胸腹、牛舌、Karubi 牛肉片、牛小排、牛五花，貴既有美國CAB 安格斯肉眼扒、北海道十勝黑毛和牛片。燒肉一碟 100g，可以揀 g，定食包括：日式海苔味噌湯、飯、椰菜絲，可以升級 +$6 紫菜珍珠飯或者 +$10 紫菜玉子飯，唔夠食既話可以加配各款肉類、燒物、小食...... 個人覺得RUD既牛係最出色，不過只係食牛可能悶左D，所以揀左必食之選牛胸腹同 CP 值 UP 豚腩肉，誠意推介燒物 $12 日式一口甜薯、$12 泡菜小食。牛胸腹連紫菜珍珠飯真係絕配，估唔到200g好似都係唔係好夠，好彩仲有 100g 豚腩肉，好滿足既一餐！…