lauwai1220的個人專頁

一碗粉仔有三份一係肥豬肉（冇炸過的肥豬肉大大舊的），夾埋超過十舊，唔知佢賣粉仔定係賣肥豬肉。以前街坊價十蚊一碗加到而家廿五蚊一碗，份量越來越細，絕對唔抵食！味道方面都仲可以接受。…查看更多

叫左個兩餸米線，蘿蔔同豬肚。上檯見到有三舊白色唔透的蘿蔔，正常煮得熟嘅蘿蔔應該係有些少透明，但係呢三舊咬落口又硬又唔入味；豬肚仲離譜，有五條比牙菜粗少少的豬肚絲......雖則冇寫明包幾多舊豬肚俾你，但係都唔係少到咁，一隻湯匙都裝得落有位淨，扺唔扺食就見仁見智啦！唯一好嘅野就係個米線同湯底味道如舊，但係點都係冇下次。…查看更多

由新開張幫襯到而家，越來越難食。之前有次叫了咖哩牛腩飯，得一舊牛腩同兩舊牛根，其餘十幾舊全部薯仔。今日幫襯叫咗黑椒焗牛柳帶子意粉，一上枱見到成碟野黑色，牛扒同帶子個面燶唒。有得揀唔會再去。…查看更多

專登開個account寫食評，因為食物水準好差。叫了一個三文魚親子帆立貝丼，食第一啖覺得D飯熱熱地，質感好林；再食第二啖，感覺好酸，落得太多醋。同樓面講叫佢換一碗，佢只肯比過一碗飯我，唯有接受。過兩分鐘佢竟然莊一碗熱辣辣嘅飯比我！本身我唔期望魚生有好高水準，但連飯都煮得難食，隨時招牌不保。108加一，爭鮮幾件壽司搓埋仲可能好食D。中肯D講，女友叫了汁煮牛扒石鍋丼，質素可以接受。…查看更多