Raelyn Cheung的個人專頁

楊枝甘露賣相已經唔吸引，吃落味道似係人工芒果漿，有陣化學味🤯 芒果唔多，而且已經融融哋咁嘅樣，唔覺得新鮮，份量又小，唔明點解會話係招牌。本身見到幾多好評先去試吓，好失望😩…查看更多

雞煲已經煮好晒先拎上枱保温，一開始食啲雞肉已經嚡，調味一般。點咗胡椒豬肚湯底，餐單幅圖有成半隻雞同埋豬肚，但上枱時雞同豬肚都見唔到，只有湯水同咸菜，好失望，湯底嘅味道ok。火鍋配料落單初時兩三轉都有嚟，之後等好耐都冇上。忍唔住問究竟有冇收到落單，職員check 完返轉頭叫我哋再落。再落之後亦都再向職員確認有收到落單，但走之前都冇上到，只係上咗幾碟其他冇點嘅牛肉😓。其實OpenRice 上面啲好評係點嚟？…查看更多

諗住呢間冰室新開去試吓個下午茶，環境係幾光猛，但食物質素認真唔多掂🤦🏻‍♀️ 員工亦令人好無言。叫咗碟$49 乾炒牛河，一上枱發現只係暖暖哋，喺微波爐叮2分鐘都熱過佢🙈 一夾發現成碟牛河都係碎！的！😭 揾晒成碟都係得3塊薄牛肉🥹 味道都只係一般。再望吓隔離枱人哋啲炒飯炒麵👀 全部一睇都知係冇鑊氣的。員工安排都令人好無言😔 同朋友2個人，見到有2人卡位諗住坐，點知個員工話：「啲卡位我要留返嚟畀人搭枱。」叫我哋去坐其他座位😭 之後佢就安排咗兩個唔識嘅人坐嗰個卡位。其實都係兩個人，畀卡位人哋搭枱係咩玩法🤷🏻‍♀️環境就高級茶餐廳，食物質素連一粥麵都好過佢🙊 其實樂富廣場有咁多間餐廳，冇謂貼錢買難受😓…查看更多