簡飲簡食的個人專頁

呢日同朋友各order佐一人火鍋只要88～就食到超級飽我地嗌既湯底都係沙茶湯底，感覺沙茶味十分濃郁！入面已經already有好多蔬菜，我嗌既肉類係吊龍，同個湯底非常夾🥹食到肉質既彈牙！朋友嗌既肉類係豬板筋，原來係一條條嘅，店員好細心提醒我哋煮15秒左右就夠，食落好爽口，唔會肥膩除此之外每個人中有個菜籃，入面都有成4 5樣蔬菜🫶呢個一人邊爐感覺非常之健康啊～而且每款蔬菜都十分新鮮！套餐入面仲包埋五款丸😼我個人好中意粒芝士丸～同出面d芝士丸唔同食到好香魚丸～我朋友覺得魚皮餃最好食套餐仲可以烏冬、米線、蟹黃麵、出前一丁四揀一，我哋都嗌咗烏冬，份量超多😂索晒沙茶湯底好正，食完真係好飽我同朋友都嗌咗酸梅湯，佢用個熊啤啤樽裝住好可愛🐻好開胃解膩，又唔太甜呢度環境都闊落，坐得幾舒服，好啱同朋友收工過嚟邊一邊爐～…查看更多

嗌咗2碗拉麵，侍應提醒張單夠$100就可以扭蛋一次，點知好好彩抽中咗一碗免費拉麵🤩🤩🤩簡直係買一送一，黐線😂（黑郎君）黑蒜拉麵朋友嗌嘅，忍唔住偷食咗幾啖好香濃嘅黑蒜味😋湯底好好飲，食完拉麵都忍唔住飲多幾啖～（柴郎君）鰹魚醬油拉麵呢款就偏清淡，但都好食～叉燒好軟熟😋溏心蛋偏紅色，蛋味香濃🤤食完仲有啲黐牙🤣🤣🤣埋單每人唔使$50，仲唔使加一環境好，味道好，服務又好，性價比好高！🤩…查看更多

見到佢門口有QR code落單，我貪方便就網上落單+畀錢，點知就出事喇本身網頁話要等15分鐘，我等咗15分鐘之後入去舖頭問，點知佢哋話冇收到張單😧咁個店員話幫我整嘢食，我就出返去餐廳外等，結果又等咗10分鐘都未有，我就再去問，見到佢哋仲整梗部接單機個店員竟然話啱啱先收到張單，依家幫我整嘢食😧😧😧啱啱又話幫我整，但依家都未整？我同店員講想退錢，佢哋竟然叫我自己㩒退款，但個網完全冇呢個制，乜退款唔係餐廳先做到咩，點解要叫返個顧客自己退？餐廳究竟識唔識用個網上平台？我同佢哋理論完一論，最後都係幫我即刻出餐但個店員居然叫我喺佢哋角度諗吓，話餐廳未接到單，問我會唔會幫佢整我真係O晒嘴，點解你又唔喺我角度諗吓？我等咗你哋15分鐘又15分鐘，點解餐廳嘅錯誤要顧客埋單？最後佢哋5分鐘內都出到餐，原來出餐係咁快，咁點解唔可以喺我第一次問佢哋嘅時候出餐？其實我以前食過茶語都覺得唔錯，而茶語同附近嗰間茶點係姊妹店，茶點我都畀過好評佢哋，佢哋以前舖頭叫日月居，我都係由細食到大，今日第一次遇到咁嘅情況真係好失望希望餐廳可以好好檢討吓服務態度臨走前聽到佢哋話門口個QR code 落單都唔會用，諗住嚟梗唔再用，大家如果仲諗住嚟食，千祈記得唔好用門口QR code 落單，以免中伏…查看更多

平時間中都會食吓素，呢間係第一間令我失望嘅素食店🥲雖然價錢都偏貴，見 OpenRice 冇乜負評就試吓前菜有小食同沙律，味道不過不失主菜我哋揀咗蕃茄醬猴頭菇蒟蒻麵 & 墨西哥芝士夾餅蒟蒻麵先上菜，隔咗25分鐘先上芝士夾餅，我哋2個人已經食完碟麵先有夾餅食，呢個上菜速度真係令人失望（仲要舖頭其實得一半人）同埋前菜已經有沙律，主菜又有沙律，重重複複有啲悶⋯⋯（btw芝士夾餅個沙律醬係好食啲）另外份量有啲少，食完好似冇食嘢咁，越食越肚餓⋯⋯（不過我哋自己嗌錯嘢，因為唔記得咗蒟蒻麵係唔飽肚，但估唔到個芝士夾餅都咁細份😂）最後其實已經冇乜期望，只想快啲食完走人去第二間再食但個甜品一嚟真係呆咗，個雪糕好似得半羹，真係少得可憐⋯⋯雪糕其實幾好味，仲見到有雲呢拿籽，幾香口唔知雪糕係咪都係vegan，咁我都理解vegan 雪糕係貴，但其實都可以換個細啲嘅碗仔，或者加一舊窩夫之類嘅甜品落去，顯得冇咁細同單調，就咁半pat 雪糕令人覺得好hea埋單連加一每人要$185，其實唔係唔好食，但份量細，出餐慢，仲要喺工廈，收呢個價真係偏進取，希望可以改善吓…查看更多

平時同朋友都好鍾意食川菜，今次去到呢度樓上舖頭平平無奇，不過味道一流環境裝修好有中國風，掛咗燈籠等等嘅裝飾，幾舒服，好啱一大班朋友嚟食飯椒鹽鮮魷魷魚炸得好新鮮，熱辣辣，又爽口😋唔會太油膩黃金豆腐炸得啱啱好🤤外脆內軟，豆腐好嫩滑，食到停唔到口麻辣土豆絲好鍾意食土豆絲😋😋😋土豆絲好爽口，切得好細，又唔會太辣，好大碗，食到好似食麵咁😂好開胃上湯娃娃菜清新之選～食咗咁多辣嘢炸嘢，梗係要食碟菜清下腸胃，娃娃菜望落雖然好普通，但其實好鮮甜，份量仲好多配上杞子好清甜，又養生炸饅頭必食之選～炸饅頭配上煉奶真係好正😍饅頭係細粒嘅饅頭，啱啱好可以一啖食晒，好正…查看更多

今次試咗燒肉Omakase第一次食 好特別 食物質素高😍環境好有情調 服務態度仲好好👍🏻🌟先付前菜有蒜頭、牛蒡，龍蝦沙律 每款都新鮮，開胃🌟季節魚刺身（三款）鱆紅魚，牧丹蝦，火炙銀鱈魚🐟大大片 夠晒新鮮 鱈魚食落去魚油味留喺口入面好香，鱆紅魚刺身肥美 第一次食口感好好🌟日本產極上和牛盛 （五款）食完前菜 準備開爐試今日嘅主戲和牛盛🥩：有里脊肉、中腹肉、三角腹肉、肩胛肉、牛肋條睇落去油脂分布款款都唔同 花紋好靚😍不同位置 有不同口感💓三角腹肉 油香味好重，肉質好嫩！肩胛肉脂肪多 加上肉質豐厚 咬口十足‼️每款牛味好濃郁 我習慣燒到半熟加海鹽 咁先食到真正牛味🥰🌟汁物牛骨湯清甜 用料豐富好好好飲🥣🌟野菜鮮冬菇、南瓜同埋洋蔥 燒一燒更香口👍🏻🌟食事蕎麥麵 配特製濃湯 清甜解膩 🌟甘味甜品柚子雪葩 酸酸甜甜好滿足…查看更多

環境氣氛幽暗 好浪漫無輪單點或套餐 選擇都好多✨前菜有 吞拿魚沙律🥗沙律菜好新鮮 同吞拿魚好夾驚喜嘅周打蜆湯 白湯味濃🥣蜆肉好鮮味 正宗西式湯 加埋麵包一流主食叫咗 蘋果蓉T骨豬扒🐖豬扒比我想像中更綿 完全唔乾身好Juicy呀 特製醬汁係蘋果蓉🍎第一次食 酸酸甜甜開胃之餘又唔搶味呢個豬扒超級推薦👍🏻慢煮牛肋骨🥩 精髓就係 夠軟身佢可以做到 用叉就起到肉 少少紅酒味煮到入晒味 肉質嫩 仲會有醬汁配搭好少見一個咁有特色嘅主食😍同朋友嘆返杯特調Cocktail Mocktail🥂食埋甜品拼盤 泡芙 奶凍 Tiramisu 就更滿足😆…查看更多

環境幽暗 除咗有格調之外每個座位寬闊而且有特色掃code點餐前 湯底不可缺少限定自貝海鮮鍋+番茄牛膝骨鍋（鴛鴦鍋）不得不提 海鮮鍋有一個好大嘅驚喜會見到完全奶白色 入邊非常多海鮮開始請記住飲一啖頭湯 濃郁海鮮味出晒來蕃茄湯 落足料 牛膝用咗好長嘅時間熬成可以直接食用 用嚟涮和牛更加一流小食類 台灣小香腸 排到滿滿 香口軟硬適中企鵝丸（墨魚漿製）性價比高 份量多濃郁嘅墨魚香味 外型到內 都好吸引蔬菜係必食 皇帝菜新鮮 吸晒湯鮮味 正呀脆吳郭魚片 爽口 魚愛好者就唔好錯過牛小排雪花均勻 涮幾秒食 就更保留牛鮮味特色飲品大紅袍鴛鴦，大紅袍珍珠奶茶仲有各款用茶製嘅台灣飲品 每款都大大杯而且味道絕對有台灣特色…查看更多

路過想飲杯嘢，見到有番石榴奶蓋，仲有芝麻奶蓋揀，幾特別就試吓估唔到一飲驚人😨番石榴係真材實料，好fresh 好清甜，但又唔會死甜，真係原汁原味番石榴！仲食得出啲核～但美中不足都係啲核😂碎咗好似食緊沙咁，差啲哽親🤣如果可以隔走啲核就完美！！！至於芝麻奶蓋都好特別🤤好似冇咩地方有芝麻味揀好似食梗芝麻糊咁香濃😋做奶蓋又真係估唔到咁夾！飲完成杯都唔會膩～份量仲好揼本，飲到最尾仲有奶蓋，仲好味到忍唔住奶晒個樽蓋&撩啲樽入面黐住嘅奶蓋食🤤🤤🤤雖然芝麻奶蓋同番石榴唔算太夾，有少少搶咗對方嘅味😂但兩樣都各自好食！！！！下次飲番石榴應該會㨂返原味芝士奶蓋🤣…查看更多

以為開喺街市嘅cafe會抵食啲點知一上菜真係呆咗，份量似已經畀人食咗一半雞胸係薄切，係7仔賣嘅雞胸份量1/3牛油果我諗半隻都冇連雞蛋都冇完整一粒😧菜都只係得幾條味道不過不失，擺盤又唔係靚我本身都唔算大食，但百幾蚊食個咁普通嘅沙律，仲要再收加一，呢個份量真係不如出去食文青cafe下午茶時間去食，原來tea set 係食cake 唯有嗌lunch menu, 如果係lunch 去食真係唔夠攝牙罅，食完仲會肚餓環境正常，有落地玻璃採光好，但望出去都係屋邨景冇乜特別真係唔知呢間嘢定位係畀邊個食師奶會嫌貴，後生都唔會專登入嚟…查看更多

一入門口已經感受到老闆嘅搞笑vibe，感覺成間餐廳都好開心😆但原來老闆要一腳踢做晒樓面廚房，仲貼心提醒我哋可能要等一陣（但其實都唔使等太耐，好快就落單上菜，好勁！）一坐低老闆就放低一堆board game 畀我哋玩，見我哋想自拍仲借埋自拍神棍畀我哋😂仲會介紹咩game啱我哋玩～必食芝士薯條😍唔好睇佢其貌不揚，其實個芝士醬係老闆獨家秘製！用咗幾款芝士混合調配而成，淋喺粗薯條上面，擁有多重芝士嘅層次感，但又唔會膩，朋友都爭住食🤤🤤🤤白汁煙鴨胸意粉煙鴨胸好嫩滑，份量都好足！🍝黑醋沙律煙三文魚配法包🥗黑醋汁都係老闆自家調製，味道唔會太酸，好開胃😋煙三文魚仲好有咸香士多啤梨石板街即係士多啤梨+曲奇奶昔，好香甜，飲落好幸福～🍓巴莎迪那回憶即士多啤梨+香蕉，味道好清新好開胃🌱Cafe 環境好舒適溫馨，加上老闆嘅幽默，成個氣氛好歡樂，仲有好多board game可以玩成個下晝😆星期六下晝已經full晒，見到有幾位客人walk in 上嚟都失望而回，好彩我哋有book枱啫！大家嚟都記得要book枱，費時摸門釘老闆仲話嚟梗想開間partyroom，希望佢快啲開到😍…查看更多

最近晚市開返梗係要食好啲平時同朋友成班出去都唔知食咩😣大家口味都唔同最好就係食放題夜晚食得盡興又開心！刺身選擇多，同埋都真係上得好快刺身三文魚🍣推薦，夠肥美，而且有時候居然仲有三文魚腩嘅部位！北海道帶子、大頭甜蝦，都可以試食物真係超級快，自助區有前菜甜品同埋雪糕🍦特色壽司🍣絕對選擇夠多，唔可以錯過料理裏面仲有特色嘅燒菠蘿，酸甜可口，而且超級多汁！推介食三文魚子手卷同埋海膽手卷，因為絕對唔馬虎下次都可以同朋友再聚…查看更多

Menu 選擇幾多😋我點都要飲杯酒🤣一杯黑啤，會比較上有啲苦不過反而飲到啤酒嘅香味四溢1664就比較容易入口巴馬火腿配無花果及合桃沙律🥗呢個特別嘅組合第一次見原來都幾酸甜開胃炭烤羊架配寶雲酥羊西冷伴忌廉千層焗薯好滿足啊，因為真係好厚肉而且唔會好大陣羊騷味🤣酥炸原隻軟殼蟹蟹肉蟹膏意大利飯酥炸軟殼蟹熱啦啦上而且味道濃厚，creamy 煙韌嘅飯我覺得口感非常唔錯呀蟹肉蟹膏超級正，食到蟹肉既👍🏻味道…查看更多

高質素火鍋餐廳除左湯底夠料夠濃外仲要有好新鮮火鍋配料醉金渦（尖沙咀）整個場地設計都好華麗地方寬闊 而且有水缸 水吧美國安格斯牛頸脊套餐：係澳洲M9和牛脊胛湯底雙拼必點御膳麻辣鍋+懷舊沙茶熔岩鍋沙茶醬夠晒濃郁 麻辣香味撲鼻無論咩配料放落去都夠晒味首先有 美國安格斯牛頸脊花紋油脂分布平均 睇落去好吸引仲要係薄切 放落去濃味湯底幾秒就可入口即溶 牛香味 亦都唔會被湯底掩蓋海鮮拼盤，野菌拼盤整個賣相都好靚 海鮮夠晒新鮮配上麻辣更加有另外一番風味聖子 螃蟹 帶子 生蠔 每樣都係我最愛蔬菜梗係唔少得啦 仲會有野菌響鈴卜卜脆 仲可以自選兩款配料時令蔬菜同埋午餐肉 更加好味附送茅根竹蔗水一酌、合時水果食完豐盛嘅邊爐火鍋之後可以清一清熱氣 真係好貼心…查看更多

呢度嘅燒味選擇好多今次試咗三款下次仲可以試吓其他見到佢哋仲有雞腳海蜇，好似都幾特別麻辣手撕雞，已經成功成為左我嘅最愛擺咗落雪櫃直接食，唔洗熱夜麻麻都打開雪櫃偷偷地食😂呢個價錢半隻雞，真係唔錯叉燒絕對係出色因為之前食過一啲好乾又或者唔肥嘅叉燒真係好災難咬都咬唔到燒焦嘅感覺更加香口份量足，絕對唔爭食至尊燒鵝，超級大份量啲半隻燒鵝唔會話好肥又或者全部都係油證明呢個唔係一隻肥鵝醬料都可以搭配一齊食下次都會再幫襯見到有好多街坊都食呢度嘅燒味而且都越來越多分店啦！…查看更多