elm_spade的個人專頁

見幾有特色行左入去食，叫左個午餐，飯本身都ok、熱奶茶都幾好飲，但係唔知點解d阿姐要係人食緊野的時候拖地，仲要你抬高腳就佢，拖完一次又一次，好麻煩客人亦都十分唔衛生。食完最後一啖飯，叉都未放低，阿姐就秒速埋黎收野，令人覺得好似叫你快d走咁。仲飲緊杯茶，阿姐又無啦啦問都唔問安排左個阿叔埋黎搭枱，全場明明大把位，唔知點解係都要安排三唔識七兩個人面對面飲食，又唔比隔板，防疫措施同意識好差，呢個時世之下真係非常惡劣。…查看更多

路過入去食碗糖水休息下，登記完有個阿姨叫我隨便坐其時拍牆有5張2人枱，最左同最右都坐左人我就坐最中間果張，一坐低呢位阿姨就叫唔好坐，話你一係坐左一係坐右，連枱要留返比4人時拍埋，咁我只好移動但是如果你一開始咁諗，做乜又叫我隨便坐？揀完又唔比坐，你一開始安排咪得？態度又唔好叫左碗核桃露溝杏仁露，味道無乜特別，咁我就慢慢食食食下呢位阿姨又無啦啦走黎話「因爲出面有人等，我地而家限時30分鐘，你仲有5分鐘」真是令人又驚又怒，入座時從未提過有時限這回事，無啦啦走黎話限時，仲要係30分鐘，而且「仲有5分鐘」？我考緊公開試？你突然話乜就乜？有無離譜d？！係真•趕客wo！咁惡劣的待客態度，好食到識飛都無用！何況只是普通的中式糖水，實在建議大家不要花錢買氣受。…查看更多

很久沒有寫食評，這次是差到不能忍，特地寫的。打電話訂位的時候正正常常，想應該沒有那麼差。訂的是6點半，準時到達，店員卻說當我地6點3，好像很寬宏大量似的，我和朋友都莫名其妙。一問之下他說自己是寫了6點，但訂位電話是我跟朋友兩個人一起打的，聽了可選擇的時間兩個人即時商量，所以很肯定，訂的一定是6點半，不可能錯。我們本想理論，店員就說他屈我們沒有意思，直指是我們錯，完全不覺得是自己mark錯或聽錯，真是令人目瞪口呆，難道我們屈你就有？本來大家的好心情，被店員這種處理態度破壞得一乾二淨，非常生氣。有兩位店員，較年輕那位其實頗有禮貌，不知是否臨時請回來，不了解情況；但可以肯定的是，兩個人根本做不完全場。用膳時間被強制縮短，但等候食物的時間卻非常長。食物要不沒有什麼味道，又沒有提供辣醬以外的醬料，要不就是超咸或一律萬能辣醬調味，連最基本的泡菜也沒有。我們點了：牛肉，五花肉，雜菜炒年糕，凍豆腐，紫菜卷，韓撈，海帶湯，泡菜餅，炸餃子，炒粉絲，冷麵。牛肉和炒粉絲超咸，炒年糕就白白的沒什麼味，冷麵味道很奇怪，難以形容，有一種如甜品香精的味道。炸餃子是焦的，基本上沒有一樣稱得上好吃，充其量僅讓人能裹腹。看到店內有張貼表示剩餘食物500克計算$50難道店舖胡亂拿出令人食不下嚥的食物，客人也應該吃光？明明是舖頭糟蹋食物材料在先，為什麼要客人為店舖沒誠意的菜式買單？…查看更多