Vivian ChengHY的個人專頁

好耐無寫過食評，但呢一間放題餐廳食完之後令我急不及待要即刻寫翻一篇～ 從未試過食放題食得禁唔開心，真系夠曬難忘！大約兩年前同朋友試過，印象中所有野食都好高質，所以亦都放心訂台～ 環境算係唔錯，座位非常闊落，坐得好舒服!首先，飲品方面，限左兩罐，重要選擇非常少，好似得5-6款選擇，想要無糖既飲品都無～燒烤食物方面，生蠔值得一讚，但肉類，佢地創新既調味實在令人為之驚嘆！刺身選擇亦都唔多，而且唔新鮮，好似食緊泥膠！不過，最精彩係壽司......份量細，兼無味......真系非常失望！熟食就一般啦，但個烏冬唔建議叫! 最後服務方面，員工係幾殷勤既，值得嘉許，不過食物真系不了！…查看更多

今晚同男朋友去左青衣城，原本想試下天丼，但條隊太長所以就去左另外一期，食呢個泰國菜～ 當晚係平日，但呢間都已經爆曬，好多人都叫個個大大碗龍蝦海鮮喇沙，因為宜家做緊特價，＄188 （原價＄258），但我地驚食唔曬，所以就叫左其他野食，點知都好大份！＄76 大蝦金邊粉金邊粉黎講，呢個價錢唔算特別貴，有兩隻蝦，配料唔算多，勝在粉既份量超級多，兩個人share都唔過份！＄82 海南雞喇沙海南雞係失色之作，唔夠滑！…查看更多

今日食車仔麵，係元朗有永年呢個大呀哥做選擇，但今日就揀左呢間比較新既車仔麵舖頭，叫篤篤車！定價唔算進取，下午茶仲有得送野飲！另外超值套餐，真係超值，個價錢包三餸麵＋小食（大）＋油菜，全部大大份！兩個人既話可以叫一個套餐加一個面，一定夠曬滿足！＄38 雞翼＋唐生菜＋蘿蔔蘿蔔好淋，雞翼大大隻，好入味，唐生菜都算新鮮！至於重點－－鱷魚湯底，反而唔係太有驚喜，佢有好多配料，例如菇＋紅棗＋杞子，但鱷魚湯味唔係好出，只係普通一個湯底！…查看更多

今晚同屋企人食飯，原本諗住打邊爐，但媽媽唔想，所以就係openrice 搵左呢一間泰國菜，貪佢近屋企～ 大約7:00去到，點知一個食客都無...... 但本住冒險精神，都入左去！蒜蓉包＄40 ＋ 黃咖哩雞 ＄68蒜蓉包外脆內軟，一流！黃咖哩好香，少辣，雞件好多，仲有少量青椒！串燒半打 ＄68豬有少少唔熟，牛好嫩，雞幾都好味！明爐烏頭 ＄148好大條魚，有大量酸菜同埋芹菜，魚肉好滑！馬拉盞芥蘭 ＄58甜品 （免費）呢個甜品係侍應突然攞比我地，送既就無咩特別要求，只可以話係晚餐既句號～…查看更多

呢排儲緊元氣積分，所以今日係港島諗唔到食咩，就去左元氣！呢間元氣係高速線版，佢有幾多位，但當日員工唔夠，非繁忙時間都要等10-15分鐘先有位！另外，有漏單情況，搞到唔少顧客都鼓躁！帆立貝迷你飯 ＄22呢個係期間限定既極上之選，超級抵食！只係＄22，但有5塊帶子，必叫～照燒三文魚薄切壽司 ＄10/ 1呢個係另一個驚艷製作，三文魚好肥美，燒埋就岩岩好！＄10 一舊絕對抵食！炸雞軟骨 ＄26呢個份量比較少，同埋炸得比較乾！湯烏冬 ＄19…查看更多

今晚原本諗住係旺角食飯，但諗唔到食咩，行下行下就黎左太子呢間點心舖！當晚唔係好多人，只有三至四枱，佢既位算多，但唔係坐得特別鬆動！員工都好有禮貌，雖然食物唔算好特別，但價格相宜，會再幫襯！鳳爪排骨飯排骨有6-7舊，啖啖肉！飯蒸得啱啱好！煎蛋牛肉飯同想像有出入，唔係會流心既蛋，味道一般！鮮蝦腐皮卷熱辣辣，脆卜卜！蝦唔算好多，中規中矩，勝在即炸！燒賣一樣即叫即整，大大粒！棉花雞同樣足料，魚肚同埋雞都好大舊！…查看更多

今次黎左荃灣朋友推介既木子，位於悅來酒店對面個商場，唔算易搵，因為唔近地鐵站！舖頭好闊落，乾淨企理，環境唔錯！甜品選擇都夠多，價錢亦都好實惠，唔怪得之朋友禁鍾意！宇治抹茶豆花 ＄28呢碗豆花有一球綠茶雪糕，紅豆同埋芋圓地瓜圓，份量夠曬大，但價錢絕對公道合理，只係＄28！＄30以下既糖水已經難搵，仲要禁足料！豆花好香，好滑，芋圓同埋地瓜圓都好有咬口，但唔係好重芋頭或者蕃薯味，整體中上，如果住得近，應該都會成日帶朋友黎！…查看更多

今日同朋友係荃灣食晚飯，黎到「韓閣」～ 我地一早用app 攞位，所以等左5分鐘就已經有位，超級方便！我地一行5人，叫左5樣野，只係＄388，超級抵食！鐵板牛肉 ＄98牛肉有好多配料，包括粉絲／年糕，甜甜地，好好味！牛肉好淋，但唔算好多塊！三重芝士炸雞 ＄98唔好睇去細細碟，有成7/8舊，絕對夠3-4個人share! 之前試過蜂蜜牛油，今次既三重芝士比較鹹，唔係好推介！但雞肉熱辣辣，啖啖肉係值得一讚！海鮮煎餅 ＄72呢個煎餅好足料，有好多魷魚同蝦，個邊好脆，非常唔錯！溶岩芝士炒飯 ＄78呢個係另一驚喜之作，炒飯有豬頸肉，好好味！芝士份量亦都好足夠，撈勻炒飯，正呀！泡菜豬頸肉飯捲 ＄48捲得唔係好夠實，但味道一流！…查看更多

今晚屋企人生日，去左鴻星食呢個「金豬發財宴」，一共10樣食物，岩岩夠12個人！值得一讚既係佢有人走過黎，免費扭氣球比小朋友～珍寶脆黃金蝦 & 燒乳豬黃金蝦好正！佢係大大隻海蝦，啖啖肉，吸睛之餘，亦都係真材實料，食到大家哇哇聲！燒乳豬相對失色，豬比較瘦同埋乾！清蒸海花斑蒸得岩岩好, 但多兩條蔥會開心d~帶子叉燒炒飯個飯炒得好靚，叉燒比較少，帶子同埋蝦仁份量多，但應該好重味精，食完好口渴！酒釀脆片鴨呢個肉好瘦，但佢配個汁有少少奇怪，會prefer 正常酸梅甜醬！好市福袋原隻鮑魚花菇竹笙野菌青蔬…查看更多

如果你問我，元朗薯粉有咩好介紹？我一定會話俾你知，去川味閣啦！選擇多，價錢抵，又好味，真係無得輸架！由中學食到宜家，味道都無變，一樣禁正！＄26 撈幼薯粉除左湯薯粉，佢仲有撈薯粉！薯粉分幼／中／粗，如果唔鍾意薯粉，可以揀米線／拉麵／河粉，淨係麵底都有超過10個選擇！餸方面，個人鍾意豬頸肉，腩肉，魷魚，只係加＄5-6！重點係佢超級大碗，女仔甚至可以兩個人share! ＄38 口水雞 （小）呢個份量絕對係關絕全港，＄38 有超過十件啖啖肉既口水雞，味道岩岩好，唔會太辣，口水味好香！佢仲好貼心，有個碗仔比你放骨架！雖然元朗食店越開越多， 但有d舖頭係無論選擇幾多，都一定會翻去，唔單止係食個份味道，更重要係個份回憶！…查看更多

今晚同男朋友慶祝，決定去食好耐無食既放題！呢間大喜屋之前已經試過一次，覺得唔錯，今日就再試試佢！平日夜晚黎，任食2個鐘，加埋一，每人＄261，都算抵食，因為佢時間係自選，比較flexible! 選擇方面，都係大路野，刺身／炸野／壽司，比較特別係佢有自助餐形式既食物，有得出去攞片皮鴨同埋其他熟食！刺身樣樣都唔錯，最鍾意赤背，馬刀貝，油甘魚！鰻魚係必食，encore 左3次！壽司相對失色，唔推介！雞翼好好味，另外兩樣就普普通通！牛俐唔錯！罕有既片皮鴨！食多兩舊都抵翻！烏冬好滑！正呀！…查看更多

元朗有大量糖水舖，舊既有B仔，新少少既有糖森林，絕對不乏選擇！今日同朋友即興黎到呢間位於安娜餐廳後面既甜品鋪，睇中佢特別既裝修，同埋有芋圓／地瓜圓，呢間舖頭既位置人流唔算多，附近亦都無糖水舖，所以比較難搵到！佢有室內同埋室外座位，冬天如果唔係太凍，係出面坐其實仲舒服，無禁焗！我同朋友都叫左呢碗有芋圓，地瓜圓，黑糖珍珠，紫薯西米，加雪糕，另有豆腐花底既甜品！最鍾意佢既豆腐花，好滑！紫薯西米無咩紫薯味，黑糖珍珠亦都唔係好重黑糖味，但欣賞佢係用細粒個隻珍珠，方便食！雪糕同埋芋圓，地瓜圓無咩特別，味道同樣唔算好濃！但呢個價錢包禁多樣野，我都收貨既！…查看更多

朋友同我都好鍾意食魚頭，前排係社交平台見到呢間水蟹粥鋪有魚頭湯埋，仲要加埋藥材，岩曬女士補身！今日終於要到朋友一齊試試佢！餐廳有分室內同埋室外既位，室外會有人食煙，所以一入去都幾大陣煙味，但坐低就好d! 佢餐牌除左餐廳名字所寫既水蟹之外，仲有小炒，同埋炒蝦蟹！另外都有套餐，幾抵食！$50 (米線／飯／米粉 ＋＄5）呢個魚頭湯真係好好味！佢有唔同藥材，但飲落好清，平衡得好好！主角魚頭有5-6件，好足料，好多肉！唯一挑剔係米線比較碎，有d難夾！同埋預左要等10分鐘以上！…查看更多

今日去左荃灣食飯，終於黎左想食好耐既荳子！（經過亞玉豆腐花，超多人排隊）已經一早做好要排隊既打算，話曬係人氣餐廳，點知好好彩 6:45黎到，唔使排隊，仲有好多空位！我地兩個人，叫左1個意粉，1個小食拼盤，加一個蛋糕！呢個係招牌意粉，黑松露好香，意粉煮得剛剛好！另外有半隻軟殼蟹，唔算好特別，相比意粉，比較失色！小食拼盤有兩種味道既單骨雞翼，有蜜糖味同埋辣味，另外有洋蔥圈，肉醬意粉，同埋少少沙律係中間，成個拼盤3-4個人share 都夠曬！個人覺得雞翼最好味，肉醬薯條都唔錯！蛋糕係玫瑰荔枝味，mousse 入面包住蛋糕，mousse 好香，但蛋糕太乾！蛋糕加＄25，（原價＄4X），所以幾抵食，有唔同款揀！…查看更多

今日Happy Friday，同爸爸媽媽去YOHO MALL食，之前試過一次，覺得唔錯，見佢唔使排隊，所以就入左黎食泰國野！我地一行三人，叫左個2人餐，再加一個蕃茄豬扒焗飯，岩岩好！大蝦炒粉絲 （二人餐）炒粉絲好乾，痴埋一舊，調味雖然唔錯，但口感麻麻！肉眼扒 （二人餐）肉眼排好嫩，煎得岩岩好，超級大塊，另外配埋幼薯條，正！焗豬扒飯好泰式，有兩種提子乾係炒飯入面，未必個個鍾意！石板街 （二人餐）呢個係碎左既Oreo +  麥提莎 ＋ brownies + 棉花糖 同埋一舊雪糕，無咩誠意，唔推介！芒果芝士蛋糕  （二人餐）芒果芝士蛋糕反而唔錯，唔係好實淨new york cheesecake 既口感，所以唔會好 heavy！…查看更多