eva ksn的個人專頁

4月16日晚7:30入座，先叫刺身，羊架，牛仔骨。刺身出餐時間算正常，亦算新鮮。食完刺身約7:50分羊架及牛仔骨亦未上，都算繼續等！然後8點繼續再點食物，燒物：「牛舌，扇貝，菠蘿……8:25仍未有，問職員(黑色背心女職員)，佢嘅回應係燒物係要等，我話咁係咪補返時間比我哋？佢就答，咁都要比時間師傅燒㗎，得一個爐，要整咁多樣！我O咀囉，等成半個鐘都無一樣上枱，咁叫唔比時間？相反，做唔切點解又接咁多訂座？都算，等到8:40扇貝到喇，肉梅嘅。炸物算正常，菠蘿係熱但唔覺有燒過，牛仔骨偏un，我都唔再投訴了！因為唔會有下次。我6個人，已經無人想再叫任何嘢食，連雪糕都唔食，8:57離枱走人……$308加一比咁嘅質素真係🤦‍♀️🤦‍♀️…查看更多

原先訂11人，後來因有兩朋友屯門收工出來，但今晚屯門公路十車相撞有2個塞車嚟唔到！於是，食左半個鐘，經理行埋嚟話要縮短我哋三份一枱，要比另外兩位客人搭枱！😕😕真搞笑，食韓燒有搭枱！但兩位又唔搭其他枱係要搞人哋9人枱，甚麼服務態度？飲品少、食物又漏單！一定冇下次！為左做多兩個客搞寸人哋9個人嘅聚會，完全唔理客人感受！雖然價錢平，但都唔係連大排檔嘅服務質素都冇囉！呢個經理要學吓D下屬侍應、傳菜阿姐嘅服務態度啦！😏😏…查看更多

朋友生日邀請，食物款式多，刺身新鮮！放題嚟講算抵食，但如果時間方面稍作調整更完美！有時不是至在食多嗰半小時，而係三五知己聚一聚都唔想咁趕！希望貴公司考慮吓吖！我會再來的！…查看更多

很野味的雞煲(我揀中辣無得頂)、雞夠滑、汁香濃，手切肥牛超，還有蝦滑、牛骨髓、黑牛柏葉，其他火鍋料好新鮮，很少任食火鍋可以食到！值得一去再去！食火鍋一定要冷氣夠，佢又掂喎！又近地鐵站，交通超方便！…查看更多