haienolo的個人專頁

地點係幾隔涉，不過由門口個萬花洞隧道，到入面嘅精心佈置，一定令你唔會覺得白行一趟！食物款式算多，每人低消$200,但叫得主食又想叫甜品飲品尼打卡，兩個人最後$700埋單，但坐足兩個鐘，食飽又打夠卡，物有所值啦！牆上佈滿彩虹色元素，周圍佈滿花同糖果色系嘅佈置，野食未尼已經急不及待周圍打卡！而食物更係出奇地出色，擺盤相當精緻！帶子意粉帶子大大粒，意粉淋度適中配埋忌廉夠晒creamy! 千層麵充滿濃濃蕃茄味！雪山小屋擺喺隻好得意嘅碟上，賣相好靚！雪山入面係earl grey味蛋糕，沾埋出面嘅士多啤梨西瓜醬食，又甜又清新！OMG 5C係五支唔同味嘅mixed juice,味道就甜左啲，打卡卻一流！…查看更多

下午兩點幾去到, 冇乜人, 地方好大, 仲有室外位, 未去過地中海國家, 呢度我反而覺得充滿熱帶感, staff著上花恤衫, 周圍擺滿花花草草, 好寫意! 散叫了幾樣食物, 價錢係偏貴嘅, 但味道好ok!Poke Tuna醬油混合洋蔥花生粒等配料,唔好太濃味亦好清新, 蝦片大大塊脆卜卜,擺D Tuna粒上去一齊食又有唔同口感! 雞肉curry充滿椰香,好啱唔太食辣嘅人,亦有好多茄子,蘑菇等配菜,不過curry係偏稀嘅,唔係幾掛到上roti一齊食~ 飲品杯嘅造型好得意,幾種果味mix埋一齊好夾又唔會太甜~最後食埋個coconut ice cream,雪糕好重椰子味,底下有焦糖化嘅菠蘿塊,幾驚喜,再加埋杏仁粒一齊食,口感好豐富! 環境太舒適坐到唔願走! …查看更多

開業咁耐第一次黎食，同另外一pair人同坐喺門口附近嘅四人枱，略嫌逼狹，傾計唔方便，裝修亦冇乜特色，還好食物質素可以~梳乎厘班戟似乎係招牌菜，不過我就覺得質感麻麻地，唔夠蓬鬆，中間塔左落去，有點失望，出面嘅pancake店價錢但質素做唔到，唔知係咁啱我呢份係咁定點啦~意大利飯朋友話過濕，我就覺得ok,因為自己鐘意食濕啲嘅，黑松露味道好夠，而春雞就幾出色，味濃兼雞肉好嫩好多汁！牛油果蟹肉沙律夠晒fresh蟹肉亦唔少。下次有機會想試下奶昔，聽聞都好味…查看更多

之前食過午餐，意粉同三文治都好食，今次入尼tea一tea,坐得舒服，裝修得意，周圍都係蛋蛋裝飾，坐喺個蛋造型嘅枱入面，望到都覺開心！食物質素又高，係會再次幫襯嘅和風餐廳！叫左三個tea set,cheese cake芝士味濃郁,質地實淨，配士多啤梨中和返濃味，唔會膩又好食！啡菇多士香脆，撈埋爆漿蛋汁一齊食，口感一流，配埋沙律感覺清新！估唔到係梳乎厘pancake都好好味，好蓬鬆蛋味亦濃！滿足的一餐下午茶！…查看更多

開業多年都仲係高人流嘅台灣餐廳，夜晚七點，二人枱等三張枱都要半個鐘，女侍應著上白色圍裙，有啲女僕嘅感覺，場內燈光係暗色系，餐牌食物選頗多，洋食較多，亦有台式麪線滷肉飯，每人低消一本飲品。我地兩人，叫左1.雞扒凱撒沙律，2.蕃茄明蝦意麵，3.巧克力蕉響曲蜜糖吐司，4.玉米濃湯，5.熱帶水果茶。食物偏濃味，蜜糖吐司同茶木嘅都好似，朱古力味冇得輸，好難唔好味，吐司因為冇叫後上，早過意麵尼，放暖左後就唔脆了。餐廳都算坐得舒服，食物亦唔算貴，難怪依然咁多人食啦…查看更多

終於試到成日經過都好多人等位嘅神山，不過幾失望，可能太忙嘅關係加上坐近門口，等左好耐先有人來落單。食物方面-神山豚燒叉燒沾麵:必叫嘅沾面，一尼見到個沾汁唔算好濃稠，亦唔係好掛到面，味道都算ok,豚燒叉燒就韌左啲，個人會想食普通叉燒多啲🙈黑神山叉燒拉麵:黑蒜油味唔太濃，叉燒唔韌幾好食。雙色牛舌:牛舌厚度適中有咬口，一邊凍食，味道清清地，另一邊燒汁炒就咸左啲。炸雞外表脆得尼裡面都夠juicy,但完全食唔到wasabi味。恆生卡滿$250送餃子，反而係我最滿意嘅😂可能嗰日天氣凍，啲食物好快就凍晒，豚燒叉燒凍到咬唔開，有大半舊冇食到，餃子最尾到keep到暖暖嘅，皮簿肉多，撈返少少分數😅…查看更多

去完車公廟，行過尼食個early dinner,比起另一分店 屋子空間，呢間食物選擇較多，擺碟精美好日系，(空間係用紙杯紙碗的),呢度得一層，座位少啲，坐到角落位有張擺左日式坐墊嘅枱嘅話，打卡就一流。叫左明太子伴飯，關西牛肉，大阪章魚燒，小倉抹茶淋醬雙層窩夫，白利甜酒咖啡，焙茶拿鐵咖啡。明太子份量適中，撈飯食正，配埋小碟入面嘅海帶絲食感覺清新！章魚燒有四粒，章魚略嫌細粒左啲。抹茶雙層窩夫個樣幾得意，窩夫係淋嘅質地，似厚版熱香餅，抹茶醬配紅豆食最夾！好滿足！…查看更多

星期四六點半入座，唔洗排隊，坐喺灰色水泥牆個area,幾寬躺舒適！月見雞肉棒串~入面應該係雞肉雞軟骨，肉味同醬汁都夠濃夠惹味，沾上生蛋黃個感覺幾特別，似中和返個濃味咁壽喜燒牛肉蛋汁燉飯~燉飯偏腍，愛食軟飯嘅我就幾鐘意啦！牛肉沾生蛋黃又係無敵嘅！真係有食緊壽喜燒嘅感覺帕爾馬火腿 朝鮮薊 毛豆 馬鈴薯丸子~丸子同朝鮮薊都係第一次食，丸子就係硬硬地嘅薯仔麵粉丸，本人唔太好但幾新奇嘅，朝鮮薊本身就偏酸，本人都麻麻，fd覺得個白汁底嘅芝士太多太膩，我就覺得還可以三個女仔居然叫左兩個甜品，因為甜品menu樣樣都幾吸引🍰法式奶油多士~似麵包多過多士，偏腍身嘅，淋上糖漿點埋忌廉食，好有幸福嘅感覺！巧克力班戟~估唔到班戟都好勁朱古力味，班戟質地似蛋糕多過班戟，唔係空氣感嘅質地，不過都好食！整體感覺大部分食物都偏濃味嘅…查看更多

第一次LKF食野，感覺都高級啲，雖然係食放題，但環境同食物都有水準，食足三個鐘！人手落單,慣咗掃code落單感覺冇咁方便😅前段任叫前菜、刺身、冷盤(包括松葉蟹腳)、天婦羅等，重點當然係食刺身同蟹腳，自己唔好蟹亦唔識食，個人食到係鮮甜冇雪味嘅！刺身就一定好過平時嘅放題啦！食到中段就上A4和牛，每人100g,個人感覺牛味重，但個燒汁都重手咗，肉質腍度可接受，但唔驚艷😂呢個價錢合格啦！頭個半鐘落單都出到足，之後就甩單了，order刺身同茶碗蒸，等左20分鐘催過一次，過左陣只有茶碗蒸到，再等多10分鐘左右先尼刺身…好彩中間叫埋一人一主菜，叫咗和牛烏冬/呑拿魚腩丼/野菜小鍋，邊食邊等，和牛烏冬啲牛都唔差！最後好飽都要食埋甜品，有蕨餅，brownie,雪糕，生果，滿足！…查看更多

之前入長洲都係掃街掃飽，今次一入到尼鑽入巷仔諗住搵間餐廳坐低食，比呢間舖頭仔吸引到，地方細細，係坐得有啲逼嘅，日系溫馨小店，招財貓及其他擺設好得意，成個感覺令人舒服，menu簡單，飯團似乎係必試嘅，兩個人叫左兩個一品飯團餐，唔食飯團可轉烏冬或飯/加錢轉茶漬飯，飯團暖暖地，同豚角煮一樣好夠味，雞肉豆腐漢堡扒相對上淡味但都唔錯，呢個餐好飽肚好抵食，另外單點了蟹肉忌廉薯餅，濃濃忌廉配炸薯餅冇得輸，日式陶瓷器皿非常精緻，亦睇得人好開心！…查看更多

星期日Book左位唔洗等，餐廳環境闊落，新派裝修同一般東南亞菜餐廳完全唔同架！兩個人食唔到幾多，叫左細惹味拼盤同蟹肉娘惹喇沙蝴蝶粉，飲品叫左蝶豆花椰子奶蓋。拼盤有五款野，樣樣都脆口惹味，雞槌整到成隻雞嘅形狀好搞笑！蝴蝶粉個人覺得個味唔夠濃，唔係好食到喇沙味，但辣辣地配埋鮮味嘅蟹肉都唔錯嘅,又夠fusion~奶蓋顏色搶晒鏡，打卡一流，椰子味都算重，奶蓋都幾香滑但又唔會覺得漏！其他意粉都好吸引，下次尼過再試！…查看更多

等左陣就有位，兩個人被安排坐矮矮嘅餐椅同餐枱，食野屈住身或者捧起隻碟仔，有點辛苦😅環境設計簡約，白色做主色，襯晒個名，牆邊嘅田園風格圓圈凳都係打卡位尼架！野食方面選擇唔太多，叫左辣茄汁豬面肉貓耳朵粉&全日窩夫早餐。辣茄汁隻辣似tabasco味，酸酸地加微辣幾過癮，豬面肉第一次聽同食，好似一條條肥豬肉咁，個人唔太鐘意個質感🙈貓耳朵粉硬度適中，整體都好食嘅。窩夫早餐都幾豐富，入面嘅材料好似係會不定時更換，我食到嘅炸海膽呢，熱辣辣但冇乜海膽味，如果換返一pat鮮海膽唔知會唔會仲好？窩夫要讚一讚，真心好脆！唔點醬食都好好食！門口張大枱好似幾舒服咁，但要多人先坐到😂…查看更多

舖仔唔大但坐得舒服，有tatami區，當晚有年輕爸媽帶bb聚會，又有唔少後生仔女坐tatami,好熱鬧！純係為左富士山豚肉咖喱飯而尼，店面背景紅卜卜，影唔到好藍嘅富士山，但已經好興奮，味道就係標準日式咖喱飯，冇特別嘅😂另一樣係蟹肉草莓牛油果他他沙律，呢個就好食好清新！上層牛油果醬，中間夾蟹肉他他同草莓，酸酸甜甜中和返牛油果嘅油膩感，出奇地好夾！沙律菜亦好新鮮！食物擺碟幾精美，係食得又睇得嘅一餐！…查看更多

搵搵下生酮餐廳見到so coffee & gin,不妨一試~兩層嘅cafe，裝修型格，牆上有衣車零件擺設同以往衣車行嘅歷史簡介，好有文化氣息。上層係寵物友善common area,可以比狗狗隨意走動。黑毛豬叉燒滑蛋黑麥包麥包皮脆得尼又夠濕潤，甜甜地(似加咗蜜糖或黑糖),口感好好，叉燒自己覺得個醬可以淡返啲，配埋好滑嘅滑蛋同麥包食好夾！配埋沙律菜食去下肥膩感👍🏻香煎虎蝦翠玉麵Keto主食~第一次食翠玉麵，同平時食一舊舊嘅翠玉瓜口感好唔同，幾得意~虎蝦夠爽，同茄醬好夾。第一次飲coffee tonic, 幾特別又幾清新嘅感覺…查看更多

聯和墟近排開左唔少西餐廳睇落格局都唔錯，CookHouse個磚牆幾特別，就推門入去試下啦(對門幾重下㗎)~餐牌都算多選擇，牛扒都有幾個價錢揀，我地試下水溫就揀左兩個大蝦拼扒餐同一個焗意粉試試先。大蝦拼牛肩胛 $238本身驚冇跟意粉飯唔夠飽，尼到就知份量唔少，有薯蓉同菜再加舊蒜頭㗎。大蝦真係夠大隻又多肉，唔算太乾身;牛就乾咗少少。大蝦拼厚切黑豚肉 $218豚肉呢個配塊燒(定焗？)菠蘿，夠甜但唔太juicy,豚肉好厚身，但係有啲韌，食到中間先切到幾舊比較林，味亦咸左啲。廚屋黑豚肉焗意粉 $108呢個豚肉好似仲林身啲，不過個茄醬好咸跟餐個薯仔餐湯幾好飲😂…查看更多