『幻』的個人專頁

今日有事要做，難得來到葵芳新都會廣場，打算搵隱世美食小店，結果搵到呢間小店。先講食物：是次點了一個廚師推介，霜降牛肉山椒湯烏冬，烏冬煮得不夠，稍微硬了點(純粹個口味，本人喜愛軟一點)。山椒湯底辣味夠，胡椒味重，但偏鹹。霜降牛肉，牛肉竟然順紋切，咬落非常韌，好在切得非常薄，先未令塊牛肉咬唔開，但已經失去咗霜降牛肉入口即融嘅口感。餐飲點了熱咖啡，咖啡唔夠香，味道一般，唔算太苦澀服務：樓面只有兩個人，態度唔算差，不過不失。…查看更多

是日朋友生日，見銅鑼灣開了一間新的放題便來試下，價錢同一般放題差不多，但入到去看到只收現金，坐下後，原來是用手機自己落單，起初唔識，好彩有侍應細心指導。雖然是日是周六，餐廳客比較多，但上菜速度不算慢，份量亦算充足，見隔離枱點了兩三輪天婦羅，都有上到菜，不似有些放題上完第一輪就咩都無。刺身同壽司都好新鮮，刺身厚身，珍寶蝦有筷子咁長，大得驚人。天婦羅炸得脆，不油膩，就算放涼了都好食豬頸肉熱辣辣，好好味。小炒非常有好味都來又有鑊氣，放題中少有咁好的小炒。…查看更多

是日老婆想吃廣東菜，選了這間試一下；由於當日我們早就找用餐位置，時間尚早，不用等很久就可入座。坐下後開一壼水仙，來到後變了鐵觀音，再點了三道菜，分別是魚湯什菌浸豆苗、檸汁雞及蟹肉蛋白瑤柱炒飯。三道菜份量算正常，兩個人三道菜都吃得飽，但味道就大失所望。先說最失望的蟹肉蛋白瑤柱炒飯：味道不均，入口部份偏咸，部份無味，明顯是放鹽後炒不均，另外蟹肉份量少到肉眼幾乎是看不到；再說檸汁雞：炸粉比雞還多，檸汁偏酸，雞件過碎，入口不脆，賣相極差；最後是魚湯什菌浸豆苗：三道菜之中最好，但魚湯落味精，不夠鮮甜，有些菇吸收不到魚湯的味道，變得淡而無味。結論是：我和老婆一致通過，不會再來第二次。…查看更多

先說下食物，瑞士雞翼好味，炸翼薯條份量好少，仲要係得3隻中雞，但炸得不錯，薯條只有十條左右。總括來說，如果你追求味道是可以，但份量真的好少。冷飲半杯是冰，叫少甜都覺得好甜。…查看更多

由於本人生日在本月，女友問想點慶祝，我又好耐無食過放題，所以想食放題。咁係網上見到呢間放題做緊團購，$128都算平，食物又好似幾咁胃口，所以決定去試下。昨日去到，由於早已book左位，所以唔洗等就入得，其實我地仲係早到左15分鐘，佢都即刻比我地入。抵讚一入到去例牌狂點野食，一口氣入左七張紙食物，等左幾個字，食物開始上枱。上菜速度ok啦！因為知道放題一定會漏單，所以我已經入第二輪單，前後入左4次單，第一輪單的食物黎左7-8成，第二輪只有5成，第三輪只有3成，最後一張單直頭無黎，總括黎講漏單情況都幾嚴重。:(食物質素，只係一般，刺身體積細，只有三文魚刺身的體積ok，希靈魚，油甘魚，甜蝦刺身的體積都偏細，但做放題呢個情況可以理解。但刷身不算好新鮮。:(壽司算ok啦，D飯唔會一夾就散，上面的魚生體積比刺身大，只係同刺身一樣不太新鮮。炸物係比較好的一樣，炸得好脆，有汁比你，特別係炸蝦又脆又熱，算好食，只係蝦比較細隻。:)燒物只食了少許，味道比較濃。烏冬好味，份量又唔少，但有些配料係凍既，明顯係就咁放上去，無煮熱。:(凍芝麻醬豆腐沙律，個豆腐好滑，芝麻醬又好味。:)飲品：如果唔飲汽水，只有蜂蜜綠茶同沙冰，但係昨日無沙冰供應，所以我同女友都只係要蜂蜜綠茶(因為我地都唔飲汽水的)，飲品上得好慢，杯蜂蜜綠茶唔係好甜，但係杯野唔似蜂蜜綠茶，無乜蜂蜜香味，我只係覺得係加左少少糖既綠茶。:(總括黎講：只會去食一次，一試無妨，但係好難會再試第二次。…查看更多

昨晚同女朋友去試，入到去個環境都唔錯，完全係燭光晚餐feel，不過稍為要注意係佢張地氈，由於佢無用膠紙將地氈固定係地面，所以比較跌。講返食物方面：我地兩個叫左兩份set dinner，一份係威靈頓牛柳，另一份係白汁扁意粉，先講個湯：我地要左個什菌湯，個湯本身唔太杰身，勁多菌類，非常足料:)跟住係牛柳：賣相都ok，牛柳外面用酥皮包住，夠特別，牛柳肉質只可以講係一般，唔夠腍，伴碟汁唔太濃，OK好味！之後係扁意粉，個汁唔杰，味道唔濃，味道算唔錯！最後我地仲加左個朱古力心太軟：佢個心太軟做得麻麻地，外面太厚，裡面d朱古力漿唔夠熱，唔夠流質！埋單都係$200左右，兩個人都算好抵！…查看更多