rachelshiuwing的個人專頁

叫咗個二人套餐。南瓜湯不過不失，小食拼盤真係好小，個包又勁乾，方包加芝士都可以咁難食。咖哩炒飯勁咸，勁少料，冇咩咖喱香味，九成都係飯，成碟得兩隻蝦。鹹豬手勁多肥膏又多根，咬到牙都甩。配菜翠玉瓜調味奇怪。侍應對顧客服務差，對優惠券條款極不熟悉，落單前我地有首先問清楚優惠劵使用方式，本身侍應話個套餐係可以用埋優惠券嘅，所以我哋先叫，但埋單時另一位又話要用正價，冇講清楚。埋單正價七百幾完全唔值衰過茶餐廳。…查看更多

今晚同媽咪行完海港城，本來諗住食串燒，但係最近有啲熱氣，見到四樓有間新日本餐廳，入左去試下嘩！一個字「正」！我地叫左呢個牛油果軟殼蟹卷，分量足，牛油果夠哂熟，軟殼蟹炸得剛剛好，食完一舊即刻忍唔住夾下一舊！唔好以為我地叫好多刺身，其實只係叫三文魚同甜蝦！一上枱個刻，咁大碗嘅！係咪搞錯左？仲諗住幾片刺身係隻碟上面就算。真係不得不讚賞廚師既心思，令食客食指大動呀！三文魚同甜蝦都好新鮮！不錯，不錯！我地仲叫左芝士青瓜鰻魚卷。鰻魚都算香滑惹味，青瓜都幾爽趣，加上炙燒既芝士係面，味道嘗可。:)如果鐘意食牛肉，千祈唔好錯過呢個牛肉火鍋！超足料！我數過牛肉至少有十片，冬茹、紅蘿蔔、蔬菜⋯⋯總之食到你好飽！個汁又正，仲要熱辣辣！呢個鍋一定係我再去既原因…查看更多