dingcrab的個人專頁

Lost Stars Livehouse Bar & Eatery喺K11商場重新開業！餐廳環境舒適，sell音樂與美食的結合，氣氛唔錯，值得一試！前菜: 精選小食拼盤 - 串燒牛肉粒，單骨棒棒雞，巴馬火腿哈密瓜，炸牛油果和火焰串蕃茄！兩個人食，份量剛剛好，炸牛油果非常有驚喜，牛油果切片後裹上麵衣，炸至金黃，酥脆可口，搭配自製的蘸醬更加美味！主菜: 肉眼扒套餐 - 以八盎司的新西蘭肉眼扒烹調而成，配紅酒汁和香烤時蔬，肉質細嫩多汁，烤得剛剛好，配上香烤時蔬，色彩繽紛，口感清脆，搭配一杯 house red wine。整體而言，$288係值得一試嘅。日本刺身帶子雙色麵 - 結合了帶子、蘆薈、蟹籽和明太子忌廉汁，味道獨特。麵條煮得剛好，入口滑順。帶子鮮甜，搭配蟹籽的微妙風味，明太子忌廉汁豐富口感，蘆薈清新。加埋杯Classic Mojito，剛剛好!…查看更多

知道黃竹坑開左個新場，泊車$500/3個鐘，幾抵玩，所以就帶屋企人嚟試下😊首先，瑤柱響螺燉冬瓜盅帶嚟濃郁鮮味，湯底入味又清爽，每一口都令人驚喜。緊接住嘅芝士貴妃醬焗老虎蝦，大隻蝦肉彈牙，芝士香濃，一啖啖都好得意。而鮮元貝蒸得剛剛好，金銀蒜粉絲增添豐富香味，令人回味無窮。唔止咁，我仲試咗組合菜式，包括薑蔥銀絲焗龍蝦同西班牙黑豚叉燒皇。焗龍蝦肉鮮嫩，薑蔥同銀絲調味，帶嚟香辣口感。叉燒皇外脆內嫩，黑豚肉濃郁美味，令人回味不已。最後，羊肚耳百合泡菜苗增添清新口感，配合著絲苗白飯同晚市茗茶，完美收尾。整體食物質素高，份量足夠飽足，價格合理。呢間食肆嘅菜式真係令人驚喜，而且服務亦好好。食物質量高，每一道菜都有獨特嘅風味同口感，令人難以忘懷。下次一定會再嚟，試下其他美食。真係一個值得推薦嘅餐廳！無論係慶祝特別嘅場合定平日用餐，呢度絕對係一個令人滿意嘅選擇。…查看更多

Lunch 過嚟食，食物選擇雖然唔多，但無論質素、環境同服務都真係唔差😙而且有大量打卡位！放假過嚟嘆下係正既😎紅酒牛尾意大利飯 $148 最有驚喜！牛尾軟腍入味，意大利飯軟硬度適中，唔會太硬，而且入面仲加咗啲新鮮蕃茄仔一齊煮，食起嚟清新唔會膩😌至於all day breakfast, 唔止擺盤靚，份量仲好足添🤣我一個女仔最後係食唔晒🙈至於呢度嘅咖啡，全部都係咖啡師即場為顧客沖😎所以有質素保證！好似我呢杯cappuccino 咁！夠香夠滑，啱晒我❤️…查看更多

行完街同朋友想飲番杯咖啡，記得之前喺美麗華分店試過一次，覺得唔錯😀見佢海港城開咗分店，所以就黎試吓啦嘢食都係一啲輕食為主，佢哋主打都係咖啡😂係Cashier叫完嘢食之後, 店員會俾咗呢個牌我! 咁我就可以安坐喺個位度等啲嘢食嚟啦😆呢個青醬雞肉沙律真心冇得輸👍🏻雖然係雞胸肉但係一啲都唔鞋！食落爽口彈牙，配埋佢個超級惹味嘅青醬，同埋巨量嘅沙律菜！一個女仔真係可能未必食得晒🤣🤣朋友就叫咗呢個牛肉三文治，全部即叫即整，個包上枱嘅時間仲係亂粒粒嘅！抵讚👍🏻最後點少得我最愛嘅cappuccino😍每次來都冇令我失望，香濃細滑！滿足…查看更多

趁住放假，特登過嚟大埔買餸！順便嚟拜訪下呢間超多大埔人讚好嘅西餐👍🏻雖然餐廳唔係喺大街，但係只要認住呢個呢個咁靚嘅鋪面，一啲都唔難搵😄首先叫咗個Egg Benedict $98!! 一上枱就嘩咗一聲，因為除咗賣相靚之外，真心超級足料👍🏻有牛油果、煙肉、腸仔、煙三文魚等等，健康又好味😍另外我哋再叫咗個卡邦尼意粉$118，又係超級靚😍打卡一流！！初頭驚唔夠飽，所以再叫多咗個蒜香辣椒炒蜆❤️啲蜆大大隻，鮮味十足！而且食落仲辣辣地咁，好開胃😆總括嚟講，除咗地點有啲吊腳之外，其他各方面都唔錯！值得再嚟食👏🏻👏🏻…查看更多

唔係大埔友介紹，真係唔知原來呢到有間正野🙈驟眼睇，以為係一間酒吧啦！有波睇，有酒飲！點知呢到最出名既，竟然係佢啲串燒😂款式種類非常多，而且有辣有唔辣，任君選擇，唔驚無野食！鹽燒牛舌心$32，燒得爽口又惹味！送酒一流👍🏻朋友鍾意燒豬大腸$28，外脆內院加上非常肥美，加埋辣粉一齊食，正😌燒菠蘿又係我至愛！！咬落去超多汁，而且夠晒甜，試過一左就愛上左😂仲有大大條既燒茄子又係必點，軟腍入味，每次食串燒都一定唔少得🙈啤酒嚟講，識飲一定係飲生啤！我鍾意佢呢度生啤款式非常之多，真係啱晒我哋呢啲酒鬼😂…查看更多

首先想講個場係靚既，全落地玻璃，維港景色一覽無遺🤗加上服務好好，整體感覺唔差既！但食物方面，我就覺得見仁見智😅.首先呢度係玩神秘菜單，分別有六道菜（$1180）或者八道菜（$1480）俾你揀！而且每個菜單都只會供應6個星期，務求令食客保持新鮮感，呢下係抵讚既👍🏻.由於我哋今次全女班，所以大家都只係叫左六道菜🙈最印象深刻係佢個伊比利豬（iberico pork) ，睇落似牛，但佢其實係豬😂（放心，係熟既）食起嚟外脆肉軟，一啲都唔韌😈配埋個用椰菜花做既puree，味道同口感都正😋.至於其他菜式我覺得還好啦，未到好驚艷，不過不失咁😅以呢個價錢計，我期望會更好🙊…查看更多

好朋友嚟咗大埔搵我，想搵我傾偈，所以今次就搵咗一間酒吧食飯，貪佢可以慢慢坐🤣餐廳唔係好大，但環境同氣氛都好好！而且食物種類都唔少，上至威靈頓牛柳，下至普通炸薯條都有，真係唔驚冇嘢啱食！首先我叫咗個肉醬配粟米片$58，粟米片加咗芝士再輕輕焗過，所以上枱嘅時間仲係熱辣辣，另外仲有兩個醬俾我點，一個係肉醬一個係莎莎，可以根據個人口味揀自己鍾意嘅醬，都幾貼心❤️主菜方面，分別叫咗卡邦尼意粉$68，同炸魚薯條$78，意粉煙韌彈牙，唔會過淋！而且份量非常多，好抵食😈至於炸魚薯條，全部都係即叫即炸，炸粉唔會太厚得嚟，仲外脆內軟，口感啱啱好！最後我哋仲叫咗兩杯嘢飲，一杯係Apple cider, 味道甜甜地咁，比較適合女仔，如果你唔鍾意帶甜嘅嚟酒，可以揀1664，口感比較清新，而且夠晒凍，非常消暑！…查看更多

自己一個食晏晝，又想飲咖啡，無意中醒起醒起美麗華有間唔錯嘅coffee shop，所以就過咗嚟睇吓啦😊餐廳用左一個半開放形式嘅設計，環境開陽企理，落單前店員都會要求我哋先量度體溫，感覺唔錯！我叫咗一個香蒜醬雞扒沙律$78同埋一杯大嘅Cappuccino！雞肉用咗慢煮技術去烹調，食落唔韌之餘，仲好Juicy😎配埋新鮮嘅沙律菜，清新得來夠晒健康💪🏻另外杯咖啡都係抵讚嘅，夠香夠滑，如果再有機會都會再嚟食💪🏻…查看更多

咁耐冇出嚟食野，見風聲無咁緊，梗係出嚟食餐好既😈作為一個牛魔皇，當然就係食牛啦😎呢個餐廳bookmark 左好耐，已家見佢有8折，所以就嚟試下！首先叫左個自己製牛腰背肉壽司飯糰$128，牛肉油脂分佈好靚！輕輕煎一陣，啲肉味出晒嚟，跟住點少少蛋汁同埋飯一齊食，正！之後再叫咗個和牛盛盒！上面有啲牌仔寫咗唔同部位，咁我哋就可以根據自己嘅喜好去揀選自己鍾意嘅部位啦！要encore都知要encore咩部位嘛😎呢度嘅肉的確高質，食落重肉味之餘仲入口即溶！我自己就鍾意加蛋汁一齊食，特別鮮味😌我哋兩個都食得超滿足！下次有機會會再黎過🙌🏻…查看更多

見疫情緩和返啲，而且天氣唔錯，所以就諗住出去食返個branch啦！見到門口啲畫咁靚，所以就忍唔住入去試吓啦！呢度假期都有午市套餐，大約五十零蚊左右 ，有湯有main course仲有飲品，價錢唔算貴！不過由於見到呢度招牌係食all day breakfast , 所以我都叫咗一個試吓！材料超級豐富，有炒蛋、腸仔、蘑菇、茄汁豆、沙律菜同埋薯餅！我個人最鍾意佢塊薯餅，熱辣辣得嚟，仲又香又脆😌配埋杯rose latte， 絕對係一個寫意既午餐😎男朋友想食飯，所以就叫咗個泰式冬陰功雞扒飯！ 雞扒大大塊，配埋個冬陰功Sauce, 辣得嚟微微帶酸，而且仲帶啲香茅味，好鬼惹味😍成餐飯大家都食得好滿足，滿意！…查看更多

好耐冇出街食飯啊！由於今晚放工屋企冇嘢食，所以我都出咗去食嘢！行過見到尖沙咀K11開咗呢間新嘅餐廳，據說係名廚祥仔開嘅，所以就黎試吓啦！首先叫咗個冬陰功雞翼$78，即叫即炸，入口香脆，食落會有陣陣嘅冬陰功味散發出嚟，味道唔會辣，但係就覺得好香，唔錯👍🏻之後再叫咗個法式煙肉蛋長通粉$138，意粉煮得啱啱好唔會太淋！不過我最鍾意嘅，都係佢個溫泉蛋😍煮得啱啱好，一界開，蛋汁就爆曬出嚟，撈埋啲意粉落去一齊食，冇得輸呀最後再叫咗個芝士焗蟹蓋$78，啖啖蟹肉之餘，入邊仲有啲蘑菇同埋薯蓉，口感豐富！值得一試✌🏻…查看更多

雖然我唔係球迷，不過都比呢到濃濃既阿仙奴氣氛吸引住成間餐廳都佈滿左阿仙奴既product, 包括簽名波衫、閃卡等等，睇得出老闆應該係超級粉絲😎由於已家有疫情，店主仲好好咁放左啲口罩係門口，免費比有需要既人使用，絕對係一個良心老闆！👍🏻講番食物，真心唔差，難怪到已家一個劣評都未有😂蒜蓉包上枱時仲熱辣辣，香蒜味濃郁之餘，同時亦夠晒脆，正❤️餐湯係南瓜湯，濃稠度適中，入面仲有啲南瓜蓉，入口香甜順滑，齋齋前面嗰幾樣食物，已經睇得出店主既用心製作👍🏻主菜叫左卡邦尼意粉！佢隻溫泉蛋岩岩好半生熟，撈埋落個意粉到食，令到成個意粉都充滿蛋香☺️而且意粉唔會太軟腍，有al dente既感覺，好食之後再叫左個羅勒香蒜煙肉芝士腸蝴蝶粉，個汁好香濃，另外腸士佢用左司華力腸，大大條嗰啲再切片，男朋友表示滿意😎另外店員服務好好，不停加水都唔會黑面，值得再嚟食！…查看更多

餐廳位處係山林道，唔係朋友介紹，都未必識搵到呢到食飯😂餐聽唔算好大，四圍都有霓虹燈牌同埋唔同既海報，幾有特色😌餐廳食物總類唔算多，但so far 食左幾樣都好好食😌以下慢慢介紹首先叫咗個原條燒吊筒$68，魷魚爽口唔會韌，加埋佢個秘製醬汁，惹味得嚟夠晒開胃🙈之後再叫咗個黑松露卡幫尼意粉$98，呢到煮出嚟意粉係比較硬身，有咬口，啱晒我😌之後就到重頭戲，脆炸魚柳拼盤$329，入面除咗有脆炸魚柳外，仲有龍蝦、雞翼、雞翼同薯條😍超級豐富龍蝦大大隻，我最鍾意個炸魚薯條，即叫即炸，香脆得來又唔油膩，正👍🏻最後加多兩支啤酒，成間飯食得好滿足🥰…查看更多

由於困咗喺屋企好多日，終於忍唔住要出街行吓啦😂見到佢哋而家做緊promotion！堂食既話，小菜同埋飯類就買二送一，點心就買三送一，超級抵食！所以我就同男朋友嚟試吓啦😌呢個係馬蹄甘筍龍利葉海底椰燉湯$55，據說有抗咽喉炎既作用，非常啱呢段時間飲😁飲落鮮甜又足料，好👍🏻之後呢個係雪影金腿叉燒包$36，面層鋪左啲糖粒，食起嚟外脆內軟，加埋惹味既叉燒一齊食，正❗️之後叫咗個鮮蝦菜苗餃$39，即叫即蒸，材料新鮮得嚟，皮做得都叫薄，口感唔錯天氣有啲凍，所以我地就叫咗個鍋蛋牛肉煲仔飯😎牛肉份量非常慷慨，而且個底充滿着我最愛嘅飯焦😍加上佢仲送埋碟油菜俾我哋，$88嚟講都唔算貴😌最後我哋仲叫咗個水煮魚$148，辣度唔算太啦，大概只有譚仔嘅五小辣，不過已經夠晒惹味😌魚肉無骨啖啖肉，另外佢仲有啲豆卜同芽菜做配菜，好豐富😌…查看更多